Likunula 3:10 - KITABU KITAKATIFU

¹⁰ Kigira wa linda likuva lyobwikudziri bwange inze kandi nda ku linda u twule ku isaa yokugeridzwa, isaa i li duka ku lirova lyosi, kugeridza ava menyanga ku lirova.

Likunula 3:10 ပူးပေါင်းရင်းမြစ်များ

Isaya 24:17

Ubutii, na ubogo, na mutego, vi veye ku ive, O mmenye ku lirova.

Danyeli 12:10

Avanyingi va letakasa avene, nokwenihidza, nokuseredzwa; navutswa avadamano va la kola ubudamano: noku avadamano si ha la va na u manya; navutswa avageeri va ia manya.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Matayo 24:14

Kandi amakuva malahi yaga gobwami ga lilwadzwa mu lirova lyosi ga ve kilolekidzu ku tsihiri tsyosi; ma kiheri ki la duka.

Matayo 26:41

Lindi mu saale, mu tingira mu ligeridzwa mba; mwoyo gwene gu yanza, navutswa mubiri si gu li netsingulu.

Matayo 6:13

U ta ku hila mu ligeridzwa, navutswa u ku twulidze ku mudamano. Kigira ubwami, netsingulu, nobukumi ni vivyo mihiga nemihiga. Ameni.

Marko 14:9

Ligali, mmu volera, Mu vivala vyosi ha ivangeli yiyi i lilwadzwa, ga la kilwadzirwa kandi aga mukali uyu a koli ga ve kyokumwidzulitsa.

Luka 2:1

Mu madiku yago munwa gwa twula ku Kaisari Augusto kung'oda ameta gavandu mu vivala vyosi.

Yohana 17:6

Lieta lilyo mmali kuvuulira avandu va wa mpa ku avomkivala: va li avovo, nive wa mpa; kandi va gumiye likuva lilyo.

Varumi 1:8

Ntanga kusantidzira Nyasaye wange ku Yesu Kristo kigira mwinye mwosi, kigira lisuuvira lyenyu li lwadzangwa mu lirova lyosi.

1 Vakorintho 10:13

Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.

Vafeso 6:13

Kigira yaga mu vugule vyuma vyosi vya Nyasaye, mu duke kunyala kuhandalala mu lidiku lidamano, kandi mu mali kukola gosi, mu singire.

2 Timoteo 2:12

ni ku saliridzwa, kandi ku lameha halala naye: ni ku mwambakana, naye a la kwambakana;

Yakobo 3:12

Avamitu, mukuyu gu nyala kwama mizeituni, kinga muzabibu gwama makuyu? Kandi amadzi gomunyu si ga nyala kusenula makindu.

1 Petro 4:12

Avayanze, mu ta genya ku ligeridza lyomuliru li mu geridza li veye hagati henyu kumugeridza, kuli kindu kigeni kya mu gwira:

2 Petro 2:9

Mwami a manya inzira yokuvahonnya mu ligeridzwa ava mu tia, nokuvika avadamano mu kivi kuduka ku lidiku lyelikalaga;

Likunula 1:9

Inze Yohana, amwavo wenyu nomusangi halala nemwinye, mu busaliri, nomu bwami, nomu bwikudziri mu Kristo, nda li mu kisulu ki langwa Patimo kigira likuva lya Nyasaye nelilolekidza lya Yesu.

Likunula 11:10

Kandi yava ava menya mu lirova va yanza kuvo, nokusangala; kandi va haa nirana vihaanwa avene navene; kigira avaprofeti vaviri yavo va li va saliridza ava menya ku lirova.

Likunula 13:10

Ku vosi mundu na a va na a veye mu lilanya, a la lanywa, ku vosi mundu na a va ni yiita nekivavi, a liitwa nekivavi. Yaho niho ha veye ubwikudziri nelisuuvira lyavatakatifu.

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 14:12

Yibu nibwo ubwikudziri bwavatakatifu, ava gumira malago ga Nyasaye, nelisuuvira lya Yesu.

Likunula 14:6

Kandi nda lola ingelosi wundi na a buluka hagati hobwerefu, u veye nevangeli yemihiga nemihiga kwilwadzira ava menya mu lirova, tsihiri netsimpya netsinimi navandu;

Likunula 16:14

kigira gyi veye roho gyamademone, gyi kolanga vilolekidzu; gya tsia ku vami vomulirova lyosi, kuvavugannya ku bulwani bwelidiku linene lya Nyasaye Wanyala Vyosi.

Likunula 17:2

wavami velirova va heya naye, nava menya mu lirova va hambikidzwa newaini yobuheyi bwibwe.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.

Likunula 3:8

Mmanya miyinzi gyigyo (henza, mmali kukuha kiliango kyalamu, kandi si ha veye no nyala kuhana), u veye netsingulu tsinkekeke, kandi wa linda likuva lyange, kandi wa vula kwambakana lieta lyange.

Likunula 6:10

navo va lira nomwoyo munene, ni va vola Mwami mutakatifu noweligali, kuduka inyinga ki, ive u vuli kukalaga nokuvanza kisalya kya masahi getu ku va menya mu lirova?

Likunula 8:13

Kandi nda lola nokuhulira indidzu indala ni i buluka hagati homigulu ni i vola nomwoyo munene, O bayaye, bayaye, bayaye ku vamenyi ku lirova, kigira myoyo gyindi gyekisiliva kyetsingelosi vavaka avenya kukupa.