Likunula 3:4 - KITABU KITAKATIFU

⁴ Navutswa u veye nameta makekeke mu Saride ava vula kuvika tsingubo tsyavo mu kifwabwi: navo va la genda halala na inze ni viviki tsindavu; kigira va dukani.

Likunula 3:4 ပူးပေါင်းရင်းမြစ်များ

1 Avami 19:18

Halala na yaga va tigala ku inze mu Israeli, avandu tsielfu tsitano na tsiviri, amasigamo yago gosi ga vula kwinamira Baal, neminwa gyosi gya vula kumubusa.

Esther 8:15

Kandi Mordekai ya twula imbiri womwami, ni yevika tsingubo tsyo bwami tsyeblue na tsindavu, kandi netaji inene yethahabu ku mutwe gwigwe, kandi nengubo yeye yegulu yekatani indahi ya kiforosadi: na lidala lya Shushan lya hanzuka noku sangala.

Zaburi 68:14

Lwa Wanyala Vyosi ya salannya avami mu. Kya li kilavu kuli likonza mu Zalimon.

Kohelethu 9:8

Tsingubo tsitsyo tsi ve tsindavu kazozo; nomutwe gugwo gu vule kugehera maguta.

Isaya 1:9

Yahova wa mahe ni i va a vula kukulekera litigala likekeke ligali, nkano kwa ka va kuli Sodoma, nokufwanana na Gomora.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 59:6

Miluvo gyavo gyi la vula kuva tsingubo, kandi va la vula kwikunika nemiyinzi gyavo: miyinzi gyavo gyi veye miyinzi gyobudamano, na likola lyekirage li veye mu makono gavo.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Isaya 64:6

Kigira kwosi ku gwiye lugano lulala na uyu mudamano, vikolwa vyetu vyobulu ngi vi veye kuli ingubo yononywa: kwosi ku niala kuli litu; nobudamano bwetu bu ku hilanga kuli imbuudza.

Kyavalevi 13:48

ni li va ni li veye mu tsimbusi tsyobulungi, kinga tsyobugika; ni i va ni i veye yekatani, kinga lyobwoya bwamagondi; ni li va ni li veye mu lisero, kinga mu tsyosi tsya lombwa nelisero;

Matayo 10:11

Kandi ku madala gosi notudala twosi twa mu lingira mu, mu teve ni bwaha yimu u veye mudukanu nelimenya lyenyu, mu menye ho mu luhe mu twule kandi.

Marko 16:5

Lwa vingira mu kilindwa, va lola musolele ni yikaye haluvega lwomkono mulungi, na a veye nengubo indavu; ni va genya.

Luka 20:35

navutswa yavo ava volangwa kudukana kunyola inyinga yeyo nelisimuguka mu vakudzi si va kwedza, kandi si va sererwa:

Luka 21:36

Navutswa mwinye mu linde kazozo, mu saale, mu duke kunyola tsingulu kuhona mu vindu yivi vyosi vi li duka, nokusingira imbiri wo Mwana wa Adamu.

Vikolwa 1:15

Mu madiku yago Petro ya singira mu vamwavo hagati (va li avandu vosi halala va duka mia indala na makumi gaviri), na a vola,

2 Vatesalonike 1:5

Yiki ni kilolekidzu kyobulungi bwelikalaga lya Nyasaye; mwinye mu duke kuvali dzwa kuva avadukani ku bwami bwa Nyasaye, bwa mu nyolera ku kivi:

Yudasi 1:23

navandi mu va honnye nokuvatwulidza mu muliru; navandi mu va vere tsimbabasi nobutii; mu dunyire kali tsingubo tsi veye netsimbala tsvomubiri.

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 14:4

Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Likunula 19:14

Namahe gavasi kari ga veye migulu ava nina ku tsiparasi tsindavu, nokuvikwa ingubo yekatani indahi, nendavu ni siye ku, ga mu londa.

Likunula 19:8

Kandi ya hebwa yivike ingubo yekatani indahi, ing'ereng'anu ne siye ku: kigira ikatani indahi i veye vikolwa vilungi vyavatakatifu.

Likunula 3:18

nku volera u gule ku inze ithahabu i siyeywi nomuliru, u duke kugwa mutugi; netsingubo tsindavu, u duke kwivika tsisoni tsyekyahonyo kyikyo tsi vule kulang'aminywa; kandi u gule ku inze, lunyasi lwokuvaka tsimoni tsitsyo, u duke kulola.

Likunula 3:5

Uyu u guutanga a la vikwa ndi tsingubo tsindavu; na inze si ndeya lieta lilye mba mu kitabu kyelivamwoyo, kandi ndeyama lieta lilye imbiri wa Dada wange, kandi imbiri wetsingelosi veve.

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 6:11

Navo va hebwa sa mulala kuvo ingubo indavu; kandi va volerwa, va sose i tigaye inyinga inkekeke, kuduka avakye vavo navamwavo vavo, ava liitwa kuli yavo viitwa, va duke kumala inyinga yavo.

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;