Likunula 6:8 - KITABU KITAKATIFU

⁸ Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.

Likunula 6:8 ပူးပေါင်းရင်းမြစ်များ

Tsing'ano 5:5

Virenge vivye vi sulungutanga mu likudza; Na ligenda lilye li hambana na Kihadisi;

Isaya 25:8

Naye u mali kumira likudza li vule kuva ho kandi mihiga nemihiga; Yahova Nyasaye a leya maliga mu mmoni mwosi; nelinyegwa lyavandu veve a la li twulidza mu lirova lyosi: kigira Yahova a vola yaga.

Jeremia 14:12

Lwa va honga lilia, inze si nda hulira lilira lyavo mba; lwa va haana vihaanwa vyokusambwa na visyuviriru, si nda vi bugirira mba; navutswa nda va dividza nekivavi, nenzala, nobulwzye.

Jeremia 16:16

Henza, nda tuma avandu kuleta avaluvi avanyingi, Yahova a vola, na va la va luva; na inyima wa yaga nda tuma avandu kuleta avahimi avanyingi, na va la va hima va twule mu vigulu vyosi, nomu tugulu twosi, nokutwula mu tsinkombe tsyamagina.

Jeremia 16:4

Va la kudza nelikudza lidamano ligali; va la vula kusyomirwa, kandi va la vula kutebwa; va la va kuli amandu ku mmoni mwelirova; va la dividzwa nekivavi, nenzala; na mibiri mikudzu gyavo gyi la va vyokulia vyamanyonyi gombwerefu, nevyetsinyama tsyelirova.

Jeremia 24:10

Na nda tuma kivavi, nenzala, nobulwaye, hagati havo, kuduka va dividzwe ligali mu kivala kya nda va ha na vaguga vavo.

Jeremia 29:17

Yahova wa mahe a vola: Henza, nda tuma kuvo kivavi, nenzala, nobulwaye, na nda va kola kuva kuli makuyu madamano, ga ta libwa, ku liva lya ga veye madamano.

Jeremia 43:11

Naye a ladza, nokwingira nokukuya kivala kya Egepeti; yavo avang'olerwa likudza va liitwa; na yavo avang'olerwa buhambe va la va avahambe, na vang'olerwa kivavi va la va ku kivavi.

Ezekieli 29:5

Nda ku ta mwigendanyama, ive netsisudzi tsyosi tsyernigera gyigyo: u la gwa kulwang'amira mu mulimi; u la vula kuletwa halala, kinga kuvungidzwa; mmali kuhaana ive kuva vyokulia vyetsinyama tsyelirova namanyonyi gombwerefu.

Ezekieli 5:12

Kidieli kikyo kyevivaka ki la kudza nobulwaye na va la heridzwa hagati hoho nenzala; nekidieli kyevivaka ki la gwa nekivavi ku tsimbega tsitsyo, neki dieli kyevivaka nda ki salannya ku tsimbuudza tsyosi, na nda somola kivavi ki va londe.

Hosea 13:14

Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.

Habakuk 2:5

Yee, halala na yaga, iwaini i veye nobugadi, woluyai, u gala kumenya mu inyumba yeye; u galaminyanga likayirwa lilye kuli Kiha disi, na a veye kuli likudza, si a nyala kwigutidzwa, yevungidziranga tsihiri tsyosi, yelomberanga vitumi ava ndu vetsihiri tsyosi.

Zekaria 6:3

noku ligari lya kavaka tsya li ku tsiparasi tsindavu; noku ligari lya kane tsya li ku tsiparasi tsisembe tsyetsingulu.

Matayo 11:23

Nive, Kapernaume, u lidzominywa ku duka igulu? U la tsia kuduka mu Kihadisi: kigira miyinzi gyetsingulu gya kolwa mu ive, gyi va gya kolwa mu Sodoma, nkano li ve ho kuduka lero.

Matayo 24:7

Kigira ihiri i la vukira ihiri, nobwami bu la vukira ubwami; kandi ha la va netsinzala nokudegera kwelirova hale ne hale.

1 Vakorintho 15:55

Ive likudza, liguuta lilyo li veye haliha? Ive kihadisi, ulusere lulwo lu veye haliha?

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.

Likunula 12:4

Kandi mukira gwagwo gwa twulidza kidieli kilala ku vivaka vyetsing'ereng'ani tsyomigulu, nokutsyagulula ku lirova: kandi guyoka zana gu singira imbiri womukali uyo u veye mu lilumwa, gu duke kumira mwana wewe inyinga yivula.

Likunula 9:15

Kandi tsingelosi vane va bohololwa, yava ava lombwa kigira isaa yiyi, nelidiku yili, nomweli yigu, nomuhiga yigu, va duke kwiita kidieli kilala ku vivaka vyavandu.

Likunula 9:18

Kidieli kilala ku vivaka vyavandu kiitwa namaduywa yaga gavaka, nago ga veye muliru nomwoki nekibiridi, vya twula mu minwa gyatsyo.