Likunula 22:6 - KITABU KITAKATIFU

⁶ Kandi ya mbolera, Amakuva yaga ga veye masuuvirifu nageligali: kandi Mwami, Nyasaye wemyoyo gyavaprofeti, ya tuma ingelosi wewe kumannya avatugwa veve vindu vya ga dukira kuva ho bwangu.

Likunula 22:6 ပူးပေါင်းရင်းမြစ်များ

Litanga 41:32

Kandi ku maloto ga Farao ya lotidzwa hali kaviri, ga veye kigira inkuva yiyi Nyasaye u gi singeridzi, na Nyasaye a la gi leta bwangu.

Danyeli 3:28

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Danyeli 6:22

Nyasaye wange u tumi ingelosi wewe, u hani minwa gyeving'ang'a, na vi vuli kundira; kigira ndolekanga imbiri wewe bugira kindu; kandi imbiri wowo, O mwami, si nzoni kindu kali kilala.

Matayo 13:41

Mwana wa Adamu a la tuma tsingelosi veve, navo va la vungidza mu bwami bwibwe vindu vyosi vikigitalidza, navo ava kola ubwoni,

Luka 1:70

(Kuli ya vola neminwa gyavaprofeti veve vatakatifu va kale),

Luka 16:16

Lilaga navaprofeti va li ho kuduka inyinga ya Yohana: kutwula inyinga yeyo ivangeli yobwami bwa Nyasaye yilwadzwa, navandu vosi vingira mu netsingulu.

Vikolwa 12:11

Kandi Petro lwa ya duka kumanya, ya vola, Kalunu mmanya ligali Mwami u tumi ingelosi wewe kuntwulidza mu makono ga Herodi nomu tsiganagani tsyavandu va Vayuda.

Vikolwa 3:18

Navutswa vindu vya Nyasaye ya tanga kumannya mu minwa gyavaprofeti vosi, Kristo wewe a la saliridzwa, u mali kuviduliidza ndi.

Varumi 1:2

ya ya tanga kulagira mu minwa gyavaprofeti veve mu mangoda ma takatifu,

1 Vakorintho 14:32

kandi roho gyavaprofeti gyegehidzira avaprofeti;

1 Vakorintho 7:29

Navutswa mbola yaga, avamitu, tsinyinga tsimbihidzeywi, ava veye navakali va duke kuva kuli va ta veye navo;

2 Vatesalonike 1:7

navutswa mwinye ava kupidzwa kivi li la va lyelemereridza halala nekwinye, mu lilang'aminywa lyo Mwami Yesu kutwula migulu halala netsingelosi avetsingulu tsitsye mu muliru gwetsimemo,

Vahebraina 12:9

Na kandi kwa li navadada avemibiri gyetu kukuha amageli, na kwinye kwa va hulira: nasindi uyu Dada wa roho si ku legehidza ligali kuye nokuva mwoyo?

2 Petro 1:21

Kigira ubuprofeti si bwa dukira ku bulaliri bwomundu: navutswa vandu va twula ku Nyasaye va vola aga Roho Mutakatifu ya va tsuviridza.

2 Petro 3:2

mu duke kwidzulitsa amakuva aga vaprofeti vatakatifu va vola ku matsyambiri, nelilaga lyo Mwami Muhonnyi lya dukira ku vatumwa venyu:

Likunula 1:1

Likunula lya Yesu Kristo, lya Nyasaye ya mu ha, a mannye avatugwa veve, vindu vya ga dukiranga kukolwa bwangu: kandi ya tuma ingelosi a mannye Yohana mutugwa wewe;

Likunula 18:20

Mu sangale kulyo, ive ligulu, navatakatifu, navatumwa, navaprofeti; kigira Nyasaye u vanzi kisalya kyenyu kulyo.

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.

Likunula 21:5

Kandi uyu wikaye ku intebe ya vola, Henza, inze nkola vindu vyosi vi ve vihya. Kandi ya mbolera, Ng'oda: kigira amakuva yaga ga veye agobusuuvirifu nageligali.

Likunula 21:9

Yadza mulala ku tsingelosi vatano na vaviri ava li nevituva vitano na viviri, vizula maduywa gatano na gaviri gekiheri; kandi ya volerana na inze, na a vola, Hamba yino, nda ku mannya mwiha, mukali wo Mwana Weligondi.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba

Likunula 22:7

Kandi henza, Nzidza bwangu. A veye nobugasu u gumiranga amakuva gobuprofeti bwekitabu yiki.

Likunula 4:1

Inyima wevindu yivi nda lola kandi henza, kiliango kigulika migulu, nomwoyo gwokutanga gwa nda hulira, kuli kisiliva gu volerana na inze, mulala a vola, Yanegira yino, na inze nda ku mannya ivindu vi la duka lwenyima.