Likunula 22:3 - KITABU KITAKATIFU

³ Kandi si ha la va nelilaama kandi: kandi intebe ya Nyasaye neyo Mwana Weligondi i la va mu: kandi avatugwa veve va la mu tumekira;

Likunula 22:3 ပူးပေါင်းရင်းမြစ်များ

Zaburi 16:11

U la mmannya inzira yelivamwoyo: Imbiri wa ive ha veye nobusangali budukiru; Mu mukono gugwo mulungi ha veye nobuyanzi mihiga nemihiga.

Zaburi 17:15

Na inze, nda lola mumoni mumwo mu bulungi; Ndiguta neligondo lilyo, lwa mbuka mu lifwanana lilyo.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Isaya 51:11

Ava Yahova ya tungira va lirana, nokuduka Zioni nokwimba; ubusangali bwemihiga nemihiga bu la va ku mitwe gyavo: va la nyola ubuyanzi nobusangali; na livererera nelikenya va la tsiraligali.

Ezekieli 37:27

Lihema lyange li la va halala navo; na nda va Nyasaye wavo, navo va la va avandu vange.

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Zekaria 14:11

Avandu va la menya mu, si ha la va nelilaama kandi mba; navutswa Yerusalemi li la menya nemirembe.

Matayo 25:21

Mwami wewe ya mu volera, U koli bulahi, mutugwa mulahi nomsuu viridzi: wa linda bulahi vindu vikekeke, nda ku vika ku vindu vinyingi; wingire mu buyanzi bwomwami wowo.

Matayo 25:41

Hene yaho a la volera ava li ku mkono mmosi, Twuli ku inze, mwi nye ava laameywi, mu tsie mu muliru gwemihiga nemihiga gwa lomberwa Setani netsingelosi veve.

Yohana 12:26

Mundu ni ya ntumekira, a nonde; inze ha mbeye, kandi mutumekiri wange a la va ho: mundu ni ya ntumekira, Dada wange a la mu ha ubukumi.

Yohana 13:32

Nyasaye na a va na a kuminywe muye, kandi Nyasaye a la mu kuminya muye mwene, kandi a la mu kuminya bwangu ndi.

Yohana 14:3

Kandi ni mba ni ntsia kumulombera ubugono, nzidza kandi, kandi nda mwingiridza inze mwene; ha mbeye inze, mwinye kandi mu ve ho.

Yohana 17:24

Yava ava wa mpa, Dada, ha mbeye inze nyenya yava va ve ho, va duke kulola ubukumi bwange, bwa wa mpa: kigira wa nyanza, lirova li kikiri kutemwa muse.

Kwidzulitsa 27:26

A laamwe u vula kudinyeridza amakuva gelilaga yili nokugakola. Navandu vosi va vole, Amini.

Likunula 7:10

va hanzuka nomwoyo munene, ni va vola Ubuhonnyi nobwa Nyasaye wetu wikaye ku intebe, nobwo Mwana Weligondi.

Likunula 7:9

Inyima wevindu yivi nda lola, kandi, henza, kiduma kinene kyomundu a vula ho u nyala kuvalidza, ki twula ku tsihiri tsyosi, noku tsimpya tsyosi, noku vandu vosi noku tsinimi tsyosi, kya singira imbiri wentebe nembiri wo Mwana Weligondi, va vikwa tsingubo tsindavu kandi va li namatu gamakindu mu makono gavo;