Likunula 3:15 - KITABU KITAKATIFU

¹⁵ Mmanya miyinzi gyigyo, si u veye nobukindu kinga kihyu: nkano wa li ubukindu kinga kihyu.

Likunula 3:15 ပူးပေါင်းရင်းမြစ်များ

1 Avami 18:21

Na Elija yisunda ku avandu yavo vosi, na a va volera, Mu la genda kuli avalema mu tsiganagani tsiviri kuduka inyinga ki? Yahova na a va na a veye Nyasaye mu mu londe navutswa na a va na a veye Baal mu londe uyu. Navandu yavo si va mu tivulira kindu kali kilala mba.

Tsing'ano 23:26

Mwana wange, mpe mwoyo gugwo; Na tsimoni tsitsye tsi sangale mu tsinzira tsyange.

Hosea 10:2

Mwoyo gwavo gwavukani; kalunu va la loleka kuva avahyoli: a la duya ubwali bwavo, a lononnya tsitiru tsyavo.

Hosea 7:8

Efiraim yetsuganna halala navandu vetsihiri; Efiraim a veye ubukima bwolubaie bu ta girunkanywa.

Matayo 10:37

U yanzanga ise na mama wewe kuvita inze si a dukana ninze; kandi u yanzanga mwana muyai kinga mukana kuvita inze, si a dukana ninze.

Matayo 24:12

Kandi kigira kirage ki la daswa, ubuyanzi bwavanyingi bu loneka

Matayo 6:24

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Varumi 12:11

mu ta va nobugata mu bugulu bwenyu: mu ng'ering'ana mu mwoyo; mu ve avatugwa vo Mwami;

1 Vakorintho 16:22

Ku vosi mundu na a ta yanza Mwami, a laamwe lwo Mwami a ladza.

2 Vakorintho 12:20

Kigira ntidza gase ku gosi, lwa ndidza ku mwinye nda mu lola si mu veye neliva lya nyenya, na inze mwene nda loleka ku mwinye neliva lya mu ta yanza; gase ku gosi ga la va amahangali, nembodoka, nobutima, nelyavukana, nelihuudziridza, nelimonyana, nobwigingiri, nekivihiri;

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Vafilipi 1:9

Kandi yaga nsaala, ubuyanzi bwenyu bu klre kukira mu limanya nomu bugeeri bwosi:

2 Vatesalonike 1:3

Ga ku dukira kusantidza Nyasaye madiku gosi kigira mwinye, avamitu, kuli wa ga dukanga, kigira lisuuvira lyenyu li medekanga ligali, kandi ubuyanzi bwomundu sa mulala ku mwinye mwosi bwa a veye nabwo ku wakye, bu kiranga;

Yakobo 1:8

mundu wemyoyo gyiviri u degeranga ku tsinzira tsitsye tsyosi.

1 Petro 1:22

Kigira mu mali kwitakasa myoyo gyenyu mu lihulira ageligali, kuduka ku liyanza avamitu li ta li nobugadi, mu yanzane avene navene ligali mu mwoyo.

Likunula 2:2

Mmanya miyinzi gyigyo nelididikana lilyo, nobwikudziri bubwo, kandi mmanya si u nyala kwikudzira ku vandu vadamano, kandi wa geridza avelanganga avene avatumwa, ava ta li ndiyo, nokuvalola kuva avobubehi;

Likunula 2:4

Navutswa mbeye nelikuva yili ku ive wa leka ubuyanzi bubwo bwokutanga.

Likunula 3:1

Kandi u ng'odere ingelosi welivugana li veye mu Saride. Yivi nivyo vya uyu u veye na Roho vatano na vaviri va Nyasaye, netsing'ereng'ani tsitano na tsiviri, a volanga: Mmanya miyinzi gyigyo, u veye nelieta lyokuva mwoyo, na ive u kudzi.

Likunula 3:16

Kunangwa kigira u veye noluya, kandi si u veye nekihyu kinga nobukindu, nda ku tudza u twule mu munwa gwange.