Likunula 4:7 - KITABU KITAKATIFU

⁷ Kandi kilombe kyokutanga kya fwanana neking'ang'a, nekilombe kya kaviri kya fwanana nekimoli, nekilombe kya kavaka kya li nelifwana lyommoni kuli mundu, nekilombe kya kane kya fwanana nendidzu i buluka.

Likunula 4:7 ပူးပေါင်းရင်းမြစ်များ

Litanga 49:9

Yuda a veye mwana weking'ang'a; Mwana wange u diguluki kutwula ku kilanye: Ya kukuna, ya seta kuli king'ang'a, Kandi kuli king'ang'a kikali; ibwaha u li mu vukidza?

2 Samweli 1:23

Saulo na Jonathan va li avalahi avokuyanzidza, mu livamwoyo ki lyavo, Kandi mu likudza lyavo va vula kwavukanywa: Va li netsimbiru kuvita tsindidzu, Va li netsingulu kuvita ving'ang'a.

Tsing'ano 28:2

Ku mahyolo gekivala avanene vakyo va veye avanyingi; Navutswa avandu vobugeeri na velimanya va la ki dinyeridza.

Isaya 40:31

Navutswa yava ava lindiranga Yahova va lirannya ubuhya bwetsingulu tsyavo; va lanegira igulu netsimbaha kuli kihungu; va la nyagula bugira kuluha; va la genda na si va la kudza myoyo mba.

Ezekieli 1:10

Ku makuva gelifwana lyommoni mwavyo; vya li nommoni mwomundu; navyo vya li nommoni mweking'ang'a ku luvega lwomukono mulungi; navyo vine vya li nommoni mweng'ombe ku luvega lwo mukono mmosi; navyo vine kandi vya li nommoni mwendidzu.

Ezekieli 1:8

Na vya li na makono kuli agomundu isi wetsimbaha tsyavyo ku tsimbega tsyavyo tsine; nevilombe vine yivyo vya li nommoni mwavyo netsimbaha tsyavyo:

Ezekieli 10:14

Sa mulala ya li nommoni hali kane: mmoni mwokutanga mwa li mmoni mwomukerubi, nommoni mwa kaviri mwa li mmoni mwomundu, nommoni mwa kavaka mwa li mmoni mweking'ang'a, nommoni mwa kane mwa li mmoni mweindidzu.

Ezekieli 10:21

Sa mulala ya li nommoni hali kane, na sa mulala ya li netsimbaha tsine; nelifwana lyamakono gomundu lya li isi wetsimbaha tsyavo.

Danyeli 7:4

Yokutanga ya li nelifwana lyeking'ang'a, na ya li ne tsimbaha tsyendidzu: na inze nda henza kuduka tsimbaha tsyayo tsya manyulwa, na ya gingwa ku twula ku lirova, nokusingeridzwa ne virenge viviri kuli mundu; na ya hebwa mwoyo gwomundu.

Obadia 1:4

Kali ni weduda igulu kuli kihungu, kali inyumba yoyo ni ya vikwa mu tsing'ereng'ani, nda kwikidza hasi kutwula yo, Yahova a vola.

Livalidza 23:24

Henza, avandu va vuka kuli king'ang'a kikali, Na kuli king'ang'a yeginganga mwene: Si a li gona hasi a luhe a duke kulia kilanye, Nokunwa masahi ga yavo aviitwa.

Livalidza 24:9

Ya goneka, nokugona hasi kuli king'ang'a Kandi kuli king'ang'a kikali; ubwaha a la mu vukidza? A gasidzwe ku vosi u ku gasidzanga, Na uyu u ku laamanga a laamwe.

1 Vakorintho 14:20

Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

Kwidzulitsa 28:49

Yahova a la leta ku ive ihiri i twula ihale, ku nyasi kwelirova, bwangu kuli libuluka lyendidzu ihiri ya u ta manya lulimi lwayo,

Likunula 4:6

kandi imbiri wentebe kya li ho kuli inyanza yechupa kuli ubulengeru; kandi hagati hentebe, noku inyasi kwentebe vya li ho vilombe vi veye mwoyo vine, vizula tsimoni imbiri nenyima.

Likunula 6:3

Kandi inyinga ya boholola munuri gwa kaviri, nda hulira kilombe ki veye mwoyo kva kaviri ni ki vola, Hamba.

Likunula 6:5

Kandi inyinga ya boholola muhuri gwa kavaka, nda hulira kilombe ki veye mwoyo kya kavaka ni ki vola, Hamba. Kandi nda lola, henza, iparasi imwamu; kandi uyu wikala ku ya li netsiratili mu mukono gwigwe.

Likunula 6:7

Kandi inyinga ya boholola muhuri gwa kane, nda hulira mwoyo gwekilombe ki veye mwoyo gwa kane ni gu vola, Hamba.