Likunula 3:17 - KITABU KITAKATIFU

¹⁷ Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere:

Likunula 3:17 ပူးပေါင်းရင်းမြစ်များ

Litanga 3:7

Nonoho tsimoni tsyavo vombi tsya kunuka, navo va manya va veye kyahonyo; na va nava amatu gemisala gamakuyu, na velombera avene tsingubo.

Kutwula 32:35

Na Yahova ya kuya avandu, kigira va lomba kimoli, kya Haruni ya lomba.

Tsing'ano 13:7

A veye ho wekolanga mutugi, navutswa si a veye nekindu: A veye ho wekolanga mudaka, navutswa a veye nobutugi bunyingi.

Tsing'ano 30:9

Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Isaya 42:19

Ni bwaha u veye mboku, na a ta li uyu mutumwa wange? Kandi ni bwaha wa hana amatu, kuli mutumwa wange wa ntumanga? Ni bwaha u veye mboku kuli uyu u veye nemirembe ku inze, a veye mboku kuli mutume kiri wa Yahova?

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Hosea 12:8

Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni.

Zekaria 11:5

ama, gondi ga yavo ava veye nago viita, navo velanga avene ava ta li neli, hyola ku kindu; na yavo ava ga gulidzanga va vola, Yahova a gasi dzwe, kigira inze mbeye mutugi; na yavo avayi vago avene si va ga vererera mba.

Matayo 5:3

Va veye nobugasu ava li nobudaka mmwoyo: kigira ubwami bwomigulu nu bwavo.

Matayo 9:12

Naye lwa ya hulira, ya vola, Avalamu si venya wetsinyasi, navutswa avalwaye veng'ini.

Luka 1:53

Wigutidzi avenzala nivindu vilahi; Avatugi u va kungi bugira kindu.

Luka 6:24

Navutswa mu la lola ubudamano, mwinye avatugi kigira mu mali kunyola lihodzeridza lyenyu.

Varumi 11:20

Bulahi; tsyavu nanywa kigira livula kusuuvira lyavo nive u singira kigira lisuuvira lilyo. U tigingira, navutswa u tie:

Varumi 11:25

Kigira si nyenyi, mwinye avamitu, mu vule kumanya kya viswa yiki, gase mu la va nobugeeri bwenyu avene; ubudinyu bulala bu gwiriye Israeli, kuduka inyinga yobudukidza bwe Tsihiri bu duka kwingira;

Varumi 12:3

Kigira ku tsimbabasi tsya nda hebwa, mbola ku vosi ava veye mu mwinye, va teganagana kuvita yaga ga mu dukira a ganagane; navutswa yeganagane ha a duki vutswa, kuli Nyasaye a gavulira vosi kigero kyelisuuvira.

Varumi 7:24

O inze mbeye mundu mudivi ibwaha a la ntwulidza ku mubiri gwelikudza yili?

2 Petro 1:9

Kigira uyu u daka vindu yivi a veye muboku, u lolanga vi veye himbi vyeng'ine nokwivirira litakaswa lyobwoni bwibwe bwa kale.

Likunula 16:15

(Henza, inze nzidza kuli mwivi. A veye nobugasu u lindirira, nokulinda tsingubo tsitsye, gase a la genda kyahonyo, na va lole tsisoni tsitsye.)

Likunula 2:9

Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

Likunula 3:16

Kunangwa kigira u veye noluya, kandi si u veye nekihyu kinga nobukindu, nda ku tudza u twule mu munwa gwange.