Likunula 8:5 - KITABU KITAKATIFU

⁵ Kandi ingelosi uyu ya vugula kituva; ni yizulitsa ku muliru gwobwali, kandi ya gu sundula ku lirova: kandi ha li netsinkupa, nemyoyo, netsimpeni, nelidegera lyelirova.

Likunula 8:5 ပူးပေါင်းရင်းမြစ်များ

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

Zaburi 18:13

Yahova ya syagukidza inkupa migulu, Na U Veye Igulu Ligali ya vola nomwoyo gwigwe, Imbula ya magina na amanda gomuliru.

Kutwula 19:16

Kunangwa ku lidiku li kola gavaka, inyinga ya mugamba, ha li nelihirigana netsimpeni, na lilesi liliduhu ku kigulu, na mwoyo munene ligali gwekisiliva; na avandu vosi ava li ha lisosa, va degera.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 30:30

Kandi Yahova a la kola avandu va hulira mwoyo gwigwe gwobukumi nokumannya liika lyomukono gwigwe, halala nohululu bwobutima bwibue, nolumemo lwomuliru gu sambanga, halala nekihudzudzi, nekihi, nembula yamagina.

Isaya 66:6

Mwoyo gwekivihiri gu twulanga mu lidala, mwoyo gu twulanga mu litempeli, mwoyo gwa Yahova wa vanziranga kisalya yavo avasigu veve.

Jeremia 51:11

Mu hyagale mibano, tsikuti mu gumire netsingulu: Yahova u vukidzi roho gyavami va Vamedi; kigira tsiganagani tsitsye tsi veye ku Babuloni, kulidividza: kigira kisalya kya Yahova, ki veye kisalya kyelitempeli lilye.

Kyavalevi 16:12

na a la vugula kituva kyethahabu kizula amanda gomuliru gwobwali bu veye imbiri wa Yahova, na makono gege gizula kimuli kinolu kyanyukwa na, a la vi hila muse mwengubo vokukinga:

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Matayo 24:7

Kigira ihiri i la vukira ihiri, nobwami bu la vukira ubwami; kandi ha la va netsinzala nokudegera kwelirova hale ne hale.

Luka 12:49

Ndadza kutsuka muliru ku lirova; nyenya ki ni gu mali kwaaka?

Vikolwa 16:26

bwangu ha li nelidegera linene lyelirova nevikongo vyenyumba yavahambe vya dengeyidzwa: kandi nonoho miliango gyigulika, neminyororo gya vosi gya boholoka.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 4:5

Kandi uluheni, nemyoyo, netsinkupa vya twula ku intebe. Kandi tsitaya tsitano na tsiviri tsyomuliru tsyaaka li imbiri wentebe, tsi veye Roho vatano u na vaviri va Nyasaye;

Likunula 6:12

Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

Likunula 8:3

Kandi ingelosi wundi yadza na a singira imbiri wobwali, wekituva kyethahabu; kandi ya hebwa kimuli kinyingi a duke kumeda nakyo lisaala lyavatakatifu vosi ku bwali bwethahabu obwa li imbiri wentebe.