Litanga 15:18 - KITABU KITAKATIFU

¹⁸ Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Litanga 15:18 ပူးပေါင်းရင်းမြစ်များ

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 13:15

kigira kivala yiki kyosi kya u lolanga, nda ha ive, ne kisukululwi kikyo mihiga nemihiga

Litanga 2:14

Na lieta lyomugera gwegyivaka li veye Hidekeli: nagwo gu vitanga ku luvega lwa Asuria. Kandi ugu kola gyine gu veye Farati.

Litanga 24:7

Yahova, Nyasaye womigulu, wa ntwulidza mu inyumba ya dada wange, nomu kivala kya ndivulwa mu, wa mbolera, na ya nzisuhira, kuvola, Nda ha kivala yiki ku kisukululwi kikyo; uyu a la tuma ingelosi wewe imbiri wowo, na ive u la vugulira yo mwana wange mukali.

Litanga 26:4

kandi nda meda ligali kisukululwi kikyo kuli tsing'ereng'ani tsyomigulu, kandi nda ha kisukululwi kikyo vivala yivi vyosi; na tsihiri tsyosi tsyelirova tsi la gasidzirwa mu kisukululwi kikyo

Litanga 28:4

kandi a ku he ubugasu bwa Abrahamu, ku ive noku kisukululwi kikyo halala na ive; ive u duke kunyola mivandu gyekivala kya u menyanga mu, kya Nyasaye ya ha Abrahamu.

Litanga 35:12

kandi kivala kya nda ha Abrahamu na Isaka, nda ha ive, na kisukululwi kikyo inyima wowo nda va ha kivala.

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

2 Samweli 23:5

Ligali inyumba yange si i veye ndiyo ku Nyasaye; Navutswa u lombi ninze lilagana lyemihiga nemihiga, Lya lombwa mu vindu vyosi, ni li veye lye ligali: Kigira li veye ubuhonnyi bwange bwosi, nelyenya lyange lyosi, Kali ni ya li lomba li vula kukula.

2 Samweli 8:3

Daudi ya kuya kandi Hadadezeri, mwana wa Rehobu mwami wa Zoba, lwa ya tsia kwenyoiira miyandu gyigye ha Mugera.

1 Avami 4:21

Na Solomoni yameha ku bwami bwosi kutwula ku Mugera kuduka ku kivala kya Vafilisiti, kandi kuduka ku lwako lwa Egepeti: na va leta ubusutu nokutumekira Solomoni ma diku gosi gelivamwoyo lilye.

1 Avami 5:1

Na Hiram mwami wa Turo ya tuma vatumekiri veve ku Solomoni; kigira ya hulira amakuva va mu vaki maguta a veye mwami mbugono bwa dada wewe: kigira Hiram ya li muyanzi wa Daudi kazozo.

1 Kyetsinyinga 16:16

Lilagana lya ya lomba na Abra hamu, Lisuha lya yisuhira Isaka,

1 Kyetsinyinga 5:9

noku luvega lwevugwi ya menya kuduka ha bwingiriru bwekyanga langwi kutwula ku mugera gwa Farati, kigira mitugu gyavo gya medeka ligali mu kivala kya Gileadi.

2 Kyetsinyinga 7:8

Kunangwa Solomoni ya lomba lisavo inyinga yeyo madiku gatano na gaviri, na Israeli vosi halala naye, na li veye livugana linene ligali, ku twula ho kwingira Hamathu kuduka ku mugera gwa Egepeti.

2 Kyetsinyinga 8:7

Nomu makuva gavandu vosi va tigala ku Vahiti, na Vaamori, na Vaperizi, na Vahivi, na Vajebusi, ava ta li mu Israeli;

2 Kyetsinyinga 9:26

Na yameha ku avami vosi kutwula ku Mugera kuduka ku kivala kya Vafilisiti, noku lwako lwa Egepeti.

Ezara 4:20

Va li yo avami avanene ku Yerusalemi, avameha ku kivala kyosi engereka wo Mugera; na va hebwa kodi, nobusutu, na mitungu.

Nehemia 9:8

na wa lola mwoyo gwigwe kuva nobusuuvirifu imbiri wowo, na wa lomba lilagana halala naye kumuha kivala kya Mu kanani, na Muhiti, na Muamori, na Muperizi, na Mujebusi, na Mugiri gashi, kukihaana ku kisukululwi kikye, na u dukidzi makuva gogo; kigira ive u veye mulungi.

Zaburi 105:11

Kuvola, Nda ku ha kivala kya Kanani, Kya gerwa kuva miyandu gyenyu;

Kutwula 13:11

Kunangwa, lwa Yahova a li ku leta mu kivala kyo Mukanani, kuli yisuhira ive na avaguga vovo, na a la ku ha,

Kutwula 2:24

Na Nyasaye ya hulira likenya lyavo, na Nyasaye yidzulitsa lilagana lilye lya ya kola na Abrahamu, na Isaka, na Yakobo.

