Likunula 5:8 - KITABU KITAKATIFU

⁸ Kandi lwa ya vugula kitabu zana, vilombe vi veye mwoyo vine navakulundu makumi gaviri na vane va gwa imbiri wo Mwana Weligondi, sa mulala ya li nobukana nevituva vyethahabu vizula kimuli, ki veye lisaala lyavatakatifu.

Likunula 5:8 ပူးပေါင်းရင်းမြစ်များ

Zaburi 141:2

Lisaala lyange li ve kuli kimuli imbiri wowo; Liginga makono gange li ve kuli kihaanwa kya mgolova.

Zaburi 150:3

Mu mwidzpminye nomwoyo gwekisiliva: Mu mwidzominye nobukana na lidienyi.

Zaburi 33:2

Mu santidze Yahova nobukana: Mwimbe tsinyimbu kuye nelimuga lyemigoye likumi.

Zaburi 43:4

Ma nda tsia ku ubwali bwa Nyasaye, Ku Nyasaye u veye ubusangali bwange bunene; Na nda kwidzominyira nobukana, O Nyasaye, Nyasaye wange.

Zaburi 81:2

Mu ginge ulwimbu, mu kupe isugudi,] Ubukana bwomwoyo gwokuyanzidza halala nobukana bwemigoye likumi.

Livalidza 7:62

nekijiko kilala kyethahabu kyeligerwa lyetsishekeli likumi, kizula kimuli:

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Yohana 5:23

vosi va duke kukuminya Mwana, kuli va kuminya Dada. Uyu a vula kukuminya Mwana kandi si a kuminya Dada wa mu tuma.

Vahebraina 1:6

Kandi lwa ya leta mu lirova wivulwa wokutanga ya vola, Tsingelosi va Nyasaye va msigamire.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 15:2

Kandi nda lola kuli inyanza yechupa ya tsukanywa nomuliru; navo ava guuta ni va twula ku inyama uyu, noku kifwananyi kikye, noku hesabu yelieta lilye, va li va singiye ku inyasi yenyanza yechupa yeyo, va veye nobukana bwa Nyasaye.

Likunula 15:7

Kandi kilala ku vilombe vi veye mwoyo vine, kya ha tsi ngelosi vatano na vaviri vituva vitano na viviri vyethahabu, vizula ubutima bwa Nyasaye welivamwoyo mihiga nemihiga.

Likunula 19:4

Kandi avakulundu makumi gaviri na vane ne vilombe vi veye mwoyo vine va gwa hasi nokusigamira Nyasaye wikaye ku intebe, ni va vola, Amini; Aleluya.

Likunula 4:10

avakulundu makumi gaviri na vane va la gwa imbiri wa uyu wikaye ku intebe, nokusigamira uyu u veye mwoyo mihiga nemihiga, nokuta hasi tsitaji tsyavo imbiri wentebe, ni va vola,

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 4:6

kandi imbiri wentebe kya li ho kuli inyanza yechupa kuli ubulengeru; kandi hagati hentebe, noku inyasi kwentebe vya li ho vilombe vi veye mwoyo vine, vizula tsimoni imbiri nenyima.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.

Likunula 5:11

Nda lola, kandi nda hulira mwoyo gwetsingelosi vanyingi ku nyasi kwentebe, nokwevilombe vi veye mwoyo noku vakulundu; livalidzwa lyavo lya li tsielfu likumi hali tsielfu likumi, tsielfu tsyetsielfu;

Likunula 5:12

ni va vola nomwoyo munene, U dukani Mwana Weligondi wiiteywi kuvugula linyala nobutugi, nobugeeri, netsingulu, nelidzominywa, nobukumi nobugasu.

Likunula 5:14

Nevilombe vi veye mwoyo vine vya vola, Amini. Navakulundu va gwa hasi nokusigamira.

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.

Likunula 6:1

Kandi nda lola inyinga Mwana Weligondi ya boholola mulala ku mihuri gyitano na gyiviri, kandi nda hulira kilala ku vilombe vi veye mwoyo vine ni ki vola nomwoyo gwenkupa, Hamba.