Litanga 11:31 - KITABU KITAKATIFU

³¹ Na Tera ya vugula Abram mwana wewe, na Loti mwana wa Harani, mwana wa mwana wewe, na Sarai navizala wewe, mukali wa Abram mwana wewe; na va tsia vosi halala kutwula mu kivala kya Uru kya Vakalidei, kutsia mu kivala kya Kanani; na va duka Harani, ni va menya yo.

Litanga 11:31 ပူးပေါင်းရင်းမြစ်များ

Litanga 10:19

Na lwako lwa Mukanani lwa twula Sidone, kutsia luvega lwa Gerari, kuduka Gaza; kandi kutsiia ku luvega lwa Sodoma na Gomora na Adima, na Zeboim, kuduka Lasha.

Litanga 11:32

Na madiku ga Tera ga li mihiga tsimia tsiviri na gyitano: na Tera ya kudzera mu Harani.

Litanga 12:4

Kunangwa Abram ya tsia, kuli Yahova ya mu volera; na Loti ya tsia halala naye: na Abram ya li nemihiga makumi gatano na gaviri na gyitano lwa ya twula Harani.

Litanga 12:5

Na Abram ya vugula Sarai mukali wewe, na Loti mwana wamwavo wewe, na vindu vyosi vya venyolera, na vandu ava va nyola mu Harani; na va twula kutsia mu kivala kya Kanani; na va duka mu kivala kya Kanani.

Litanga 14:12

Na va hila Loti, mwana wamwavo wa Abram, wa li na a menya mu Sodoma, ne vindu vivye, ni va tsia.

Litanga 15:7

Na ya mu volera, Inze mbeye Yahova wa ku twulidza mu Uru lya Vakalidei, kukuha kivala yiki kuva miyandu gyigyo.

Litanga 24:10

Kunangwa mutumekiri ya vugula tsing'amia likumi, ku tsing'amia tsyomwami wewe, na a tsia, kigira vindu vilahi vyosi vyomwami wewe vya li mmukono gwigwe: na ya twula, na a tsia Mesopotamia, ku lidala lya Nahoro.

Litanga 24:15

Kunangwa, lwa ya li na a ki vola yaga, henza, Rebeka ya twula mu lidala, uyu yivulirwa Bethueli mwana wa Milika, mukali wa Nahoro, amwavo wa Abrahamu, naye ya li na isiongo ku livega lilye.

Litanga 27:43

Kalunu, kigira yaga, mwana wange, u hulire livola lyange; singira, wiruke kutsia ku Labani mbotso wange, ku Harani;

Litanga 28:10

Kunangwa Yakobo ya twula Beersheba, na a henza ku luvega lwa Harani.

2 Avami 19:12

Avanyasaye vetsihiri va va honnya, va vaguga vange va dividza, navo ni Gozan, na Harani, na Rezefu, na avana va Eden ava li mu Telasaru?

Nehemia 9:7

Ive u veye Yahova Nyasaye, wa tovola Abram, nokumuleta a twule Uru lya Vakalidei, na wa mu gulika lieta lya Abrahamu,

Ayubu 1:17

Uyu lwa ya li na a ki vola, wundi ya twulira, na a vola Vakalidei va lomba viduma vivaka nokwekupa ku tsing'amia, na va tsiye natsyo, yee, viiti avatumekiri nobwogi bwekivavi; inze tsyeng'ine mboni, kukuletera amakuva.

Isaya 37:12

Avanyasaye vetsihiri va va honnya, ava vadada vange va dividza, Gozan, na Harani, na Rezefu, navana va Eden ava veye mu Telasari?

Vahebraina 11:8

Ku lisuuvira Abrahamu lwa ya langwa, ya hulira a twule a tsie aha a li nyola ha ve miyandu gyigye; naye ya twula na a tsia na a ta manya wa a tsitsanga.