Likunula 4:10 - KITABU KITAKATIFU

¹⁰ avakulundu makumi gaviri na vane va la gwa imbiri wa uyu wikaye ku intebe, nokusigamira uyu u veye mwoyo mihiga nemihiga, nokuta hasi tsitaji tsyavo imbiri wentebe, ni va vola,

Likunula 4:10 ပူးပေါင်းရင်းမြစ်များ

1 Kyetsinyinga 29:20

Na Daudi ya volera livugana lyosi, Kalunu mu santidze Yahova Nyasaye wenyu. Ma livugana lyosi lya santidza Yahova, Nyasaye wavaguga vavo, na vinaminya mitwe gyavo, ni va sigamirira Yahova, nomwami kandi.

2 Kyetsinyinga 7:3

Avana va Israeli vosi va henza, lwa muliru gwika, nobu kumi bwa Yahova bwa li ku inyumba; na vinama avene matung'ama ku magina galwo, ni va sigamira, na va santidza Yahova, ni va vola, Kigira a veye mulahi; kigira tsimbabasi tsi tsye tsi veye tsyemihiga nemihiga.

Ayubu 1:20

Hene yaho Ayubu ya singira, na ya tandula ijoho yeye, kandi ya vegwa mutwe gwigwe, nokugwa hasi, nokusigamira;

Zaburi 115:1

Bu ta va ku kwinye, O Yahova, bu ta va ku kwinye, Navutswa ku lieta lilyo li hebwe umukumi Kigira tsimbabasi tsitsyo, na ageligali gogo.

Zaburi 47:8

Nyasaye yamehanga ku tsihiri: Nyasaye yikala ku intebe yeye yobutakatifu.

Zaburi 72:11

Yee, avami vosi va la mu sigamira; Na tsihiri tsyosi tsi la mu tumekira.

Zaburi 95:6

Hambi, ku kole miluka nokwinama; Ku sigame imbiri wa Yahova wa ku lomba:

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 4:34

Na inyima wamadiku yago, inze, Nebukadinezaru, nda ginga tsimoni tsyange ni mbenza migulu, na limanya lyange lirana ku inze, na nda gasidza U Veye Igulu Ku Vyosi, kandi nda kuminya nokwidzominya uyu u hindiranga mihiga nemihiga kigira ubunene bwibwe bu veye bwe mihiga nemihiga, na ubwami bwibwe bu veye bwamakula na makula;

Matayo 2:11

Kandi vingira munyumba ni va lola mwana na Maria mama wewe, ni va gwa ni va mu sigamira, ni va boholola tsikiba tsyavo, ni va mu ha vihaanwa, itha habu, kimuli, nemanemane.

Luka 24:52

Navo va mu sigamira, ni virana Yerusalemi nobuyanzi ubunene:

1 Vakorintho 15:10

Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.

Kwidzulitsa 32:40

Kigira ng'inganga mukono gwange migulu, Nokuvola, Kuli mbeye mwoyo mihiga nemihiga,

Likunula 10:6

ni yisuha ku uyu u veye mwoyo mihiga nemihiga, wa lomba ligulu nevindu vyosi vi veye mu, nelirova nevindu vyosi vi veye mu nenyanza nevindu vyosi vi veye mu lilindagira si li li va ho kandi:

Likunula 11:16

Kandi avakulundu makumi gaviri na vane avikala ku tsintebe tsyavo imbiri wa Nyasaye, va gwa mammama nokusigamira Nyasaye,

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 15:7

Kandi kilala ku vilombe vi veye mwoyo vine, kya ha tsi ngelosi vatano na vaviri vituva vitano na viviri vyethahabu, vizula ubutima bwa Nyasaye welivamwoyo mihiga nemihiga.

Likunula 19:4

Kandi avakulundu makumi gaviri na vane ne vilombe vi veye mwoyo vine va gwa hasi nokusigamira Nyasaye wikaye ku intebe, ni va vola, Amini; Aleluya.

Likunula 4:2

Nonoho nda li mu Roho; kandi henza, intebe ya vikwa migulu, nomulala yikala ku intebe;

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 4:9

Kandi vilombe vi veye mwoyo lwa vi li ha uyu wikaye ku intebe ubukumi, nelidzominya, nelisantidza uyu u veye mwoyo mihiga nemihiga,

Likunula 5:14

Nevilombe vi veye mwoyo vine vya vola, Amini. Navakulundu va gwa hasi nokusigamira.

Likunula 5:8

Kandi lwa ya vugula kitabu zana, vilombe vi veye mwoyo vine navakulundu makumi gaviri na vane va gwa imbiri wo Mwana Weligondi, sa mulala ya li nobukana nevituva vyethahabu vizula kimuli, ki veye lisaala lyavatakatifu.

Likunula 7:11

Kandi tsingelosi vosi va singira ku nyasi kwentebe nokwa vakulundu nokwevilombe vi veye mwoyo vine; navo va gwa mammama imbiri wentebe nokusigamira Nyasaye,