Likunula 7:15 - KITABU KITAKATIFU

¹⁵ Kigira yaga va singiye imbiri wentebe ya Nyasaye; nokumutumekira mbasu nobudiku mu litempeli lilye: kandi uyu wikaye ku intebe a la singeridza lihema lilye kuvo.

Likunula 7:15 ပူးပေါင်းရင်းမြစ်များ

1 Avami 6:13

Na nda menya hagati ha avana va Israeli, na si nda leka avandu vange Israeli mba.

1 Kyetsinyinga 23:25

Kigira Daudi ya vola, Yahova Nyasaye wa Israeli, u sosidzi avandu veve; na a menyanga mu Yerusalemi mihiga nemihiga:

Kutwula 29:45

Na inze nda menya halala na avana va Israeli, na nda va Ny asaye wavo.

Ezekieli 37:27

Lihema lyange li la va halala navo; na nda va Nyasaye wavo, navo va la va avandu vange.

Kyavalevi 26:11

Na nda singeridza lihema lyange hagati henyu: na mwoyo gwange si gu la lega mwinye.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

1 Vakorintho 3:16

Si mu manya mu veye litempeli lya Nyasaye, kandi Roho wa Nyasaye a menya mu mwinye?

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 8:1

Kalunu mu yaga aga ku volanga likuva linene ni yili: Ku veye nomusalisi munene lugano yilu, uyu wikalanga ha mukono mulungi gwekisako kyo Munene migulu,

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 13:6

Kandi ya kunula munwa gwigwe a nyege Nyasaye, nokunyega lieta lilye, na ha a menyi, navo ava menya migulu.

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

Likunula 21:22

Kandi si nda lola mu litempeli: kigira uyu Mwami Nyasaye Wanyala Vyosi, kandi uyu Mwana Weligondi, va veye litempeli lyalyo.

Likunula 22:3

Kandi si ha la va nelilaama kandi: kandi intebe ya Nyasaye neyo Mwana Weligondi i la va mu: kandi avatugwa veve va la mu tumekira;

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;