Likunula 6:14 - KITABU KITAKATIFU

¹⁴ Kandi ligulu lya twulidzwa kuli lududu inyinga lu lingangwa; kandi viguh; vyosi nevisulu vyosi vya twulidzwa ha vi vedzanga.

Likunula 6:14 ပူးပေါင်းရင်းမြစ်များ

Zaburi 102:26

Yivi vyosi vi la dividzwa navutswa ive u la hindira; Yee, yivi vi la kunguha kuli ingubo; Na kuli ingubo u la vi girunkannya, navyo vi la girunkanywa:

Isaya 34:4

Na lihe lyosi lyomigulu li la livuluka, ne ligulu li la lingwa halala kuli lilingwa lyetsikaratasi; na lihe lyavo lyosi li la niala, kuli litu li nialanga kutwula ku muzabibu, na kuli litu li nialanga ku mukuyu

Isaya 54:10

Kigira vigulu vi la twula, notugulu tu ladikidzwa; navutswa tsimbabasi tsyobuyanzi bwange si tsi la twula ku ive mba, nelilagana lyemirembe lyange si li la twulidzwa mba, Yahova a vola, uyu u vererera Ive.

Jeremia 3:23

Ligali ubukonyi yibu nobwa vutswa bu henzangwa kutwula mu vigulu, muliviti gu veye mu vigulu: ligali ubukonyi bwa Israeli bu veye mu Yahova Nyasaye wetu.

Jeremia 51:25

Henza, mbeye ku ive, O kigulu kyokudividza, Yahova a vola, ive wononnyanga lirova lyosi: nda nyira mukono gwange ku ive, na nda ku gomagominya hasi u twule mu magina, nokukola u ve kigulu kya sambwa nomuliru.

Ezekieli 38:20

kuduka tsisudzi tsi veye mu inyanza, namanyonyi gombwerefu, netsinyama tsyomwigendanyama, na vi molanga ku lirova vyosi, navandu vosi ava veye mmoni mwekivala, va la degera imbiri wommoni mwange, nevigulu vi la tsomwa hasi, na vyanegiru vi la gwa, namadigi sa lilala li la gwa hasi.

Nahum 1:5

Vigulu vi degera imbiri wewe, na tugulu tu yenguka; na lirova li gingangwa igulu mbiri wewe, yee, lirova na vosi va menyanga mulyo.

Habakuk 3:10

Viguli vya ku lola, na vya tia; Kihi kyamadzi kya vita; Luliva lwa ginga mwoyo gwalwo, Nokuginga makono galwo igulu.

Habakuk 3:6

Ya singira, na a gera lirova; Ya henza, na a salannya tsihiri; Vigulu vyemihiga nemihiga va salannywa kandi; Tugulu twemihiga nemihiga twinaminya mitwe gyatwo; Tsing'endo tsitsye tsya li kuli tsya kale.

2 Petro 3:10

Navutswa lidiku lyo Mwami li la duka kuli mwivi; mu lidiku yilyo ligulu li la vita nomuliviti munene, nevindu vya kale vi la timbuluka ku muliru munene, kandi lirova nemiyinzi gyi veye mulyo gyi la sambwa.

Likunula 16:20

Kandi visulu vyosi viruka, nevigulu si vya loleka kandi.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 21:1

Kandi nda lola ligulu lihya nelirova lihya: kigira ligulu lyokutanga nelirova lyokutanga li mali kuvita; kandi inyanza si i veye ho kandi.