Litanga 1:26 - KITABU KITAKATIFU

²⁶ Kandi Nyasaye ya vola, Ku lombe mundu ku lifwanana lyetu, na kuli liva lyetu: kandi va ve nelyameha ku tsisudzi tsyomu inyanza, noku manyonyi gombwereru, noku mitugu, noku lirova lyosi, noku vi molanga ku lirova vyosi.

Litanga 1:26 ပူးပေါင်းရင်းမြစ်များ

Litanga 11:7

Gendi, kwike, ku vike ligoyana mu lulimi lwavo, va vule kuhuliridzana avene na avene.

Litanga 2:19

Yahova Nyasaye ya lomba tsyinyama tsyosi kutwula mmarova, na manyonyi gosi gombwerefu; na a vi leta ku mundu kumanya a la vi gulika ki: na ku lieta lyomundu ya gulika kilombe ku vyosi, yili lya li lieta lyakyo.

Litanga 3:22

Kandi Yahova Nyasaye ya vola, Henza, Adamu u gwiye kuli mulala ku kwinye, ku limanya ubulahi nobudamano; kalunu gase a la nyira mukono gwigwe, nokuvugula kandi ku musala gwelivamwoyo nokulia, nokuhindira mihiga nemihiga:

Litanga 5:1

Yiki ni kitabu kyevisukululwi vya Adamu. Mu lidiku lya Nyasaye ya lomba mundu, mu lifwanana lya Nyasaye ya mu lomba;

Litanga 9:6

Ku vosi uyu u tahidza masahi gomundu, amasahi gege ga la tahidzwa na mundu: kigira ya lomba mundu mu lifwanana lya Nyasaye.

Ayubu 35:10

Navutswa si ha veye nomulala u volanga, Nyasaye Mulombi wange a veye haliha? U ku hedzanga liyimba tsinyimbu inyinga yobudiku,

Ayubu 39:11

U la gi suuvira kigira i veye natsingulu tsinyingi? Kinga u la gi lekera linyankana lilyo?

Ayubu 5:23

Kigira u la va nelihambana namagina gekivala; Netsinyama tsyombulimu tsi la va nemirembe ku ive.

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 149:2

Israeli va sangale mu uyu wa va lomba: Avana va Zioni va kupe isango mu Mwami wavo.

Kohelethu 7:29

Henza ndoli likuva yili; Nyasaye ya lomba mundu mulungi; navutswa venyanga vya va visaavira vinyingi.

Lwimbu lwa Solomoni 1:11

Ku la ku lombera midindi gyetha habu Na viboheru vyefetha.

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 6:8

Kandi nda hulira mwoyo gwa Yahova, na a vola, Nda tuma bwaha, na ibwaha a la ku tsiira? Hene yaho nda vola, Mbe hano, u ntume.

Isaya 64:8

Navutswa, kalunu, O Yahova u veye Dada wetu; ku veye ubudohi na ive u veye Mulongi wetu; kwosi ku veye muyinzi gwamakono gogo.

Jeremia 27:6

Na kalunu vivala yivi vyosi mmali kuvivika mmukono gwa Nebukadinezaru mwami wa Babuloni, mutumekiri wange; netsinyama tsyomwigendenyama, mmali kuha uyu tsi mu tumekire.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

Yohana 5:17

Navutswa Yesu ya va tivulira, Dada wange kali kuduka kalunu a kola miyinzi, na inze nkola miyinzi.

Vikolwa 17:20

Kigira ive u leta mu matu getu amakuva gokugennya: kwenya kumanya kivune kyevindu yivi.

Vikolwa 17:26

Kandi ya lomba tsihiri tsyosi tsyavandu va twule ku mulala kumenya ku lirova lyosi, kandi ya haana munwa gwemihiga, na a kola tsinzako tsyevivala vyavo;

1 Vakorintho 11:7

Kigira ku musatsa si ga mu dukira a kunikwe mutwe kigira a veye ligondo nobukumi bwa Nyasaye; navutswa mukali a veye ubukumi bwomusatsa.

2 Vakorintho 3:18

Navutswa kwinye kwosi nomumoni mwa vula kukunikwa ubwasasu ku lolanga ubukumi bwo Mwami kuli mu kyeloleru, ku girukannyangwa kuduka ligondo lilala kutwula ku bukumi kuduka ku bukumi, kuli ku Mwami, Roho uyu.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

Vafeso 4:24

mwevike mundu muhya wa lombwa ku lugano lwa Nyasaye mu bulungi nomu butakatifu bwageligali.

Vakolosai 1:15

Naye a veye ligondo lya Nyasaye u ta lolekanga, watanga-kwivulwa ku vilombe vyosi;

Vakolosai 3:10

kandi mwiviki mundu muhya, u kolangwa muhya a duke a nyole limanya kuli ligondo lyowa mu lomba:

Yakobo 3:7

Kigira tsing'ano tsyosi tsyenyama netsyamanyonyi, netsyetsinyama tsi molanga, netsyevindu vyomu inyanza, va tsi tuga kandi avandu va tsi tuga:

Yakobo 3:9

Ku gasidzanga Mwami nalwo naye ni Dada; kandi ku laamanga avandu nalwo ava lombwa ku lifwana lya Nyasaye:

1 Yohana 5:7

Kigira vavaka va ve avelolekidzi migulu, Dada ne Inkuva na Roho Mutakatifu, na yavo vavaka va veye mulala.