Likunula 4:2 - KITABU KITAKATIFU

² Nonoho nda li mu Roho; kandi henza, intebe ya vikwa migulu, nomulala yikala ku intebe;

Likunula 4:2 ပူးပေါင်းရင်းမြစ်များ

1 Avami 22:19

Na Mikaiya ya vola, U hulire likuva lya Yahova: nda lola Yahova wikaye ku intebe yeye yobwami, nelihe lyosi lyomigulu va singiye ha mukono mulungi gwigwe na ha mukono mmosi gwigwe.

Zaburi 11:4

Yahova a veye mu litempeli lilye litakatifu; Yahova, intebe yeye i veye mi gulu; Tsimoni tsitsye tsi lola, vigohe vivye vi geridza, avana va avandu.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Jeremia 17:12

Intebe yobwami yobukumi, ya singeridzwa kutwula mu litanga, niyo hatakatiiu hetu.

Ezekieli 1:26

Na igulu wobwerefu bwa li igulu wemitwe gyavyo ha li nelifwanana lyentebe yobwami, liloleka lyayo lya li ku liloleka lyeligina lya isafiro; noku lifwanana lyentebe yobwami zana ha li nelifwanana lyomundu kuyo.

Ezekieli 1:28

Kandi kuli liloleka lyekisahi kyembula ki veye mu lilesi mu lidiku lyembula, ni ndiyo kya loleka bung'ering'anu bwa kumbiridza tsimbega tsyosi. Lya li ndiyo liloleka lyelifwana lyobukumi bwa Yahova. Na inze nonoho lwa nda lola, nda gwa mammama, na nda hulira mwoyo gwomulala u volanga.

Ezekieli 10:1

Hene yaho nda lola, henza, mu bwerefu bwa li igulu womutwe gwa vakerubi ha loleka igulu wavo kindu kuli ligina lya isafiro, na liloleka lyalyo lya li kuli intebe yobwami.

Danyeli 7:9

Na inze nda henza kuduka inyinga tsintebe tsyobwami tsya vikwa, na mulala wa li Muhindira wa madiku, yikala ku: tsingubo tsitsye tsya li tsindavu kuli likonza na lisu lyoku mutwe gwigwe lya li kuli bwoya bweligondi bwere; intebe yeye ya li kuli ulumemo lwomuliru, na tsingida tsyayo tsya li muliru gwaakanga.

Matayo 22:43

Naye ya va volera, Ga veye ndi, Daudi, mu Roho, a mu langa Mwami, na a vola

Vahebraina 8:1

Kalunu mu yaga aga ku volanga likuva linene ni yili: Ku veye nomusalisi munene lugano yilu, uyu wikalanga ha mukono mulungi gwekisako kyo Munene migulu,

Likunula 1:10

Nda li mu Roho ku lidiku lyo Mwami, ni mbulira mwoyo munene inyima wange kuli kisiliva,

Likunula 12:5

Kandi yivula mwana musatsa, a lameha tsihiri tsyosi nempimbo yekivya: kandi mwana wewe yadikidzwa kuduka migulu ku Nyasaye, noku intebe yeye.

Likunula 17:3

Ya mbilira mu Roho kuduka mu kyangalangwi: kandi nda lola mukali ni yikaye ku inyama inzakanyu, yizula ameta gamanyego, yemitwe gyitano na gyiviri netsinziga likumi.

Likunula 19:4

Kandi avakulundu makumi gaviri na vane ne vilombe vi veye mwoyo vine va gwa hasi nokusigamira Nyasaye wikaye ku intebe, ni va vola, Amini; Aleluya.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 21:10

Kandi ya ngingira mu Roho kumbila mu kigulu kinene kandi kitambi, kandi ya mmannya lidala yilyo litakatifu Yerusalemi, liika kutwula migulu wa Nyasaye:

Likunula 21:5

Kandi uyu wikaye ku intebe ya vola, Henza, inze nkola vindu vyosi vi ve vihya. Kandi ya mbolera, Ng'oda: kigira amakuva yaga ga veye agobusuuvirifu nageligali.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.

Likunula 4:10

avakulundu makumi gaviri na vane va la gwa imbiri wa uyu wikaye ku intebe, nokusigamira uyu u veye mwoyo mihiga nemihiga, nokuta hasi tsitaji tsyavo imbiri wentebe, ni va vola,

Likunula 4:5

Kandi uluheni, nemyoyo, netsinkupa vya twula ku intebe. Kandi tsitaya tsitano na tsiviri tsyomuliru tsyaaka li imbiri wentebe, tsi veye Roho vatano u na vaviri va Nyasaye;

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,

Likunula 5:1

Kandi nda lola mu mukono mulungi gwa uyu wikaye ku intebe, kitabu kya ng'odwa mugati nokwigulu, kya vikwa mihuri gyitano na gyiviri.

Likunula 5:13

Kandi vilombe vyosi vi veye migulu, nevi veye ku lirova, nevi veye isi welirova, nevi veye ku inyanza, kandi vindu vyosi vi veye rnuvyo, nda vi hulira vi vola, Ku uyu wikaye ku intebe, kandi ku uyu Mwana Weligondi, ubugasu yibu, nelidzominywa yilyo, nobukumi yibwo, nobwamehi yibwo kuduka mihiga nemihiga.

Likunula 6:16

navo va volera vigulu namagina, Ku gwiri nokukuvisa imbiri wa uyu wikaye ku intebe, kandi ku butima bwo Mwana Weligondi;