Kutwula 23:23

Kigira ingelosi wange a lemira imbiri wowo, nokukuhila wingire ku Avaamori, na Vahiti, na Vaperizi, na Avakanani, na Vahivi, na Vajebusi: kandi nda va dividza.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Kutwula 34:11

Ive u kole aga nku laganga lero: henza, nda kunga kutwula imbiri wowo Avaamori, na Avakanani, na Avahiti, na Avaperizi, na Avahivi, na Avajebusi.

Kutwula 34:24

Kigira nda kunga tsihiri imbiri wowo, na nda meda tsinzako tsitsyo: kandi si ha la va nomundu u kayirwa kivala kikyo, lwa wanegira kuloleka imbiri wa Yahova Nyasaye wowo hali kavaka ku muhiga mulala.

Kutwula 6:4

Kandi nsingeridzi lilagana lyange halala navo, nduke kuvaha kivala kya Kanani, kivala kye limenya lyavo, kya va li va menya mukyo.

Kutwula 6:8

Kandi nda mu leta mu kivala kya ndisuhira Abrahamu, Isaka, na Yakobo kuvaha; na nda ki haana ku mwinye ki ve miyandu gyenyu: mbeye Yahova.

Isaya 27:12

Na ga la va mu lidiku yilyo, Yahova a la hula amakuyu galyo kutwula ku kisenukiru kyo Mugera kuduka ku mugera gwa Egepeti; na mu la vungidzwa sa mulala, O mwinye avana va Israeli.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Jeremia 32:22

na wa va ha kivala yiki, kya wisuhira avaguga vavo kuvaha, kivala ki gangulukanga amaveere nobwuki;

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Kyavalevi 26:42

hene yaho ndidzulitsa lilagana lyange na Yakobo; na lilagana lyange na Isaka, na kandi lilagana lyange na Abrahamu ndidzulitsa; kandi ndidzulitsa kivala.

Kyavalevi 26:45

navutswa kigira yavo ndidzulitsa lilagana lyavaguga vavo, ava nda leta kutwula mu kivala kya Egepeti, imbiri wetsimoni tsyetsihiri, nduke kuva Nyasaye wavo: inze mbeye Yahova.

Livalidza 34:5

na lwako lu la kumbuka kutwula Azimon kuduka ku mugera gwa Egepeti, na litwulira lyalwo lu la va ku inyanza.

Vikolwa 7:5

kandi si ya mu ha mu miyandu, kali gya a vika ku kirenge: na a lagana naye a la mu ha kivala yiki ki ve kikye kandi kyavana veve venyima, lwa ya li na a ta li nomwana.

Kwidzulitsa 11:24

Hosi ha tsinduvatiru tsyenyu tsi sena ku ha la va henyu: kutwula ku kyangalangwi, na Lebanon, nokutwula ku mugera, mugera gwa Farati, kali kuduka ku inyanza yemadioli, lu la va lwako lwenyu.

Kwidzulitsa 12:20

Lwa Yahova Nyasaye wowo a la meda lwako lulwo, kuli ya ku laga, nu u vola, Nda lia inyama, kigira roho gugwo gu kayirangwa kulia inyama; u nyala kulia inyama, ku gosi ga roho gugwo gu kayirangwa.

Kwidzulitsa 19:8

Na Yahova Nyasaye wowo na a va na a nenehidza lwako lulwo, kuli yesuhira avaguga vovo, na a ku ha kivala kyosi kya ya suuviridza vaguga vovo kuvaha;

Kwidzulitsa 34:4

Na Yahova ya mu volera, Yiki ni kivala kya ndisuhira Abrahamu, ne Isaka, na Yakobo, ni mbola, Nda ha visukululwi vivyo: ligali mmali kukumannya, navutswa si u lambuka yo mba.

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Joshua 13:3

kutwula Shihoru, gu veye imbiri wa Egepeti, kuduka ku lwako lwa Ekiron ku luvega lwa kasikasini, kivala ki volwa kuva kya Vakanani; vakulundu vatano ava Vafilisiti: Vagaza, na Vaashidodi, na Vaeskaloni, na Vagiti na Vekiron; kandi Vaavim,

Joshua 15:4

nokuvita Azimon, nokutwula ku mugera gwa Egepeti; na kiheri kyolwako zana kwa li ku inyanza: yilu nilwo lwako lwenyu lwa kusini.

Likunula 9:14

mulala a volera ingelosi wa katano na mulala wa li nekisiliva zana, U boholole tsingelosi vane ava bofwa ha mugera munene Farati.