Likunula 21:3 - KITABU KITAKATIFU

³ Kandi nda hulira mwoyo munene gu twula mu intebe, ni gu vola, Henza, ubumenyo bwa Nyasaye bu veye halala navandu, kandi a la menya navo, navo va la va avandu veve, kandi Nyasaye mwene a la va halala navo, Nyasaye wavo:

Likunula 21:3 ပူးပေါင်းရင်းမြစ်များ

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

2 Kyetsinyinga 6:18

Nyasaye ligali a la menya na vandu mu lirova? Henza, ligulu kinga mwigulu lyomwigulu ni mu vula kuduka ive; nasindi inyumba yiyi ya ndombaka

Kutwula 25:8

Navo va nombere hatakatifu, nduke kumenya hagati havo.

Kutwula 29:45

Na inze nda menya halala na avana va Israeli, na nda va Ny asaye wavo.

Isaya 12:6

U hanzuke ligali, kupe lwanga, ive u menyanga mu Zioni; kigira Mutakatifu wa Israeli a veye munene ligali hagati hoho.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Jeremia 32:38

Navo va la va avandu vange, na inze nda va Nyasaye wavo:

Ezekieli 37:27

Lihema lyange li la va halala navo; na nda va Nyasaye wavo, navo va la va avandu vange.

Ezekieli 43:7

Naye ya mbolera, Ive mwana womundu, hano ha veye ha intebe yange yobwami, na ha tsinduvatiru tsyevirenge vyange, ha inze nda menya hagati ha avana va Israeli mihiga nemihiga. Na inyumba ya Israeli il a vula kwononnya lieta lyange litakatifu kandi, yava, kinga avami vavo, ku makuva gavo ga malaya, noku mibiri mikudzu gyavami vavo mu hadiguluku havo;

Ezekieli 48:35

Li la va ligera lyevidundu tsielfu likumi na tsitano na tsivaka, kukumbiridza tsimbega tsyosi: na lieta lyelidala kutwula ku lidiku yilyo li la va, Yahova a veye ho.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Zekaria 8:8

nda va leta, na va la menya hagati ha Yerusalemi; va la va avandu vange, na inze nda va Nyasaye wavo, mu geligali nomu bulungi.

Livalidza 9:16

Lya li ndiyo kazozo lilesi lya li kunika, na liloleka lyalyo lya li kuli muliru mu budiku.

Yohana 1:14

Inkuva ya gwa mubiri, na a menya halala nekwinye (kandi kwinye kwa lola ubukumi bwibwe, ubukumi bwowivulwa muderwa wa Dada), wizuye tsimbabasi nageligali.

Yohana 14:23

Yesu ya tivula, na a mu volera, Mundu na a nyanza, a la gumira likuva lyange: na Dada wange a la mu yanza kwinye ku ladza kuye, na ku la, menya naye.

2 Vakorintho 6:16

Kandi litempeli lya Nyasaye li veye nobuhambani ki nemisambwa? Kigira kwinye ku veye litempeli lya Nyasaye welivamwoyo; kuli Nyasaye ya vola, Nda menya muvo, kandi nda genda muvo; kandi nda va Nyasaye wavo, navo va la va avandu vange.

2 Vakorintho 6:18

Kandi nda va Dada wenyu, Na mwinye mu la va avana vange avayai navakana Mwami Wa Nyala Vyosi a vola.

1 Vatesalonike 3:11

Kalunu Nyasaye wetu Dada mwene na Mwami wetu Yesu, a kwimirire ku duke ku mwinye:

Vahebraina 11:16

Navutswa kalunu venyanga kivala kilahi kuvita, nakyo ki veye migulu; kigira yaga Nyasaye si ya lola tsisoni kulangwa Nyasaye wavo; kigira u va lombeye lidala.

Vahebraina 8:10

Kigira yili nilyo lilagana lya ndi kolera inyumba ya Israeli Inyima wa madiku yago, Mwami a vola; Nda vika lilaga lyange mu myoyo gyavo, Kandi nda li ng'oda mu myoyo gyavo: Na inze nda va kuvo Nyasaye, Navo va la va ku inze avandu

Vahebraina 8:2

mutumiki wa hatakatifu, nowelihema lyeligali, lyo Mwami yombaka, si a li mundu wa lyombaka.

Likunula 10:4

Kandi lwetsinkupa tsitano na tsiviri tsya vola, ndenya kung'oda: na nda hulira mwoyo gwa twula migulu, ni gu vola, U vike muhuri ku makuva yaga getsinkupa tsitano na tsiviri tsi voye, u ta ga ng'oda mba.

Likunula 10:8

Kandi mwoyo gwa nda hulira gu twula migulu, nda gu hulira kandi, gu mbolera, Tsia, u vugule katabu ka kunuywi mu mukono gwengelosi u singiye ku inyanza noku lirova.

Likunula 12:10

Kandi nda hulira mwoyo munene migulu, ni gu vola, Kalunu buhonnyi bu duki, netsingulu, nobwami bwa Nyasaye wetu, netsingulu tsya Kristo we we: kigira muyali wavamitu vetu waguluywi hasi, uyu wa va yalanga imbiri wa Nyasaye mbasu nobudiku

Likunula 21:7

Uyu u guuta a la lia vindu yivi; kandi nda va Nyasaye wewe, naye a la va mwana wange.

Likunula 22:3

Kandi si ha la va nelilaama kandi: kandi intebe ya Nyasaye neyo Mwana Weligondi i la va mu: kandi avatugwa veve va la mu tumekira;

Likunula 7:15

Kigira yaga va singiye imbiri wentebe ya Nyasaye; nokumutumekira mbasu nobudiku mu litempeli lilye: kandi uyu wikaye ku intebe a la singeridza lihema lilye kuvo.