Likunula 20:4 - KITABU KITAKATIFU

⁴ Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.

Likunula 20:4 ပူးပေါင်းရင်းမြစ်များ

Danyeli 2:44

Kandi mu madiku ga avami yavo Nyasaye womigulu a la singeridza ubwami bu li vula kudiva mihiga nemihiga, na ubwami bwabwo si bu li lekwa kuva bwehiri yindi; navutswa bu la donyannya nokuheridza ubwami yibwo bwosi, na bwene bu la singira mihiga nemihiga.

Danyeli 7:18

Navutswa avatakatifu va U Veye Igulu Ku Vyosi va la vugula ubwami, nokwameha mihiga gyosi, kuduka mihiga nemihiga.

Danyeli 7:22

kuduka Muhindira wa madiku ya duka, na avatakatifu va U Veye Igulu Ku Vyosi va hebwa likalaga, na inyinga ya duka ya vatakatifu va gumira ubwami.

Danyeli 7:27

Na ubwami, na ubwamehi, na ubunene bwobwami isi weligulu lyosi, bu la hebwa avandu vavatakatifu va U Veye Igulu Ku Vyosi: ubwami bwi bwe bu veye ubwami bwemihiga ne mihiga, na ubwamehi bwosi bu la mu tumekira nokumuhulira.

Danyeli 7:9

Na inze nda henza kuduka inyinga tsintebe tsyobwami tsya vikwa, na mulala wa li Muhindira wa madiku, yikala ku: tsingubo tsitsye tsya li tsindavu kuli likonza na lisu lyoku mutwe gwigwe lya li kuli bwoya bweligondi bwere; intebe yeye ya li kuli ulumemo lwomuliru, na tsingida tsyayo tsya li muliru gwaakanga.

Malaki 4:5

Henza, nda tuma Elija muprofeti, yadze ku mwinye ni li kikiri ku duka lidiku linene lyokutihidza lya Yahova.

Matayo 19:28

Yesu ya va volera, Ligali mmu volera, mwinye mu nondi, mu lilombwa lihya, lwa Mwana wa Adamu a likala ku intebe yobukumi bwibwe, mwinye kandi mu likala ku tsintebe likumi na tsiviri, no ku kalagira tsihiri likumi na tsiviri tsya Israeli.

Matayo 24:10

Hene yaho vanyingi va likigitala, kandi va la zamana avene, nokudunyirana.

Marko 6:16

Navutswa Herodi lwa ya hulira ya vola, Yohana wa nda kalaga mutwe gwigwe, u simuguki.

Marko 6:27

Nonoho mwami ya tuma mulala ku vasi kari ava mu linda na a mu ha munwa kuleta mutwe gwigwe. Uyu ya tsia na a mu kalaga mutwe mu inyumba yavahambe,

Marko 9:11

Va mu teva ni va vola, Kigira ki avang'odi va vola, Elija a la tanga kuudza?

Luka 1:17

A limira imbiri wewe mu mwoyo nomu tsingulu tsya Elija, a giru nkannye myoyo gyavadada ku vana, kandi a vike avatingu mu bugeeri bwavalungi; kutegekera Mwami ava ndu avalombwa.

Luka 14:14

na ive u la va nobugasu; kigira si va veye nekya va ku tunga: kigira ive u la tungwa mu lisimuguka lyavalungi.

Luka 22:30

mu duke kulia nokunwa ku imeza yange mu bwami bwange; kandi mu likala ku visako vyobwami mu kalagira tsihiri likumi na tsiviri tsya Israeli.

Yohana 14:19

I tigaye inyinga inkekeke, avomkivala si va li ndola kandi; navutswa mwinye mu ndolanga: kigira inze mbeye mwoyo, kandi mwinye mu la va mwoyo.

Varumi 11:15

Kigira lyeseganwa lyavo ni li va ni li veye kyokuhambanya lirova, libugirirwa lyavo li la va ki? Li la ra livamwoyo kutwula mu vakudzu.

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

2 Timoteo 2:12

ni ku saliridzwa, kandi ku lameha halala naye: ni ku mwambakana, naye a la kwambakana;

Likunula 1:2

wa lolekidza likuva lya Nyasaye, nelilolekidza lya Yesu Kristo, vindu vyosi vya ya lola.

Likunula 1:9

Inze Yohana, amwavo wenyu nomusangi halala nemwinye, mu busaliri, nomu bwami, nomu bwikudziri mu Kristo, nda li mu kisulu ki langwa Patimo kigira likuva lya Nyasaye nelilolekidza lya Yesu.

Likunula 11:11

Inyima wamadiku gavaka nenusu, mwika gwokuva mwoyo gu twula ku Nya saye gwingira muvo, navo va singira nevirenge; kandi ubutii bunene bwa gumira yavo ava va lola.

Likunula 11:15

Ingelosi wa katano na kaviri ya kupa; gya twula myoyo minene migulu, ni gyi vola, Ubwami bwelirova bu gwiye bwo Mwami wetu, nobwa Kristo wewe: naye a lameha mihiga nemihiga.

Likunula 11:3

Kandi nda va ha avalolekidzi vange vaviri, navo va la profeta amadiku elfu indala netsimia tsiviri na makumi gatano na lilala, ni viviki amagunia.

Likunula 11:7

Kandi inyinga va li dukidza lilolekidza lyavo, inyama i twulanga mu bogo i la va kolera lihe nokuvaguuta, nokuviita.

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.

Likunula 14:11

kandi mwoki gwekivi kyavo gu vuya kuduka mihiga nemihiga; kandi si va veye nelisosa mbasu nobudiku, ava sigamira inyama nekifwananyi kyayo, kandi ku vosi u bugirira kyokumanyirwa kyelieta lyayo.

Likunula 15:2

Kandi nda lola kuli inyanza yechupa ya tsukanywa nomuliru; navo ava guuta ni va twula ku inyama uyu, noku kifwananyi kikye, noku hesabu yelieta lilye, va li va singiye ku inyasi yenyanza yechupa yeyo, va veye nobukana bwa Nyasaye.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

Likunula 2:26

Uyu u guutanga, kandi uyu u lindanga miyinzi gyange kuduka kiheri, nda mu ha tsingulu ku tsihiri;

Likunula 20:6

A veye nobugasu nobutakatifu uyu u veye nelisanga mu lisimugukidzwa lyokutanga: ku yavo likudza lyakaviri si li veye netsingulu; navutswa va la va avasalisi va Nyasaye nava Kristo, kandi va lameha halala naye mihiga elfu.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.

Likunula 3:21

Uyu u guutanga, kuli inze nda guuta, nokwikala halala na Dada mu intebe, nda mu ha yikale halala na inze mu intebe yange.

Likunula 4:4

Ka ndi tsintebe makumi gaviri na tsine tsya kumbiridza intebe: kandi ku tsintebe zana avakulundu makumi gaviri na vane vikala ku, ava vikwa tsingubo tsindavu; kandi ku mitwe gyavo tsitaji tsyethahabu.

Likunula 6:9

Kandi inyinga ya boholola muhuri gwegyitano, nda lola isi wobwali myoyo gya yavo aviitwa kigira likuva lya Nyasaye, kandi kigira lilolekidza lya va li nalyo:

Likunula 7:3

na a vola, Mu tononnya lirova, kinga inyanza, kinga misala, kuduka ku tange kuvika muhuri mu bweni bwa vatugwa va Nyasaye wetu.