Litanga 15:17 - KITABU KITAKATIFU

¹⁷ Kunangwa, liuva lwa ya yera, na ha li ne kisundi, henza, kisambiru kyo mwoki, nolumuli lwetsimemo lwa vita hagati hevidieli vyetsinyama.

Litanga 15:17 ပူးပေါင်းရင်းမြစ်များ

Litanga 15:10

Naye ya mu vugulira yivi vyosi, na ya vyatannya hagati, na a vika vidieli vilala ku luvega lulala, na vindi ku luvega lundi: navutswa manyonyi si ya gatannya mba.

2 Samweli 22:9

Mwoki gwa vuya kutwula mmolu gege, Nomuliru gwa twula mmunwa gwigwe ni gu lia: Amanda gaakidzwa nagwo.

1 Avami 18:38

Hene yaho muliru gwa Yahova gwika, nokusamba ki haanwa kyokusambwa, netsinku, namagina, nolugukyi, nagwo gwa komba amadzi ga li mu mugerera.

1 Kyetsinyinga 21:26

Daudi yombakira Yahova ubwali ha zana na a haana vihaanwa vyokusambwa nevihaanwa vyemirembe, na yanira Yahova; na Yahora ya mu tivulira mmuliru gu twula migulu, nogwika ku bwali bwevihaanwa vyokusambwa.

Kutwula 19:18

Na kigulu kya Sinai kya vuya mwoki tsirnbega tsyosi, kigira Yahova yika kukyo mu muliru; na mwoki gwakyo gwa duuma kuli mwoki gwekisambiru kinene, na kigulu kyosi kya degara ligali.

Kutwula 20:18

Na avandu vosi va hulira tsinkupa, nokulola tsimpeni, nokuhulira mwoyo gwekisiliva, na kigulu kya vuva mwoki: na lwa avandu va lola yivi va degera, ni va singira ihale.

Isaya 62:1

Kigira liva lya Zioni si nda v girunkana mba, na kigira liva lya Yerusalemi si nda sosa mba, kuduka ubulungi bwalyo bu lang'aminywe kuli ubung'ereng'anu, nobuhonnyi bwalyo kuli itaya yaakanga.

Jeremia 11:4

lya nda laga avaguga venyu ku lidiku lya nda va leta kutwula mu kivala kya Egepeti, kutwula mu kisambiru kyekivya, nokuvavolera, Mu hulire mwoyo gwange, mu kole, kuleng'ana na yaga gosi aga mmu laganga: na ndiyo mu la va avandu vange, na inze nda va Nyasaye wenyu;

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Vakalagi 13:20

Kigira nonoho, lumemo lwa lwa nina mwigulu, kutwula ku bwali, ingelosi wa Yahova ya ninira mu lumemo lwobwali: na Manoa nomukali wewe va henza; na va gwa mammama.

Vakalagi 6:21

If ene yaho ingelosi wa Yahova ya nyira isonga yempimbo ya ya li nayo mmukono gwigwe, na a dira inyama noku bukima bu ta li namamera; nomuliru gwaaduka kutwula mu ligina, na gwa samba inyama nobukima bu ta li namamera; na ingelosi ya twula mu tsimoni tsitsye.