Likunula 4:5 - KITABU KITAKATIFU

⁵ Kandi uluheni, nemyoyo, netsinkupa vya twula ku intebe. Kandi tsitaya tsitano na tsiviri tsyomuliru tsyaaka li imbiri wentebe, tsi veye Roho vatano u na vaviri va Nyasaye;

Likunula 4:5 ပူးပေါင်းရင်းမြစ်များ

Litanga 15:7

Na ya mu volera, Inze mbeye Yahova wa ku twulidza mu Uru lya Vakalidei, kukuha kivala yiki kuva miyandu gyigyo.

2 Kyetsinyinga 4:20

nevinara vyetsitaya, netsitaya tsyavyo, tsyo kwaaka kuli miima imbiri wa hatakatifu, vyethahabu indahi;

Zaburi 68:35

O Nyasaye, u veye welitihidza kutwula mu hatakatifu hoho: Nyasaye wa Israeli, a haananga tsingulu na ubunyali ku avandu veve. Nyasaye a gasidzwe.

Kutwula 19:16

Kunangwa ku lidiku li kola gavaka, inyinga ya mugamba, ha li nelihirigana netsimpeni, na lilesi liliduhu ku kigulu, na mwoyo munene ligali gwekisiliva; na avandu vosi ava li ha lisosa, va degera.

Kutwula 20:18

Na avandu vosi va hulira tsinkupa, nokulola tsimpeni, nokuhulira mwoyo gwekisiliva, na kigulu kya vuva mwoki: na lwa avandu va lola yivi va degera, ni va singira ihale.

Kutwula 25:37

Na u lombe tsitaya tsyakyo tsi veye tsitano na tsiviri: na va laakidza tsitaya tsyakyo tsyaake tsimbega tsyakyo tsyosi.

Kutwula 37:23

Kandi ya lomba tsyakyo tsitano na tsiviri, na visiminyiru vyakyo, na tsisahani tsyevisiminyiru, vyosi vyethahabu indahi.

Ezekieli 1:13

Ku makuva gelifwa na lyevilombe vi veye mwoyo, liloleka lyavyo lya li kuli amanda gomuliru gaakanga, kuli liloleka lyolumuli lwekiyayi: muliru gwanegira nokuyera hagati hevilombe vi veye mwoyo; nomuliru gwaaka, noluheni lwa twula mu.

Joeli 3:16

Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli.

Zekaria 4:2

Naye ya nteva, U lola ki? Na nda vola, Ndoli, henza, kinara kyetaya, kyosi kyethahabu, halala na ludavo ku isonga yakyo, na tsitaya tsitano na tsiviri kukyo; na tsitaya tsya li ne vidundu vitano na viviri vyokule ta maguta, vya li kukyo;

Matayo 25:1

Na ndiyo ubwami bwomigulu bu la wananywa navakana avagima likumi ava vugula tsitaya tsyavo ni va tsia kuvugana no woserereywi.

Matayo 3:11

Ligali inze mmu batidza mmadzi mu duke kweganira; navutswa u nonderera a veye netsingulu kuvita inze, vilatu vivye si ndukana kumugingira: uyu a la mu batidza mu Roho Mtakatifu nomu muliru.

Vikolwa 2:3

Kandi tsya loleka kuvo tsinimi tsyavukani kuli muliru; tsikala kuvo sa mulala sa mulala.

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 10:3

kandi ya hanzuka nomwoyo munene, kuli king'ang'a ki fwumanga: lwa ya hanzuka tsinkupa tsitano na tsiviri tsya vola myoyo gyatsyo.

Likunula 11:19

Kandi litempeli lya Nyasaye li veye migulu ligulwa; kandi lisanduku lyamalago gege lya loleka mu litempeli lilye; kandi vya londa tsimpeni, nemyoyo, netsinkupa, nelidegera lyelirova, nembula yamagina manene.

Likunula 3:1

Kandi u ng'odere ingelosi welivugana li veye mu Saride. Yivi nivyo vya uyu u veye na Roho vatano na vaviri va Nyasaye, netsing'ereng'ani tsitano na tsiviri, a volanga: Mmanya miyinzi gyigyo, u veye nelieta lyokuva mwoyo, na ive u kudzi.

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.

Likunula 8:5

Kandi ingelosi uyu ya vugula kituva; ni yizulitsa ku muliru gwobwali, kandi ya gu sundula ku lirova: kandi ha li netsinkupa, nemyoyo, netsimpeni, nelidegera lyelirova.