Litanga 13:15 - KITABU KITAKATIFU

¹⁵ kigira kivala yiki kyosi kya u lolanga, nda ha ive, ne kisukululwi kikyo mihiga nemihiga

Litanga 13:15 ပူးပေါင်းရင်းမြစ်များ

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 13:17

Vuka, u gende mu kivala mu butambi bwakyo nomu bugalamu bwakyo; kigira nda ku ha kivala yiki.

Litanga 15:18

Mu lidiku yilyo Yahova ya kola lilagana na Abram, na a vola, Mmali kuha visukululwi vivyo kivala yiki, kutwula ku mu gera gwa Egepeti kuduka ku mugera munene gwa Farati:

Litanga 15:7

Na ya mu volera, Inze mbeye Yahova wa ku twulidza mu Uru lya Vakalidei, kukuha kivala yiki kuva miyandu gyigyo.

Litanga 18:18

Kigira Abrahamu ligali a la duka kuva ihiri inene neyetsingulu, na tsihiri tsyosi tsyelirova tsi la gasidzirwa muye?

Litanga 24:7

Yahova, Nyasaye womigulu, wa ntwulidza mu inyumba ya dada wange, nomu kivala kya ndivulwa mu, wa mbolera, na ya nzisuhira, kuvola, Nda ha kivala yiki ku kisukululwi kikyo; uyu a la tuma ingelosi wewe imbiri wowo, na ive u la vugulira yo mwana wange mukali.

Litanga 28:13

Na henza, Yahova u singiye igulu kuyo, na a vola, Inze mbeye Yahova, Nyasaye wa dada wowo Abrahamu, na Nyasaye wa Isaka: kivala kya u goni mu, nda ku ha, na kisukululwi kikyo;

Litanga 28:14

kandi kisukululwi kikyo ki la va kuli lugukyi lwelirova, na ive u la landa ku luvega lwemadioli, noku luvega lwevugwe, noku luvega lwekasikasini, noku luvega lwekusini: kandi avandu vosi velirova va la gasidzirwa mu ive nomu kisukululwi kikyo.

Litanga 28:4

kandi a ku he ubugasu bwa Abrahamu, ku ive noku kisukululwi kikyo halala na ive; ive u duke kunyola mivandu gyekivala kya u menyanga mu, kya Nyasaye ya ha Abrahamu.

Litanga 35:12

kandi kivala kya nda ha Abrahamu na Isaka, nda ha ive, na kisukululwi kikyo inyima wowo nda va ha kivala.

Litanga 48:4

na a mbolera, Henza, nda ku ha lwivulu, na nda ku meda, na nda ku kola kuva kiduma kya avandu, kandi nda haana kivala yiki ku visukululwi vivyo inyima wowo kuva miyandu gyemihiga nemihiga.

Litanga 50:24

Kandi Yosefa ya volera avamwavo veve, Nkudzanga, navutswa ligali Nyasaye a la duka ku mwinye, nokumuleta kwanegira kutwula mu kivala yiki kutsia mu kivala kya yisuhira Abrahamu, na Isaka, na Yakobo.

1 Kyetsinyinga 16:18

Na a vola, Nda ku ha kivala kya Kanani, Kya gerwa kuva miyandu gyenyu

2 Kyetsinyinga 20:7

Ive, Nyasaye wetu, si wa kunga ava menyanga mu kivala yiki imbiri wa vandu vovo Israeli, kandi si wa ki haana ku visukululwi vyomulina wowo Abrahamu mihiga nemihiga?

Zaburi 37:22

Kigira yavo ava ya gasidza va la nyola miyandu gyekivala; Navo ava ya laama, va la temwa.

Zaburi 37:29

Avobulungi va la nyola miyandu gyekivala, Nokumenya mu mihiga nemihiga.

Kutwula 32:13

Widzulitse Abrahamu, na Isaka, na Israeli, avatumekiri vovo, ava wesuhira ku ive mwene, nokuvavolera, Nda kiridza kisukululwi kyenyu kuli tsing'ereng'ani tsyomigulu, na kivala yiki kyosi kya mboye makuva gakyo, nda ha kisukululwi kyenyu, ki la va miyandu gyavo mihiga nemihiga.

Kutwula 33:1

Kandi Yahova ya volera Musa Mu twule, mwanegire, ive na avandu ava wa leta kutwula mu kivala kya Egepeti, mu tsie mu kivala kya ndesuhira Abrahamu, na Isaka na Yakobo, nokuvola, Nda ha kisukululwi kikyo kivala yiki:

Isaya 63:18

Avandu vovo vatakatifu va gyi nyola inyinga inke keke: avasigu vetu va duvaga hata katifu hoho.

Livalidza 34:2

U lage avana va Israeli, na u va volere Lwa mwingira mu kivala kya Kanani, (yiki ni kivala kya mu gwira kuva miyandu gyenyu, kali kivala kya Kanani kuli tsinzako tsyakyo),

Matayo 5:5

Va veye nobugasu ava veye nobuhooma: kigira va la va nemiyandu gyelirova.

Vikolwa 7:5

kandi si ya mu ha mu miyandu, kali gya a vika ku kirenge: na a lagana naye a la mu ha kivala yiki ki ve kikye kandi kyavana veve venyima, lwa ya li na a ta li nomwana.

Kwidzulitsa 34:4

Na Yahova ya mu volera, Yiki ni kivala kya ndisuhira Abrahamu, ne Isaka, na Yakobo, ni mbola, Nda ha visukululwi vivyo: ligali mmali kukumannya, navutswa si u lambuka yo mba.

Kwidzulitsa 9:5

Si ga li kigira butakatifu bubwo, kinga bulungi bwomwoyo gugwo, ive wingira kugumira kivala kyavo; navutswa ga veye kigira ubudamano bwetsihiri yitsi Yahova Nyasaye wowo a va kunganga kutwula imbiri wowo, a duke kusingeridza makuva ga Yahova yisuhira vaguga vovo, Abrahamu, na Isaka, na Yakobo.