Likunula 6:12 - KITABU KITAKATIFU

¹² Kandi nda lola inyinga ya boholola muhuri gwegyitano na mulala lya li ho lidegera linene; neliuva lya gwa limwamu kuli ligunia lyobwoya, nomweli gwosi gwa gwa kuli masahi;

Likunula 6:12 ပူးပေါင်းရင်းမြစ်များ

Isaya 24:23

Ma mweli gu li va netsisoni, neliuva li la va netsisoni; kigira Yahova wa mahe a lameha mu kigulu kya Zioni, nomu Yerusalemi; kandi imbiri wa avakulundu veve ha la va nobukumi.

Isaya 29:6

Yahova wa mahe a ladza kuye netsinkupa, noku degeridza kivala, neliyoga linyingi, nekihudzudzi, nekihi, nolumemo lwomuliru gu sambanga.

Isaya 34:4

Na lihe lyosi lyomigulu li la livuluka, ne ligulu li la lingwa halala kuli lilingwa lyetsikaratasi; na lihe lyavo lyosi li la niala, kuli litu li nialanga kutwula ku muzabibu, na kuli litu li nialanga ku mukuyu

Isaya 50:3

Inze nda vika ligu lu nekisundi, na nda lomba kikuniko kyalyo kuva tsingubo tsyamagunia.

Joeli 2:10

Lirova li degera imbiri wavo; ligulu li degera; Iiuva na mweli vi mwaminyeywi, na tsing'ereng'ani tsyemwaminya.

Joeli 3:15

Liuva na mweli vi koleywi kisu ndi, na tsing'ereng'ani tsi vuli kwaaka.

Amosi 1:1

Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.

Amosi 8:9

Na ga la duka mu lidiku yilyo, Mwami Nyasaye a vola, Nda yeridza liuva mbasu hagati, na nda mwaminya kivala inyinga yombasu gu valanga.

Zekaria 14:5

Na mwinye mu liruka mwivona lyevigulu vyange; kigira livona lyevigulu zana li la duka Azeli; yee, mu liruka, kuli mwiruka imbiri welidegera lyekivala mu madiku ga Uzia mwami wa Yuda; na Yahova Nyasaye wange a ladza, na vatakatifu vosi va la va halala nive.

Matayo 11:21

O bayaye, ive Korazin O bayaye, ive Betsaida kigira miyinzi gyetsingulu gya kolwa mu mwinye, gyi va gya kolwa mu Turo nomu Sidone, nkano veganira kale ni vivika magunia ni vikala mu ligoke.

Matayo 24:29

Navutswa inyima yekivi kyanadiku yago bwangu liuva li la nwaminywa, nomweli si gu liaaka etsing'ereng'ani tsi la guluka mwigulu, netsingulu tsyomwigulu tsi la degeridzwa:

Matayo 24:7

Kigira ihiri i la vukira ihiri, nobwami bu la vukira ubwami; kandi ha la va netsinzala nokudegera kwelirova hale ne hale.

Matayo 27:45

Ma kutwula ku isaa yetsitanu nendala kya li kisundi mu kivala kyosi kuduka isaa yetsitanu na tsine.

Matayo 27:54

Kandi munyampara wavasikari, navo va linda Yesu halala naye, lwa va lola ubudegeri bwelirova nevindu vya kolwa, va tia muno, ni va vola, Ligali uyu ya li Mwana wa Nyasaye.

Matayo 28:2

Henza, lya li lidegera linene lyekivala; kigira ingelosi wo Mwami yika ni yadza na a gomagominya ligina, ni yikala ku.

Marko 15:33

Lwa ya duka isaa i kola tsitanu nendala, kisundi kya gwa mu kivala lyosi, ya luha ya duka isaa i kola tsitanu na tsine.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 16:18

vya li ho tsimbeni, nemyoyo, netsinkupa; kandi lya li ho lidegera linene lye lirova, lya li kuli lya vula kuva ho kutwula inyinga avandu va duka mu lirova, kuli wa lya li linene.

Likunula 16:8

Kandi wa kane yagulula kituva kikye ku liuva; nalyo lya hebwa lisamba avandu nomuliru.

Likunula 8:12

Kandi ingelosi wa kane ya kupa, kidieli kilala ku vivaka vyeliuva kya duywa, kandi kidieli kilala ku vivaka vyomweli, kandi kidieli kilala ku vivaka vyetsing'ereng'ani; kidieli kilala ku vivaka ki gwe kisundi, kandi mbasu gu vule kuva ubulavu ku kidieli kyabwo kilala ku vivaka, nobudiku kandi ndiyo.

Likunula 8:5

Kandi ingelosi uyu ya vugula kituva; ni yizulitsa ku muliru gwobwali, kandi ya gu sundula ku lirova: kandi ha li netsinkupa, nemyoyo, netsimpeni, nelidegera lyelirova.