Likunula 7:12 - KITABU KITAKATIFU

¹² ni va vola, Amini: bugasu, nobukumi, nobugeeri, nelisantidza nelidzominywa, nelinyala, netsingulu, vi ve ku Nyasaye imihiga nemihiga. Amini.

Likunula 7:12 ပူးပေါင်းရင်းမြစ်များ

Nehemia 12:46

Kigira mu madiku ga Daudi na Asafu ku matsyambiri ya li ho munene wa vokwimba, netsinyimbu tsyokwidzo minya nelisantidzwa lya Nyasaye.

Nehemia 12:8

Noku Valevi: Jeshua, na Binui, na Kadimieli, na Sherebia na Yuda, na Matania, wa li igulu welisantidza, uyu navamwavo veve.

Zaburi 100:4

Mwingire mu viribwa vivye nelisantidza, Nomu migidzi gyigye nelidzominya: Mu mu santidze, na mu gasidze lieta lilye.

Zaburi 106:48

A gasidzwe Yahova, Nyasaye wa Israeli, Kutwula mihiga nemihiga kuduka mihiga nemihiga. Kandi avandu vosi va vole, Amini. Mwidzominye Yahova.

Zaburi 107:22

Va lete tsisadaka tsyelisantidza, Na va landidze makuva gemiyinzi gyigye mu lwimba.

Zaburi 116:17

Nda ku letera kihaanwa kyelisa ntidza Ndanira lieta lya Yahova.

Zaburi 147:7

Mwimbire Yahova nelisantidza; Mwimbire Nyasaye wetu nobukana

Zaburi 41:13

Yahova, Nyasaye wa Israeli a gasidzwe, Kutwula mihiga nemihiga, kuduka mihiga nemihiga Amini, na Amini

Zaburi 50:14

Haana ku Nyasaye kihaanwa kyelisantidza; Nokutunga ga u lagi ku U Veye Igulu Ku Vyosi

Zaburi 72:19

Lieta lilye lyobukumi li gasidzwe mihiga nemihiga Lirova lyosi lizuye ubukumi bwibwe. Amini, na Amini.

Zaburi 89:52

Yahova a gasidzwe mihiga nemihiga. Amini, na Amini.

Zaburi 95:2

Ku tsie imbiri wewe nelisantidza; Ku mu kupire isango mu tsizaburi.

Isaya 51:3

Kigira Yahova u leminyi Zioni mwoyo; u leminyi mwoyo ha lekwa vutswa hehe hosi, na u koli ligendanyama lilye kuva kuli mulimi gwa Edeni, na kyangalangwi kyikye kuva kuli mulimi gwa Yahova, ubuyanzi nelisangala bu la loleka mu lisantidza, nomwoyo gwelyembirana.

Jeremia 33:11

gu la hulirwa kandi mwoyo gwobuyanzi nomwoyo gwobusangali, nomwoyo gwa usereye nomwoyo gwomwiha, nemyoyo gya yavo ava volanga, Mu santidze Yahova wa mahe kigira uyu Yahova a veye mulahi kigira tsimbabasi tsitsye tsi tsitsagil'langa mihiga nemihiga; nemyoyo gya avahaananga vihaanwa vyelisantidza mu inyumba ya Yahova. Kigira ndirannya lyadikidzwa lyekivala kuli matsyambiri, Yahova a vola.

Jeremia 33:9

Lidala yili li la va lieta lyobuyanzi ku inze, kuva lidzominya nobukumi irnbiri wavetsihiri tsyosi tsyomu lirova, yitsi tsi li hulira amakuva gobulahi yibwo bwosi bwa mba kolera, va la tia nokudegera kigira ubulahi yibwo bwosi, kandi kigira mirembe yigyo gyosi gya ndi nyolera lidala yilt.

Jona 2:9

Navutswa nda letera ive kihaanwa nomwoyo gwelisantidza; Nda tunga aga nda lagana. Ubuhonnyi bu veye bwa Yahova.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Varumi 11:36

Kigira vindu vyosi vya twula muye, ni vidzira kuye; kandi virana kuye. A ve nobukum; mihiga nemi higa. Amini.

1 Vakorintho 14:16

Kinga nu u va nu u gasidza na roho, u veye haluvega lwa u ta manya a la vola ndi, Amini, ku lisantidza lilyo, na a ta manyi aga u volanga?

2 Vakorintho 4:15

Kigira vindu vyosi vi veye kigira mwinye, tsimbabasi inyinga tsi daswa kigira vanyingi, tsi duke kukola lisantidza li kire ligali kuduka ku bukumi bwa Nyasaye.

Vakolosai 2:7

mu ve nemiri, kandi avombakeywi muye, nokuvikwa tsingulu mu lisuuvira lyenyu, kuli wa mwegidzwa nokukiridza lisantidza lyenyu.

Vakolosai 3:17

Kandi ku vyosi vya mu kolanga mu makuva nomu likola, mu kolere vyosi mu lieta lyo Mwami Yesu, mu santidzere Nyasaye Dada ku uyu.

Yudasi 1:25

ku uyu a veye Nyasaye yeng'ine Muhonnyi wetu, kigira Yesu Kristo Mwami wetu, vi ve kuye ubukumi nobunyali netsingulu nelinyala imbiri wetsinyinga tsyosi, kandi kalunu, kandi kuduka imihiga nemihiga. Amini.

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.

Likunula 19:4

Kandi avakulundu makumi gaviri na vane ne vilombe vi veye mwoyo vine va gwa hasi nokusigamira Nyasaye wikaye ku intebe, ni va vola, Amini; Aleluya.