Likunula 9:4 - KITABU KITAKATIFU

⁴ Kandi tsya volerwa tsi tononnya ubulimu bwelirova, kinga ku vyosi ki veye kivisi, kinga musala kali mulala, navutswa avandu ava ta veye nomuhuri gwa Nyasaye ku bweni bwavo.

Likunula 9:4 ပူးပေါင်းရင်းမြစ်များ

Ayubu 1:10

Ive i wa kumbiridza kuye lwevo tsimbega tsyosi, halala nenyumba yeye, nevindu vyosi vya a veye navyo? Miyinzi gyamakono gege wa gyi gasidza, nobutugi bwibwe bu medekanga mu kivala.

Ayubu 1:12

Yahova ya volera Setani, Henza, vyosi vya a veye navyo vi veye mu bunyali bubwo; navutswa u ta nyira mukono gugwo ku mwene mba. Ma Setani ya twula imbiri wommoni mwa Yahova.

Ayubu 2:6

Na Yahova ya volera Setani, Henza, a veye mmukono gugwo; navutswa u linde livamwoyo lilye.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Kutwula 12:23

Kigira Yahova a la vita hagati hekivala kukuya Avaegepeti; na hosi ha a lola masahi ku kividiru, noku maliva, Yahova a la vita ku muliango yigwo, na si a la leka mwononyi kuingira mu tsinyumba tsyenyu kumukuya mba.

Ezekieli 9:4

Yahova ya mu volera, Vita hagati helidala, hagati ha Yerusalemi, nokuvika kilolero mu bweni bwavandu va kenyanga nokulira kigira kivihiri kyosi ki kolangwa hagati halyo.

Ezekieli 9:6

mwiite yavo ligali, umusakulu nomusoleli, muyai nomukana, avana navakali; navutswa mu tesunda ku mundu kali mulala u veye nekilolero: na mu tange hatakatifu hange. Nonoho va tanga ku vasakulu ava li imbiri wenyumba.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

Likunula 14:1

Kandi nda lola, henza, Mwana Weligondi na a singiye ku kigulu kya Zioni, kandi halala naye avandu tsielfu mia na makumi gane na tsine, ava li nelieta lilye kandi lieta lya Dada wewe li ng'odeywi mu bweni bwavo.

Likunula 6:6

Kandi nda hulira mwoyo hagati hevilombe vi veye mwoyo vine ni gu vola, Kigero kyengano ishiliing indala, kandi vigero vivaka vyeshairi ishilling indala; na ive u tononnya maguta newaini.

Likunula 7:1

Inyima wevindu yivi nda lola tsingelosi vane va singiye ku tsikorna tsine tsyelirova, va gimira tsimbuudza tsine tsyelirova ha ta va nembuudza i huudza ku lirova, noku inyanza, noku misala gyosi.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.