Likunula 22:17 - KITABU KITAKATIFU

¹⁷ Kandi Roho nomwiha va vola, Hamba. Kandi uyu u huliranga a vole, Hamba. Kandi uyu u veye nobuluhu yadze: kandi uyu wenyanga a vugule vutswa amadzi gelivamwoyo.

Likunula 22:17 ပူးပေါင်းရင်းမြစ်များ

Zaburi 34:8

Mu tsatsame, mu lole Yahova a veye mulahi: A veye nobugasu wevisanga muye.

Isaya 12:3

Kuna ngwa kigira yaga mwinye mu la daha amadzi nobuyanzi mu vidaho vyelihonywa.

Isaya 2:3

Na tsihiri tsinyingi tsyavandu va la tsia noku vola, Hambi kwanegire, kutsia ku kigulu kya Yahova, kutsia ku inyumba ya Nyasaye wa Yakobo; na a la kwegidza mu tsinzira tsitsye, ku la genda mu tsinzira tsitsye: kigira amalago ga la twula mu Zioni, na likuva lya Yahova li la twula mu Yerusalemi.

Isaya 2:5

O inyumba ya Yakobo, hambi, ku gende mu bulavu bwa Yahova.

Jeremia 50:5

Va la teveridza ku makuva ga Zioni nommoni mwavo mu la yeka yo, ni va uola, Hambi, ku tsie kwehambannya ku Yahova mu lilagana lye mihiga nemihiga li li vula kwivirirwa.

Ezekieli 47:1

Na ya nzirannya kuduka ku kiliangu kyenyumba; na, henza, amadzi ga twula isi womukingi gwenyumba ku luvega lwevugwe (kigira imbiri wenyumba ya henza ku luvega lwevugwe); namadzi ga li ni ga twulanga isi, ku luvega lwomukono mulungi lwenyumba, ku luvega lwobwali lu henza kusini.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Yohana 1:37

Na vegidzwi vaviri va mu hulira na a vola, ni va londa Yesu.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 4:11

Mukali ya mu volera, Mwami, Si u veye nekyokudahira, nekidaho ki veye hasi: u la nyola ha li ha amadzi yaga gelivamwoyo?

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 4:29

Hambi mu lole mundu wa mbolera vindu vyosi vya nda kola; a ka veye Kristo naho?

Yohana 7:37

Ku lidiku lyekiheri, lidiku linene lyelilia, Yesu ya singira na a gamba, na a vola, Mundu na a va na a veye nobuluhu, yadze ku inze a nwe.

Varumi 3:24

ni va kolwa ava lungi vutswa netsimbabasi tsitsye kigira buhonnyi obu veye mu Kristo Yesu:

1 Vakorintho 2:12

Navutswa kwinye si kwa vugula roho gwelirova, navutswa kwa vugula Roho wa twula ku Nyasaye; ku duke kumanya vindu vya Nyasaye ya ku ha nobuhaani.

Likunula 14:13

Kandi nda hulira mwoyo gwa twula migulu, gu vola, U ng'ode, Va veye nobugasu avakudzu ava kudziranga mu Mwami kutwula kalunu: yee, Roho a volanga, va duke kusosa kutwula mu miyinzi gyavo; kigira miyinzi gyavo gyi londekana navo.

Likunula 2:7

U veye nogutu, a hulire ga Roho a voleranga mavugano. Uyu u guutanga, nda mu ha a duke kulia agomusala gwelivamwoyo, gu veye mu Paradisio mwa Nyasaye.

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.

Likunula 21:6

Kandi ya mbolera, Ga koleywi. Inze mbeye Alfa na Omega, litanga nekiheri. Inze nda ha wobuluhu kisenukiru kyamadzi gelivamwoyo, a nwe ku vutswa.

Likunula 21:9

Yadza mulala ku tsingelosi vatano na vaviri ava li nevituva vitano na viviri, vizula maduywa gatano na gaviri gekiheri; kandi ya volerana na inze, na a vola, Hamba yino, nda ku mannya mwiha, mukali wo Mwana Weligondi.

Likunula 22:1

Kyo Mwana Weligondi. Kandi ya mmannya mugera gwamadzi gelivamwoyo, mang'ereng'anu kuli ubulengeru, gu senukanga mu intebe ya Nyasaye neyo Mwana Weligondi,

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.