Litanga 1:14 - KITABU KITAKATIFU

¹⁴ Kandi Nyasaye ya vola, Bu ve ho ubulavu mbwerefu bweligulu kwavukanya mbasu ku budiku, kandi bu ve vilolekidzu, netsinyinga, namadiku, nemihiga:

Litanga 1:14 ပူးပေါင်းရင်းမြစ်များ

Litanga 1:13

Na gwa li mgolova na gwa li mugamba, lidiku lya kavaka.

Litanga 1:15

kandi vi ve vimulikiru mbwerefu bweligulu kuleta ubulavu ku lirova: na ga li ndiyo.

Litanga 8:22

Tsinyinga tsyamadiku gosi ku lirova, tsi la va tsinyinga tsyokutaga na tsyokugesa, ubukindu noluya, kimeyu nenkindirira, umbasu nobudiku, tsinyinga yitsyi si tsi la hera mba.

Litanga 9:13

Mbikanga kisahi kyange mu lilesi, na ki la va kilolekidzu kyelilagana hagati hange nelirova.

Ayubu 25:3

Amahe gege ga veye nelivalidzwa? Ni bwaha wobulavu bwibwe bu vuli kukya kuye?

Ayubu 25:5

Henza, kali mweli si gu veye nobwaaku, Na tsing'ereng'ani kandi si tsi veye tsisiyeku imbiri wewe:

Ayubu 3:9

Tsing'ereng'ani tsyomugolova gwatsyo tsi ve kisundi: Bwenye ubulavu, navutswa bu vule kunyola; Kandi bu ta lola vigohe vyomu gamba:

Zaburi 119:91

Vi menyanga kuli amalago gogo kuduka lero; Kigira vindu vyosi vi veye vyokutumekira ive.

Zaburi 148:3

Mu mwidzominye, liuva no mweli: Mu mwidzominye, tsing'ereng'ani tsyobulavu tsyosi.

Zaburi 148:6

A vi singeridza vi hindire mihiga nemihiga: U haani lilaga li la vula kuvita.

Zaburi 150:1

Mwidzominye Yahova. Mwidzominye Nyasaye mu hatakatifu hehe: Mu mwidzominye mu bwerefu bwetsingulu tsitsye.

Zaburi 81:3

Mu kupe kisiliva inyinga yomweli muhya, Mu inyinga yomweli gu kyera, ku lidiku lyelilia lyetu.

Isaya 40:26

Mu ginge tsimoni tsyenyu mu henze igulu, mu lole ni bwaha wa vi lomba, uyu u letanga lihe lyavo nelivalidza; a langanga lyosi ameta gavo; nobunene bwobunyali bwibwe, kandi kigira a veye wanyala mu tsingulu, si ha veye nekilala ki vula kuva ho.

Jeremia 10:2

Yahova a vola ndi, Mu teyegidza inzira ya vetsihiri, mu ta timuka inkolo ku vilolekidzu vyomi gulu; kigira avetsihiri va timuka inkolo ku yivi.

Jeremia 31:35

Yahova, u hedzanga avandu liuva kuva ubulavu inyinga yombasu, namalago gomweli nagetsing'ering'ani kuva ubulavu inyinga yobudiku, u duvulanga inyanza, kuduka viguvuli vyayo vi luumanga: Yahova wa mahe ni lieta lilye: a vola ndi,

Jeremia 33:20

Yahova a vola: Ni mu va ni mu nyala kwononnya lilagana lyange lya mbasu, nelilagana lyange lyobudiku, ga luhe ga vule kuva lyo mbasu nobudiku ku tsinyinga tsyabwo;

Jeremia 33:25

Yahova a vola: Ni i va lilagana lyange lyo mbasu nobudiku si li singira, ni i va si mbana lilaga lyeligulu nelyelirova;

Ezekieli 46:1

Mwami Yahova a vola ndi: Kiribwa kyomugidzi gwomugati gyoluvega lwevugwi ki la hanwa mu madiku gatano na lilala agemigyiviri ku lidiku lyelikumi na gatano lyomweli, mu lisavo, a la mweli muhya ki ligulwa.

Ezekieli 46:6

Na ku lidiku lyomweli muhya ki la va kimoli kigiriki kidukiru, navana vamagondi vatano na mulala, neligondi likole lilala; gosi ga la va amadukiru:

Joeli 2:10

Lirova li degera imbiri wavo; ligulu li degera; Iiuva na mweli vi mwaminyeywi, na tsing'ereng'ani tsyemwaminya.

Joeli 3:15

Liuva na mweli vi koleywi kisu ndi, na tsing'ereng'ani tsi vuli kwaaka.

Amosi 5:8

mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova);

Amosi 8:9

Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga.

Matayo 2:2

A veye haliki wivuywi Mwami wa Vayuda? Kigira kwa lola ing'ereng'ani yeye ivugwe, ku udzi kumsigamira.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Marko 13:24

Navutswa mu madiku yago inyima yekivi yikyo, liuva li la kingwa, nomweli gu la sula kwaaka,

Luka 23:45

ubulavu bweliuva bwa gota: kandi ingubo yelitempeli ya tandulwa hagati.

Kwidzulitsa 4:19

kandi gase u la ginga tsimoni tsitsyo migulu, na inyinga u lola liuva nomweli netsing'ereng'ani, kali lihe lyosi lyomigulu u la gotidzwa na u la vi sigamira, nokuvitumekira, yivi vya Yahova Nyasaye wowo ya gavanya ku tsihiri tsyosi tsi veye isi weligulu lyosi.

Likunula 6:12

Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

Likunula 8:12

Kandi ingelosi wa kane ya kupa, kidieli kilala ku vivaka vyeliuva kya duywa, kandi kidieli kilala ku vivaka vyomweli, kandi kidieli kilala ku vivaka vyetsing'ereng'ani; kidieli kilala ku vivaka ki gwe kisundi, kandi mbasu gu vule kuva ubulavu ku kidieli kyabwo kilala ku vivaka, nobudiku kandi ndiyo.

Likunula 9:2

Kandi ya kunula mwanka gwobogo; nomwoki gwa senuka kutwula mu bogo kuli mwoki gwa mahiga manene; liuva nobwerefu vya kolwa kisundi kigira mwoki gwobogo zana.