Likunula 5:11 - KITABU KITAKATIFU

¹¹ Nda lola, kandi nda hulira mwoyo gwetsingelosi vanyingi ku nyasi kwentebe, nokwevilombe vi veye mwoyo noku vakulundu; livalidzwa lyavo lya li tsielfu likumi hali tsielfu likumi, tsielfu tsyetsielfu;

Likunula 5:11 ပူးပေါင်းရင်းမြစ်များ

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

Zaburi 103:20

Mu gasidze Yahova, mwinye tsingelosi veve Ava veye netsingulu ligali, ava kolanga makuva gege, Na va huliranga mwoyo gwelivola lilye.

Zaburi 148:2

Mu mwidzominye, mwinye tsingelosi veve vosi: Mu mwidzominye, lihe lilye lyosi.

Zaburi 68:17

Magari ga Nyasaye ga veye tsielfu makumi gaviri, kali tsielfu netsielfu: Nyasaye a veye hagati hago, kuli mu Sinai, mu hatakatifu.

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Kwidzulitsa 33:2

Na a vola, Yahova ya twula Sinai, Ya va vukira kutwula Seiru; Ya ng'ereng'ana mkigulu kya Paran Yadza halala navatakatifu tsielfu likumi: Ku mukono mulungi gwigwe ha veye nelilaga lyomuliru kuvo.

Vahebraina 12:22

Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,

Yudasi 1:14

Kandi uyu Enoka, u kola katano na kaviri inyima wa Adamu, ya profeta kuvo, na a vola, Henza, Mwami yadza nelihe lilye lye tsielfu likumi litaka tifu,

Likunula 19:6

Kandi nda hulira mwoyo kuli mwoyo gwekiduma kinene, kandi kuli mwoyo gwamadzi manene, kandi kuli mwoyo gwetsinkupa tsyetsingulu, ni gu vola, Aleluya: kigira Mwami Nyasaye wetu, Wanyala Vyosi, yamehanga.

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 4:6

kandi imbiri wentebe kya li ho kuli inyanza yechupa kuli ubulengeru; kandi hagati hentebe, noku inyasi kwentebe vya li ho vilombe vi veye mwoyo vine, vizula tsimoni imbiri nenyima.

Likunula 5:14

Nevilombe vi veye mwoyo vine vya vola, Amini. Navakulundu va gwa hasi nokusigamira.

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.

Likunula 5:8

Kandi lwa ya vugula kitabu zana, vilombe vi veye mwoyo vine navakulundu makumi gaviri na vane va gwa imbiri wo Mwana Weligondi, sa mulala ya li nobukana nevituva vyethahabu vizula kimuli, ki veye lisaala lyavatakatifu.

Likunula 7:11

Kandi tsingelosi vosi va singira ku nyasi kwentebe nokwa vakulundu nokwevilombe vi veye mwoyo vine; navo va gwa mammama imbiri wentebe nokusigamira Nyasaye,

Likunula 9:16

Na hesabu yavandu va nina ku tsiparasi ya li tsielfu likumi hali tsielfu likumi kandi hali kaviri: nda hulira hesabu yavo.