Likunula 3:3 - KITABU KITAKATIFU

³ Kunangwa widzulitse kuli wa vugula, kandi kuli wa hulira; u linde, nokweganira. Kunangwa niva nu u vula kulinda, ndadza kuli mwivi, na ive u la vula kumanya isaa ya ndidza ku ive.

Likunula 3:3 ပူးပေါင်းရင်းမြစ်များ

Ezekieli 20:43

Na mu lidzulitsa tsinzira tsyenyu ha zana, nevikolwa vyenyu vyosi vya mweyononnyera mu; mu levihirirwa mwinye avene mu tsimoni tsyenyu avene navene, kigira ubudamano bwenyu bwosi bwa mwa kola.

Ezekieli 36:31

Hene yaho mu lidzulitsa tsinzira tsyenyu tsindamano, nevikolwa vyenyu vi ta li vilahi; na mu ledunyira avene mu tsimoni tsyenyu kigira budamano bwenyu kandi kigira kivihiri kyenyu.

Matayo 25:13

Kunangwa mu linde, kigira si mu manya lidiku ne isaa.

Marko 13:33

Mu gelihe, mu linde, mu saale, kigira si mu manya inyinga mba.

Marko 13:36

gase a la duka bwangu na a mu nyole, ni mu gona tsindolo.

1 Vatesalonike 5:2

Kigira mwinye avene mu manya ligali lidiku lyo Mwami lidzanga kuli mwivi yadzanga ubudiku.

1 Timoteo 6:20

Ive O Timoteo, u linde kya wa kolwa mulindi wakyo, u girunkane kutwula ku tsimbaka tsya vutswa, netsyamanyego, namahangali ga langwa limanya navutswa ga veye ububehi;

2 Timoteo 1:13

U gumire ligali kyokuhenzera ku kyamakuva gokukonya ga wa hulira ku inze, mu lisuuvira nomu buyanzi bu veye mu Kristo Yesu.

Vahebraina 2:1

Kigira yaga ga ku dukira ku huliridze ligali kuvita amakuva aga hulirwa, gase ku la ga ng'aala.

2 Petro 1:13

Kandi ng'anagana nu bulahi, inyinga ya mmenya mu lihema yili, kumuvukidza nokumwidzulitsa;

2 Petro 3:1

Avayanze, ibaruwa yiyi yange ni ya kaviri ya nng'odera mwinye; mu tsyombi mbukidzanga myoyo gyenyu gyeligali ku limwidzulitsa;

2 Petro 3:10

Navutswa lidiku lyo Mwami li la duka kuli mwivi; mu lidiku yilyo ligulu li la vita nomuliviti munene, nevindu vya kale vi la timbuluka ku muliru munene, kandi lirova nemiyinzi gyi veye mulyo gyi la sambwa.

Likunula 16:15

(Henza, inze nzidza kuli mwivi. A veye nobugasu u lindirira, nokulinda tsingubo tsitsye, gase a la genda kyahonyo, na va lole tsisoni tsitsye.)

Likunula 2:25

Navutswa kya mu veye nakyo mu ki gumire, kuduka lwa ndidza.

Likunula 2:5

Kigira yaga widzulitse ha wa twula ni waguluka, nokweganira wirane kukola miyinzi gyembiri; kinga ndadza ku ive, nokutwulidza kinara kikyo kyetsitaya ha ki veye nu u vula kweganira

Likunula 22:7

Kandi henza, Nzidza bwangu. A veye nobugasu u gumiranga amakuva gobuprofeti bwekitabu yiki.

Likunula 3:11

Nzidza bwangu: u gumire budinyu kya u veye nakyo, a ta va ho mulala a hile itaji yoyo.

Likunula 3:19

Ku vosi ava nyanzi, mba gayanga nokuvaha amageli: kunangwa u ve nobugulu nokweganira.

Likunula 3:2

U ve muhenzereri u singeridze vindu vi tigaye vyenyanga kukudza: kigira si ndola miyinzi gyigyo kuva midukanu imbiri wa Nyasaye wange.