Likunula 7:1 - KITABU KITAKATIFU

¹ Inyima wevindu yivi nda lola tsingelosi vane va singiye ku tsikorna tsine tsyelirova, va gimira tsimbuudza tsine tsyelirova ha ta va nembuudza i huudza ku lirova, noku inyanza, noku misala gyosi.

Likunula 7:1 ပူးပေါင်းရင်းမြစ်များ

Isaya 11:12

Naye a la singeridzira tsihiri ibendera, na a la vungidza ava syuvwa va Israeli, nokuvungidza ava salanywa va Yuda kutwula kutsintulu tsine tsyelirova.

Isaya 27:3

Inze Yahova mbeye mulindi wagwo; nda gu sama amadzi tsinyinga tsyosi: gase mundu a la gwononnya, nda gu linda budiku nombasu.

Isaya 27:8

Lwa u va kunga, u la hing'ana navo, nekigero; ya va twulidza nembuudza yeye indulu mu lidiku lyembuudza yevu gwe.

Jeremia 49:36

Noku Elam nda leta tsimbuudza tsine kutwula ku tsimbega tsyomwigulu tsine, na nda va salannya va tsie ku tsimbuudza tsyosi tsine; kandi si i la va ho ihiri kali indala ha yavo ava tebwa va Elam va vula kuduka muyo.

Ezekieli 37:9

Ma ya mbolera, U profete ku imbuudza, u profete, ive mwana womundu, u gi volere, Mwami Nyasaye a ku volera: Hamba u twule ku tsimbega tsyetsimbuudza tsine, O mwika, u herane ku yava aviitwa, va duke kuva mwoyo.

Ezekieli 7:2

Ive, mwana womundu, Mwami Nyasaye a volera kivala kya Israeli ndi, Ki veye kiheri: kiheri ki duki ku tsikorna tsine tsyekivala.

Danyeli 11:4

Kandi inyinga a li singira, ubwami bwibwe bu la vunannywa, kandi bu la gavulwa ku tsimbuudza tsine tsyomigulu, navutswa si bu la va ku visukululwi vivye, kandi si bu la leng'ana nobwami bwibwe bwa yameha; kigira ubwami bwibwe bu lifwa, kali ku avandi ava ta li ku yava.

Danyeli 7:2

Danyeli ya moloma na a vola, Inze nda lola mu lilola lyange ubudiku, na henza, tsimbuudza tsine tsyomigulu tsya huudza netsingulu ku inyanza inene.

Danyeli 8:8

Na ikole yenenehidza ligali: kandi inyinga ya duka kuva netsingulu, ulwiga lunene lwa vunannywa; na tsinziga tsine tsyobukumi tsya mera mu bugono bwalwo, na tsi henza ku tsimbuudza tsine tsyomigulu.

Jona 1:4

Navutswa Yahova ya leta kihudzudzi kinene ku inyanza, kandi kya duka kuva kihi kinene ku inyanza, kuduka liato lya li himbi kwononnywa.

Zekaria 6:1

Na kandi nda ginga tsimoni tsyange, nokulola, na henza, magari gobulwani gane gadzanga kutwula hagati hevigulu viviri; na vigulu zana vya li vyomugasa.

Zekaria 6:5

Ingelosi ya tivula nokumbolera, Yitsi tsi veye tsimbuudza tsine tsyomigulu, tsi twulanga mu lisingira imbiri wa Yahova, Mwami welirova lyosi.

Matayo 24:31

A la tuma tsingelosi veve nomwoyo munene gwekisiliva, navo va la vu gannya avatovoleywi veve va twule ku tsimbuudza tsine, kandi va twule ku kiheri kilala kandi kuduka ku kiheri kindi kyegulu.

Marko 13:27

Hene yaho a la tuma tsingelosi, kandi a la vungidza halala vatovole veve va twula mu tsimbuudzi tsine, kutwula ku tsindulu tsyelirova kandi ku tsindulu tsyegulu.

Likunula 20:8

nokutsia kyova kugada avetsihiri tsi veye mu tsikorna tsine tsyelirova, Goga na Magoga, a va vungidze ku lihe yilyo; livalidzwa lyavo li veye kuli muyeke gwenyanza.

Likunula 6:6

Kandi nda hulira mwoyo hagati hevilombe vi veye mwoyo vine ni gu vola, Kigero kyengano ishiliing indala, kandi vigero vivaka vyeshairi ishilling indala; na ive u tononnya maguta newaini.

Likunula 7:3

na a vola, Mu tononnya lirova, kinga inyanza, kinga misala, kuduka ku tange kuvika muhuri mu bweni bwa vatugwa va Nyasaye wetu.

Likunula 8:7

Kandi ingelosi wokutanga ya kupa kisiliva, kandi ha li nembula yamagina nomuliru vya tsukanywa namasahi, ni vi tsukwa ku lirova: kidieli kilala ku vivaka kyelirova kya bya, kandi kidieli kilala ku vivaka kyemisala kya hya, kandi ubulimu bwosi ubuvisi bwa hya.

Likunula 9:14

mulala a volera ingelosi wa katano na mulala wa li nekisiliva zana, U boholole tsingelosi vane ava bofwa ha mugera munene Farati.

Likunula 9:4

Kandi tsya volerwa tsi tononnya ubulimu bwelirova, kinga ku vyosi ki veye kivisi, kinga musala kali mulala, navutswa avandu ava ta veye nomuhuri gwa Nyasaye ku bweni bwavo.