Likunula 7:14 - KITABU KITAKATIFU

¹⁴ Na inze nda mu volera, Mwami wange, ive u manya. Naye ya mbolera, Yava nivo va twula mu kivi kinene yikyo, navo vogidzi tsingubo tsyavo mu masahi go Mwana Weligondi, nokutsikola tsi ve tsindavu.

Likunula 7:14 ပူးပေါင်းရင်းမြစ်များ

Ayubu 11:16

Kigira u livirira kivi kikyo; U la kidzulira kuli widzuliranoa madzi ga vita.

Kutwula 37:3

Na ya li lombera tsimingiri tsine tsyethahabu, ku tsikorna tsyalyo tsine, tsimingiri tsiviri ku luvega lulala, na tsimingiri tsiviri ku luvega lundi.

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Danyeli 11:35

Kandi avaku avobugeeri va la gwa, va duke kutakaswa, nokulavidzwa, nokukolwa avanifu, kali kuduka ku inyinga yekiheri; kigira yaga ga veye genyinga i lageywi.

Danyeli 12:1

Kandi inyinga yeyo Mikaeli a la singira, munene ku vanene u singirira avana vavandu vovo, kandi ha la va nenytnga yekivi kinene, ki ta li ho nekindi ki leng'ana nakyo kutwula inyinga ihiri ya tanga kuva ho kuduka ku inyinga yeyo; kandi inyinga yeyo avandu vovo va la honywa, samulala u li nyoleka kuva mung'ode mu kitabu.

Danyeli 7:16

Ndisunda himbi ha mulala ku yava ava singira ha zana, ni mmu teva ageligali gevindu yivi vyosi. Kunangwa ya mbolera, kandi ya mma nnya livuula lyevindu yivi.

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Matayo 24:21

kigira yeneyo kivi kinene ki la duka, kusira kyosi kutwula ku litanga lyelirova kuduka kalunu, kandi si ki li va ho.

Marko 13:19

Kigira mu madiku yago ha la va nekivi kuvita madiku gosi kutanga inyinga Nyasaye ya lomba vindu vyosi kuduka lero, kandi mu madiku gosi gadza.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Varumi 5:3

Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

2 Vatesalonike 1:4

kuduka kwinye avene kwidzominya kigira mwinye mu mavugano ga Nyasaye, kigira ubwikudziri bwenyu nelisuuvira lya mu veye nalyo, mu lidambidzwa lyenyu lyosi, nomu kivi kya mwikudzira mu.

Vahebraina 13:12

Kigira yaga Yesu kandi, a duke kutakasa avandu kigira masahi gege, ya salirira kyova wolugaga.

Vahebraina 9:14

nasindi masahi ga Kristo ga duka ndi, wehaana ku Roho wemihiga nemihiga, bugira kindu kuye, ni yeha Nyasaye, si ga la takasa myoyo gyenyu kuleka miyinzi mikudzu kuduka kutumekira Nyasaye welivamwoyo?

1 Petro 1:19

navutswa ku masahi malahi kuli agomwana weligondi, u ta li nekindu kuye kidamano, u ta li nembala, ga veye ga Kristo:

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.

Likunula 15:2

Kandi nda lola kuli inyanza yechupa ya tsukanywa nomuliru; navo ava guuta ni va twula ku inyama uyu, noku kifwananyi kikye, noku hesabu yelieta lilye, va li va singiye ku inyasi yenyanza yechupa yeyo, va veye nobukana bwa Nyasaye.

Likunula 17:6

Kandi nda lola mu kali zana u hambiki amasahi gavatakatifu, kandi amasahi gavalolekidzi va Yesu. Inyinga nda mu lola, nda genya ligenya linene.

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

Likunula 22:14

Va veye nobugasu avogidzanga tsingubo tsyavo, va duke kuva netsingulu kuduka ku musala gwelivamwoyo, nokwingira mu viribwa kuduka mu lidala.

Likunula 5:9

Kandi vimba lwimbo luhya, ni va vola, U dukani kuvugula kitabu nokuboholola mihuri gyakyo: kigira wiitwa, nokugulira Nyasaye namasahi gogo avandu ku luhya lwosi, noku tsinimi tsyosi, noku vandu vosi, noku tsihiri tsyosi,

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;