Likunula 9:17 - KITABU KITAKATIFU

¹⁷ Nda lola ndiyo mu malola tsiparasi, kandi avikala kutsyo, va li netsisalamba tsyomkiritu tsyekivya kuli muliru, netsyesamawi netsyekibiridi: mitwe gyetsiparasi gyi veye kuli mitwe gyeving'ang'a; muliru nomwoki nekibiridi vya twula mu minwa gyatsyo.

Likunula 9:17 ပူးပေါင်းရင်းမြစ်များ

Litanga 19:24

Kunangwa Yahova ya kupidza ku Sodoma na Gomora kibiridi na muliru kutwula ku Yahova migulu;

1 Kyetsinyinga 12:8

Nomu yavo Vagadi veyahula nokutsia ku Daudi mu impinga mwi gendanyama, avetsingulu avaluviriri, avegidzwa kulwana, avanyala kutu mekira ingavo na litimu; avommoni mwavo mwa leng'ang'a nommoni mweving'ang'a, navo va li netsimbiru kuli imboongo ku vigulu:

Zaburi 11:6

Ku vadamano a la vikidzira mitego; Muliru, na kibiridi, na kihudzudzi kyomuliru ki sambanga vi la va kidieli mu kikombe kyavo.

Isaya 30:33

Kigira Kisambiru kya lombwa kwetegeka kutwula kale; yee, kya tegekidzerwa mwami; ya ki lomba ki ve kyoluliva nekinene: mahiga gakyo ga veye muliru netsinku tsinyingi; mwika gwa Yahova gu veye kuli mugera gwe kibiridi, gwaakidza muliru.

Ezekieli 33:22

Ma mukono gwa Yahova gwa li ku inze mgolova, inyinga uyu wiruka na a kikiri kuduka; naye ya li kuku nula nomunwa gwange, ku liduka lilye mugamba; na munwa gwange gwa kunulwa, na si nda li idimbiti kandi mba.

Danyeli 8:2

Na nda lola mu malola; ga li ndi, lwa nda lola, nda li mu inyumba yobwami, Shushan, i veye mu iprovinse ya Elam; na nda lola mu lilola, nda li himbi mugera Ulai.

Danyeli 9:21

yee, inyinga nda li ni mbola mu lisaala, mundu Gabirieli wa nda lola mu malola matsyambiri, a bulukidzwe bwangu, ya ndira himbi inyinga yokuvuyidza ubwali bwa mgolova.

Likunula 11:5

Kandi ku vosi mundu ni yenya kuvononnya, muliru gu twula mu minwa gyavo nokulia avasigu vavo; kandi ku vosi mundu ni yenya kuvononnya ga mu dukira yiitwe ndiyo.

Likunula 14:10

uyu kandi a la nwa iwaini yobutima bwa Nyasaye, obwetegeki bugira kutsukanywa mu kikombe kyobutima bwibwe; kandi a la saliridzwa nomuliru nekibiridi imbiri wetsingelosi avatakatifu, kandi imbiri wo Mwana Weligondi:

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

Likunula 21:20

gwa katano sardaniki; gwa katano na mulala isadio; gwa katano na gyiviri ikerusoliso; gwa katano na gyivaka iberulo; gwa katano na gyine itopazi; gwelikumi ikerusopraso; gwelikumi na mulala kuakinso; gwelikumi na gyiviri amesusito.

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 9:18

Kidieli kilala ku vivaka vyavandu kiitwa namaduywa yaga gavaka, nago ga veye muliru nomwoki nekibiridi, vya twula mu minwa gyatsyo.

Likunula 9:9

Kandi tsya li netsisalamba tsyomkiritu kuli tsisalamba tsyekivya; nolwanga lwamavaha gatsyo lwa li kuli lwanga lwamagari, kandi kuli tsiparasi tsinyingi tsi nyagulanga tsimbiru mu bulwani.