Likunula 21:22 - KITABU KITAKATIFU

²² Kandi si nda lola mu litempeli: kigira uyu Mwami Nyasaye Wanyala Vyosi, kandi uyu Mwana Weligondi, va veye litempeli lyalyo.

Likunula 21:22 ပူးပေါင်းရင်းမြစ်များ

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

2 Kyetsinyinga 2:6

Navutswa ni bwaha u nyala ku mwombakira inyumba, ni i va ligulu si li mu duki, kinga amagulu gomi gulu? Kunangwa inze mbeye bwaha, nduke kumwombakira inyumba, ni i ta li yokuvuyidza livuya imbiri wewe?

2 Kyetsinyinga 6:18

Nyasaye ligali a la menya na vandu mu lirova? Henza, ligulu kinga mwigulu lyomwigulu ni mu vula kuduka ive; nasindi inyumba yiyi ya ndombaka

Isaya 66:1

Yahova a vola yaga, Ligulu li veye intebe yange yobwami, na lirova li veye intebe yevirenge vyange: mu la nyombakira inyumba yo lugano ki? Kandi ni haliha ha duka kuva hango hange hokusosa?

Matayo 24:2

Navutswa ya tivula na a va volera, Mu lola vindu yivi vyosi? Iigali mmu volera Si li la tigala hano ligina lilala ku lindi li ta gwihidzwa hasi.

Yohana 10:30

Inze na Dada ku veye kindu kilala.

Yohana 13:32

Nyasaye na a va na a kuminywe muye, kandi Nyasaye a la mu kuminya muye mwene, kandi a la mu kuminya bwangu ndi.

Yohana 4:21

Yesu ya mu volera, U nsuuvire, Mukali, isaa yidza ya mu li vula kukola miluka ku Dada mu kigulu yiki, kali mu Yerusalemi.

Yohana 4:23

Navutswa isaa yidza nayo i mali kuduka, ya va kola miluka gyeligali va la kola miluka ku Dada na roho kandi nageligali: kigira Dada yenya va zana va ve avakoli vemiluka gyigye.

Vakolosai 1:19

Kigira Dada ya yanza ubudukiru bwosi bu ve mu uyu;

Vakolosai 2:9

Kigira ubudukiru bwosi Obwanyasaye bu menya muye ku mubiri,

Likunula 1:8

Inze mbeye Alfa na Omega Mwami Nyasaye a vola, u veye ho, nowa li ho, nu udzanga, Wanyala Vyosi.

Likunula 11:17

ni va vola, Ku santidza ive, O Mwami Nyasaye, Unyala Vyosi, u veye ho nowa li ho; kigira u vuguye tsingulu tsitsyo tsinene nokwameha.

Likunula 14:4

Yava nivo ava vula kukolwa avadamano na avakali; kigira va veye avagyima. Yava nivo ava londanga Mwana Weligondi hosi ha a tsitsanga. Yava va gulwa mu vandu, va ve ubuhya ku Nyasaye kandi ku Mwana Weligondi.

Likunula 15:3

Kandi vimba ulwimbo lwa Musa mutugwa wa Nyasaye, nolwa Mwana Weligondi, ni va vola, Minene nokugennya gyi veye miyinzi gyigyo, O Mwami Nyasaye, Wanyala Vyosi; tsi veye nobulungi nageligali tsinzira tsitsyo, Ive Mwami wemihiga.

Likunula 16:14

kigira gyi veye roho gyamademone, gyi kolanga vilolekidzu; gya tsia ku vami vomulirova lyosi, kuvavugannya ku bulwani bwelidiku linene lya Nyasaye Wanyala Vyosi.

Likunula 16:7

Kandi nda hulira bwali bu vola, Yee, O Mwami Nyasaye, Wanyala Vyosi, li veye lyeligali nelilungi likalaga lilyo.

Likunula 19:15

Kandi kivavi kyogi ki twula mu munwa gwigwe, a duke kuduya tsihiri nakyo: kandi a la vameha nempimbo yekivya: kandi a duvaga kinu kyewaini yobululu bwobutima bwa Nyasaye, Wanyala Vyosi.

Likunula 4:8

Kandi vilombe vi veye mwoyo vine, sa kilala kuvyo kya li namavaha gatano na lilala, navyo vizula tsimoni hosi nomugati: navyo si vi sosanga mbasu nobudiku, vi volanga, Mutakatifu, mutakatifu, mutakatifu, Mwami Nyasaye, Wanyala Vyosi, wa li ho, no veye ho, no udzanga.

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.

Likunula 7:15

Kigira yaga va singiye imbiri wentebe ya Nyasaye; nokumutumekira mbasu nobudiku mu litempeli lilye: kandi uyu wikaye ku intebe a la singeridza lihema lilye kuvo.

Likunula 7:17

kigira Mwana Weligondi u veye hagati hentebe a la va mwayi wavo, a la vimirira kuduka ha madzi gelivamwoyo ga senukanga: na Nyasaye a leya maliga gosi mu tsimoni tsyavo.