Likunula 4:8 - KITABU KITAKATIFU

⁸ Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.

Likunula 4:8 ပူးပေါင်းရင်းမြစ်များ

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Zaburi 91:1

Uyu u menyanga mu likingwa lya Weigulu Ligali A la menya mu kiriri kya Wanyala Vyosi.

Kutwula 15:11

Ibwaha u veye kuli ive, O Yahova, mu avanyasaye? Ibwaha u veye kuli ive, mu bukumi nomu butakatifu, U tihidzanga mu lidzominya lilyo, u kolanga vyokugenya?

Kutwula 3:14

Na Nyasaye ya volera Musa, INZE MBEYE U VEYE HO: na ya vola, U la volera avana va Israeli inkuva yiyi, INZE MBEYE HO u ntumi ku mwinye.

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 62:1

Kigira liva lya Zioni si nda v girunkana mba, na kigira liva lya Yerusalemi si nda sosa mba, kuduka ubulungi bwalyo bu lang'aminywe kuli ubung'ereng'anu, nobuhonnyi bwalyo kuli itaya yaakanga.

Ezekieli 1:18

Ku makuva go bwekudumbu bwatsyo, bwa li butambi na bwokutihidza; nevilombe vi veye mwoyo vine vya li nobwekudumbu bune bwizula tsimoni hosi.

Ezekieli 1:5

Kandi ha gati hagwo lifwana lyevilombe vi veye mwoyo vine vya loleka ho. Liloleka lyavyo lya li ndi: Lya li nelifwana lyomundu;

Ezekieli 1:6

kandi sa kilala kya li nommoni hali kane, na sa kilala kya li netsimbaha tsine.

Ezekieli 10:12

Mibiri gyavo gyosi, nemigongo gyavo namakono gavo, netsimbaha tsyavo netsingida, vizula tsimoni tsimbega tsyosi, kali tsingida tsya yavo vane va li natsyo.

Joeli 1:15

O Bayaye lidiku yili kigira lidiku lya Yahova li veye himbi, nalyo li la duka kuli lidividza li twula ku Wanyala Vyosi.

Vikolwa 20:31

Ku yaga mu linde, mwidzulitse inze inyinga yemihiga gyivaka si nda leka kweganehidza mundu namaliga, kali mulala ubudiku nombasu.

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

1 Vatesalonike 2:9

Avamitu vetu kigira mwidzulitsa linyankana lyetu nobusaliri: ku kolanga miyinzi ubu diku nombasu ku vule kumina mundu kali mulala ku mwinye, kwa mwilwadzira ivangeli ya Nyasaye.

1 Timoteo 4:16

Welinde mwene, kandi u linde lyegidza lilyo. U menye mu vindu yivi; kigira mu likola yaga u lehonnya mwene, kandi ava ku hulira.

2 Timoteo 4:2

wilwadze likuva; u dinye ku mu tsinyinga tsindahi nomu tsinyinga tsi ta li tsindahi; u gaye, u gondokere, u ganehidze nobwikudziri bwosi nelyegidza.

Vahebraina 13:8

Yesu Kristo a veye lero nolwave, yee, kuduka mihiga nemihiga, mulala mwere.

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 11:17

ni va vola, Ku santidza ive, O Mwami Nyasaye, Unyala Vyosi, u veye ho nowa li ho; kigira u vuguye tsingulu tsitsyo tsinene nokwameha.

Likunula 14:11

kandi mwoki gwekivi kyavo gu vuya kuduka mihiga nemihiga; kandi si va veye nelisosa mbasu nobudiku, ava sigamira inyama nekifwananyi kyayo, kandi ku vosi u bugirira kyokumanyirwa kyelieta lyayo.

Likunula 14:3

kandi vimba kuli lwa li lwimbo luhya imbiri wentebe, kandi imbiri wevilombe vine vi veye mwoyo kandi imbiri wavakulundu: kandi si ha li nomundu wa nyala kwega lwimbo zana na a ta li ku yava tsielfu mia na makumi gane na tsine, yavo ava gulwa mu lirova.

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.

Likunula 15:7

Kandi kilala ku vilombe vi veye mwoyo vine, kya ha tsi ngelosi vatano na vaviri vituva vitano na viviri vyethahabu, vizula ubutima bwa Nyasaye welivamwoyo mihiga nemihiga.

Likunula 16:14

kigira gyi veye roho gyamademone, gyi kolanga vilolekidzu; gya tsia ku vami vomulirova lyosi, kuvavugannya ku bulwani bwelidiku linene lya Nyasaye Wanyala Vyosi.

Likunula 16:7

Kandi nda hulira bwali bu vola, Yee, O Mwami Nyasaye, Wanyala Vyosi, li veye lyeligali nelilungi likalaga lilyo.

Likunula 19:15

Kandi kivavi kyogi ki twula mu munwa gwigwe, a duke kuduya tsihiri nakyo: kandi a la vameha nempimbo yekivya: kandi a duvaga kinu kyewaini yobululu bwobutima bwa Nyasaye, Wanyala Vyosi.

Likunula 19:4

Kandi avakulundu makumi gaviri na vane ne vilombe vi veye mwoyo vine va gwa hasi nokusigamira Nyasaye wikaye ku intebe, ni va vola, Amini; Aleluya.

Likunula 21:22

Kandi si nda lola mu litempeli: kigira uyu Mwami Nyasaye Wanyala Vyosi, kandi uyu Mwana Weligondi, va veye litempeli lyalyo.

Likunula 3:7

Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga:

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 4:6

kandi imbiri wentebe kya li ho kuli inyanza yechupa kuli ubulengeru; kandi hagati hentebe, noku inyasi kwentebe vya li ho vilombe vi veye mwoyo vine, vizula tsimoni imbiri nenyima.

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.

Likunula 6:1

Kandi nda lola inyinga Mwana Weligondi ya boholola mulala ku mihuri gyitano na gyiviri, kandi nda hulira kilala ku vilombe vi veye mwoyo vine ni ki vola nomwoyo gwenkupa, Hamba.

Likunula 6:6

Kandi nda hulira mwoyo hagati hevilombe vi veye mwoyo vine ni gu vola, Kigero kyengano ishiliing indala, kandi vigero vivaka vyeshairi ishilling indala; na ive u tononnya maguta newaini.

Likunula 7:11

Kandi tsingelosi vosi va singira ku nyasi kwentebe nokwa vakulundu nokwevilombe vi veye mwoyo vine; navo va gwa mammama imbiri wentebe nokusigamira Nyasaye,

Likunula 7:15

Kigira yaga va singiye imbiri wentebe ya Nyasaye; nokumutumekira mbasu nobudiku mu litempeli lilye: kandi uyu wikaye ku intebe a la singeridza lihema lilye kuvo.