Likunula 9:21 - KITABU KITAKATIFU

²¹ kandi si veganira ku ubwiiti bwavo, noku bukumu bwavo noku buheyi bwavo, noku bwivi bwavo.

Likunula 9:21 ပူးပေါင်းရင်းမြစ်များ

Isaya 47:12

Kalunu singira nobusegetiri bubwo, nobunyingi bwobukumu bubwo, bwa wa nyakana ku kutwula bwana buke; mbu'a u la nyala kukonywa, mbula u la guuta.

Isaya 47:9

navutswa vindu yivi vyombi vi la duka ku ive idakika indala lidiku lilala, likudzirwa lya vana, nobukunzakali: vi la duka ku ive nekigero kidukiru, kali ubukumu bubwo ni bu veye bunyingi, nobunene bwobusegetiri bubwo.

Isaya 57:3

Navutswa mwisunde himbi hano, mwinye avana vomukali musegetiri, lwivulu lwomuheyi nowamalaya.

Danyeli 11:33

Kandi avobugeeri ku vandu va legidza avanyingi; navutswa va la gwa ku kivavi, noku lumemo, noku lilanywa, noku lyononywa, madiku manyingi.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

Matayo 15:19

Kigira mmwoyo vi twula tsiganagani tsi ndamano, neliluminda, nobuheyi, nokutsia mbakana, nobwivi, nobugini, nobunyegi:

2 Vakorintho 12:21

gase lwa nzidza kandi Nyasaye wange a la ngehidza imbiri wenyu, kandi inze nda vererera avanyingi ava tanga kukola ubwoni ava vula kweganira ubudamano nokutsia mbakana, nobuheyi bwa va kola.

Vagalatia 5:20

nokusigamira misambwa, nobukumu, nobusigu, nelihing'ana, nembodoka, nobutima, namahangali, nokwavukana, nokwekala vidieli,

Likunula 13:13

Kandi a kola vilolekidzu vinene, a duke kwikidza muliru kutwula migulu gu duke ku lirova imbiri wavandu.

Likunula 13:15

Kandi ya hebwa tsingulu kugiha mwika, kali kifwananyi kye nyama, kifwananyi kyenyama ki molome, nokukola vosi ava vula kusigamira kifwananyi zana v iitwe.

Likunula 13:7

Kandi ya hebwa kulwana navatakatifu, nokuvaguuta: kandi ya hebwa mu nwa ku tsimpya tsyosi, noku vandu vosi, noku tsinimi tsyosi, noku tsihiri tsyosi.

Likunula 14:8

Kandi wundi ingelosi wa kaviri ya londerera, na a vola, Li gwiye, li gwiye Babuloni lidala linene, lya nwehidza avetsihiri tsyosi iwaini yobutima bwobuheyi bwalyo.

Likunula 16:6

kigira va sundula masahi gavatakatifu nagavaprofeti, kandi ive u mali kuvaha amasahi kunwa: va dukani nago.

Likunula 17:2

wavami velirova va heya naye, nava menya mu lirova va hambikidzwa newaini yobuheyi bwibwe.

Likunula 17:4

Kandi mukali ya vikwa ingubo yeligondo lyekiforosadi nenzakanyu, hokulombwa nethahabu namagina malahi nelulu, kandi ya li nekikombe kyethahabu mu mukono gwigwe, kizula vivihiriridzi, yivi vi veye vindu vyekifwabwi kyobuheyi bwi bwe,

Likunula 17:5

kandi mu bweni bwibwe ya li nelieta li ng'odeywi ndi, KIVl SEYWI, BABULONI MUNENE, NNYA WAVAHE YI KANDI WEVIVIHIRIRIDZI VYELIROVA.

Likunula 18:3

Kigira tsihiri tsyosi tsi gwiye kigira iwaini yobuheyi bwalyo; kandi avami velirova va heye nalyo, kandi avelirova ava kolanga likirannya va kolwa avatugi ku tsingulu tsyelivula kwiigalira lyalyo.

Likunula 19:2

kigira likalaga lilye li veye lyeligali kandi lilungi; kigira u kalagiye muheyi munene, uyu wa li na a gotidza lirova nobuheyi bwibwe, kandi u vanzi kisalya kyamasahi gavatugwa veve mu mukono gwigwe.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.

Likunula 9:20

Kandi avandu ava tigaye, ava vula kwiitwa namaduywa zana, si veganira ku miyinzi gyamakono gavo va vule kusigamira amademone nemisambwa gyethahabu, negyefetha, negyomugasa, negyeligina, negyemisala; gya vula kunyala kulola, nokuhulira, nokugenda: