Likunula 22:10 - KITABU KITAKATIFU

¹⁰ Kandi ya mbolera, U ta vika muhuri ku makuva gobuprofeti bwekitabu yiki; kigira inyinga i veye himbi.

Likunula 22:10 ပူးပေါင်းရင်းမြစ်များ

Isaya 13:6

Mu kupe tsikwili; kigira lidiku lya Yahova li veye ahimbi; li ladza kuli ubudivi budzanga bu twulanga ku Uyu Wanyala Vyosi.

Isaya 8:16

Mubohe lilolekidza yilyo, na u vike muhuri ku malago hagati ha vegidzwi vange.

Ezekieli 12:23

Kigira yaga u va volere, Mwami Nyasaye a vola ndi: Nda heridza lugano yilu, va la vula kulutumekira kandi kuli lugano mu kivala kya Israeli; navutswa u va volere, Amadiku ga veye himbi, nobudukiru bwa malola gosi.

Danyeli 12:4

Navutswa ive Danyeli, u kunike amakuva yaga nokuvika muhuri ku kitabu, kali kuduka ku inyinga ye kiheri: avanyingi va la nyagula yiyi na yiyi, na limanya li la medeka.

Danyeli 12:9

Naye ya vola, Danyeli, u tsie; kigira makuva ga kunikeywi nokuvikwa muhuri kuduka inyinga yekiheri.

Danyeli 8:26

Na malola getsinyinga tsya mgolova netsya mugamba aga voleywi ga veye ageligali: navutswa ive u kunike malola; kigira ga veye genyinga ya madiku manyingi gadza nga.

Matayo 10:27

Aga mmu volera mu kisundi, mu vole habulavu; naga mu huliranga mgutu galaha, mu gambire ku inyumba.

Varumi 13:11

Kandi yaga, ku manya inyinga, kalunu ni inyinga yenyu yokuvuka mu tsindolo: kigira kalunu buhonnyi bwetu bu veye himbi ku kwinye kuvita lwa kwa tanga kusuuvira.

Varumi 13:12

Ubudiku bu vitanga ligali, kandi mbasu gu veye himbi: kunangwa ku twulidza miyinzi gyekisundi, na kwivike vyuma vyobulavu.

2 Vatesalonike 2:3

Mundu kali mulala a ta mu gada ku vindu vyosi: kigira lidiku yilyo si li ladza ubwibaali ni bu kikiri kuduka, kandi mundu wobwoni u li lang'aminywa, mwana wobudivi,

1 Petro 4:7

Navutswa kiheri kyevindu vyosi ki veye himbi: kigira yaga mu ve nobugeeri ubulamu, nokulindidza myoyo kuduka mu lisaala:

Likunula 1:11

gu vola, Vya u lolanga, u ng'ode mu kitabu u hilire mavugano gatano na gaviri: Efeso, na Simurina, na Perigamo, na Tuatera, na Saride, na Filadelfia, na Laodikia.

Likunula 1:3

A veye nobugasu u somanga, kandi yava ava huliranga amakuva gobuprofeti yibu, nokulinda vindu vi ng'odeywi mu: kigira inyinga i veye himbi.

Likunula 10:4

Kandi lwetsinkupa tsitano na tsiviri tsya vola, ndenya kung'oda: na nda hulira mwoyo gwa twula migulu, ni gu vola, U vike muhuri ku makuva yaga getsinkupa tsitano na tsiviri tsi voye, u ta ga ng'oda mba.

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba

Likunula 22:18

Ndolekidziranga mundu sa mulala u huliranga amakuva gobuprofeti bwekitabu yiki, Ku vosi mundu na a va na a ga meda, Nyasaye a la meda kuye maduywa aga ng'odwa mu kitabu yiki:

Likunula 22:20

U lolekidzanga vindu yivi a vola, Yee: nzidza bwangu. Amini: udze, Mwami Yesu.

Likunula 22:7

Kandi henza, Nzidza bwangu. A veye nobugasu u gumiranga amakuva gobuprofeti bwekitabu yiki.

Likunula 22:9

Kandi ya mbolera, Henza u ta kola ndi mba: Inze mbeye wakyo kandi wavamwavo vovo avaprofeti, nowa yavo ava gumiranga amakuva gekitabu yiki: sigamira Nyasaye.

Likunula 5:1

Kandi nda lola mu mukono mulungi gwa uyu wikaye ku intebe, kitabu kya ng'odwa mugati nokwigulu, kya vikwa mihuri gyitano na gyiviri.