Likunula 6:15 - KITABU KITAKATIFU

¹⁵ Kandi avami velirova, navanene navanyampara, navatugi, navetsi ngulu, navatugwa vosi, nava luhya vosi, vivisa mu tsimbangaywa nomu magina gevigulu;

Likunula 6:15 ပူးပေါင်းရင်းမြစ်များ

Litanga 3:8

Na va hulira mwoyo gwa Yahova Nyasaye a gendanga mmulimi inyinga yembuudza yomgolova: na musatsa nomukali wewe vevisa mmoni mwa Yahova Nyasaye hagati ha misala gyomulimi.

Zaburi 76:12

A la kalaga mwoyo gwa ava nene: A veye mutihidzi ku avami avelirova.

Isaya 2:10

Ingira mu lwanda, wevise mu lugukyi, ku litihidza lya Yahova, noku ubukumi bwobwami bwibwe.

Isaya 2:19

Navandu va lingira mu tsimbangaywa tsyetsinyanda, nomu malina gelirova, ku litihidza lya Yahova, noku bukumi bwobwami bwibwe, lwa a singira kudegeridza ligali lirova.

Isaya 2:21

va duke kwi ngira mu tsimbangaywa tsyetsinya nda, nomu tsiimbwa tsyetsinyanda tsya dika, kutwula ku litihidza lya Yahova noku bukumi bwobwami bwibwe lwa a singira kudegeridza li gali lirova.

Isaya 42:22

Navutswa avandu yava va veye ava nuulwa nokulanywa; vosi va gumirwa nemitego mu bogo, nokuviswa mu tsi nyumba tsyavahambe: va gwiye vilanye, si ha veye nomuhonnyi; va gwiye kilanye, si ha veye no u volanga Wirannye.

Mika 7:17

Va la komba lugukyi kuli inzoka; kuli vimolanga vyelirova va la twula ha tsingo tsyavo ha lyevisa lyavo nelidegera, va la tsia ku Yahova Nyasaye wetu nokumutia, na va la lola ubutii kigira ive.

Vahebraina 11:38

(avandu avelirova li ta dukana kuva navo), va vodonkananga mu kyangalangwi, nomu vigulu, nomu tsimbangaywa, nomu mbogo bwelirova.

Likunula 18:23

kandi ubulavu bwetaya si bu lyaaka mu ive kandi mba; nomwoyo gwosereye nogwomwiha si gu li hulirwa mu ive kandi mba; kigira ava kirannyanga mu ive va li avanene velirova; kigira tsihiri tsyosi tsya gadwa nobukumu bubwo.

Vakalagi 6:2

Mukono gwa Midiani gwa guuta Israeli, kandi kigira Midiani avana va Israeli velombera bogo mu vigulu, netsimbangaywa, netsimpinga.

1 Samweli 13:6

Lwa avandu va Israeli va lola va veye mu kivi (kigira avandu va hendidzwa mwoyo), hene yaho avandu vivisa mu tsimbangaywa, nommulitu, nommagina, nombogo, nommalina.