Likunula 8:10 - KITABU KITAKATIFU

¹⁰ Kandi ingelosi wa kavaka ya kupa, ing'ereng'ani inene yaguluka kutwula migulu, yaaka kuli lumuli, kandi ya gwa ku kidieli kilala ku vivaka vyemigera noku busenukiru bwamadzi;

Likunula 8:10 ပူးပေါင်းရင်းမြစ်များ

2 Kyetsinyinga 32:3

ya volerana navanene veve navaluviriri veve, kwigalira amadzi gevisenukiru vya li kyova welidala; na va mu konya.

Isaya 12:3

Kuna ngwa kigira yaga mwinye mu la daha amadzi nobuyanzi mu vidaho vyelihonywa.

Isaya 14:12

Wagalulwa kuli ndi kutwula migulu, ive Lusiferi, mwana womugamba wa kalika kuli ndi kuduka hasi, ive wa vika tsihiri tsyosi hasi

Zekaria 13:8

Na ga la duka, mu kivala yikyo kyosi, vidieli viviri vi la twulidzwa na va la kudza; Yahova a vola, navutswa kidieli kya kavaka ki la tigala mu.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Matayo 25:1

Na ndiyo ubwami bwomigulu bu la wananywa navakana avagima likumi ava vugula tsitaya tsyavo ni va tsia kuvugana no woserereywi.

Luka 10:18

Naye ya va volera, Nda lola Setani na a gwa kutwula migulu kuli uluheni.

Yudasi 1:13

kandi va veye viguvuli vyenyanza vitigali rangwa, nokutwula tsisoni tsyavo kuli lufwulu; kandi va veye tsing'ereng'ani tsi vodonkana, kigira yavo ubumwamu bwekisundi bu vikeywi mihiga nemihiga.

Likunula 1:20

agaviswa getsing'ereng'ani tsitano na tsiviri tsya wa lola mu mukono gwange mulungi, nagavisuwa agevinara vitano na viviri. Tsing'ereng'ani tsitano na tsiviri tsi veye tsingelosi vamavugano gatano na gaviri: nevinara vitano na vaviri vi veye mavugano gatano na gaviri.

Likunula 12:4

Kandi mukira gwagwo gwa twulidza kidieli kilala ku vivaka vyetsing'ereng'ani tsyomigulu, nokutsyagulula ku lirova: kandi guyoka zana gu singira imbiri womukali uyo u veye mu lilumwa, gu duke kumira mwana wewe inyinga yivula.

Likunula 14:7

kandi ya vola nomwoyo munene, Mu tie Nyasaye, kandi mu mwidzominye; kigira inyinga yelikalaga lilye i duke: kandi mu sigamire uyu wa lomba ligulu nelirova nenyanza nevisenukiru vyamadzi.

Likunula 16:4

Kandi wa kavaka yagulula kituva kikye ku migera noku visenukiru vyamadzi; navyo vya gwa masahi.

Likunula 6:13

netsing'ereng'ani tsyomigulu tsya guluka ku lirova, kuli mukuyu gu vungulula makuyu gagwo amagengi, inyinga imbuudza inene i gu sung'usa nga.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.

Likunula 9:1

Kandi ingelosi wa katano ya kupa, na inze nda lola ing'ereng'ani yomigulu ni yaguluka ku lirova: naye ya hebwa lufunguo lwomwanka gwobogo.

Likunula 9:15

Kandi tsingelosi vane va bohololwa, yava ava lombwa kigira isaa yiyi, nelidiku yili, nomweli yigu, nomuhiga yigu, va duke kwiita kidieli kilala ku vivaka vyavandu.

Likunula 9:18

Kidieli kilala ku vivaka vyavandu kiitwa namaduywa yaga gavaka, nago ga veye muliru nomwoki nekibiridi, vya twula mu minwa gyatsyo.

Vakalagi 15:11

Ma avasatsa va Yuda tsielfu tsivaka va sulunguta ku lubwa lwolwanda lwa Etam, na va volera Samsoni, Si u manya Vafilisiti nivo avamehanga ku kwinye? Ni inkuva ki yiyi ya u ku koleye? Naye ya va volera, Kuli va nkolera, mba koleye ndiyo.