Likunula 20:2 - KITABU KITAKATIFU

² Kandi ya gumira guyoka, inzoka ya kale, ogu veye Ibilisi, Setani, na a mu boha mihiga elfu,

Likunula 20:2 ပူးပေါင်းရင်းမြစ်များ

Litanga 3:1

Kunangwa inzoka ya li nobugeeri bwobugadi kuvita tsinyama tsyosi tsya Yahova Nyasaye ya li kulomba. Nayo ya volera mukali, Yee, Nyasaye a voye, Mu ta lia ku misala gyosi gyomulimi?

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Ayubu 1:7

Na Yahova ya teva Setani, U twula haliha? Hene yaho Setani ya tivulira Yahova, na a vola, Ntwula mu livodonkana mu lirova, nokugenda yiyi na yiyi kulyo.

Isaya 24:22

Na va la vungidzwa halala, kuli avahambi va vungidzangwa halala mu bogo, na va la bofwa mu inyumba yavahambe; na va la lolwa inyima wa madiku manyingi.

Isaya 27:1

Mu lidiku yilyo Yahova halala nekivavi kikye kyogi nelsinene nekyetsingulu a la kalagira leviathan, inzoka yetsimbiru, na leviathan inzoka yamaganyi; na a liita gunani gwa li mu inyanza.

Ezekieli 47:5

Lwenyima ya gera kandi elfu; nagwo gwa li mugera agwa nda vula kunyala kwambuka; kigira amadzi ga kira ligali, amadzi agomundu a nyala kwerema mugo, mugera gu ta nyala kwambukwa nevirenge.

Matayo 19:29

Ku vosi u leki tsinyumba, kinga avamwavo, kinga avabotso, kinga ise, kinga mama, kinga avana, kinga milimi, kigira lieta lyange, a la nyola vindu hali mia, kandi a la nyola liva mwoyo li ta hera mba.

Matayo 8:29

Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka?

Marko 4:15

Yava avoku inzira haluvega heli kuva li midzwa nava, lwa va mali kuhulira, hene yaho Setani yadza na a twulidza likuva li midzeywi muvo.

Marko 5:7

na a hanzuka, na a vola, Ku veye ndi nive, Yesu Mwana wa Nyasaye Uveye Igulu wa Vyosi? Nkwisuhidza ku Nyasaye u ta nda mbidza mba.

Yohana 12:31

Kalunu ni likalaga lyavomkivala yiki: kalunu munene wekivala yiki a la tebwa.

Yohana 16:11

ku likalaga, kigira munene womkivala yiki, u mali kukalagirwa.

Varumi 16:20

Nyasaye wemirembe a la syonola Setani isi wevirenge vyenyu kalunu ndi. Tsimbabasi tsyo Mwami wetu Yesu Kristo tsi ve nemwinye.

Vahebraina 2:14

Kunangwa kigira avana va veye avasangi mu masahi nenyama, kandi mwene ndiyo ya vugula ku vya zana; ku likudza a duke kwononnya uyu u veye netsingulu tsyelikudza, naye a veye Setani;

1 Petro 5:8

Mu ve nobugeeri, mu linde: kigira musigu wenyu kuli king'ang'a ki fwumanga, a tsitsanga yiyi neyiyi ni yenya wa a nyala kumira:

2 Petro 2:4

Kigira Nyasaye na a va ni ya vula kuvererera tsingelosi lwa vona, navutswa ya va ta mu gehena, nokuvavika mu bogo bwekisundi, va lindwe kuduke likalagirwa;

Yudasi 1:6

Kandi tsingelosi ava vula kulinda liva lyavo lyokutanga, navutswa va leka ubumenyo bwavo avene, a va lindanga mu libofwa lyamadiku gosi, mu kisundi kuduka mu likalagirwa lyelidiku linene yilyo.

Likunula 12:13

Kandi inyinga guyoka gwa lola gwaguluywi ku lirova, gwa dambidza mukali uyu wivula mu atla musatsa.

Likunula 12:15

Kandi inzoka ya twulidza amadzi mu munwa gwayo kuli mugera kulonderera mukali, a duke kuhilwa namadzi.

Likunula 12:17

Kandi guyoka gwa vihirirwa mukali uyu, ni gu tsia kulwana nevisukululwi vyomukali vya tigala, ava gumira malago ga Nyasaye, nokugumira lilolekidza lya.

Likunula 12:3

Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.

Likunula 12:4

Kandi mukira gwagwo gwa twulidza kidieli kilala ku vivaka vyetsing'ereng'ani tsyomigulu, nokutsyagulula ku lirova: kandi guyoka zana gu singira imbiri womukali uyo u veye mu lilumwa, gu duke kumira mwana wewe inyinga yivula.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:2

Kandi inyama zana ya nda lola ya fwanana ne ingo, nevirenge vyayo vya li kuli vyeduba, kandi munwa gwayo gwa li kuli munwa gweking'ang'a: kandi guyoka gwa gi ha tsingulu tsyayo, nentebe yayo, nelihaana munwa linene.

Likunula 13:4

ni va sigamira guyoka, kigira gwa ha inyama lihaana munwa lyayo; kandi va sigamira inyama, ni va vola, Ibwaha u leng'ana noyu inyama? Kandi ibwaha u nyala kulwana naye?

Likunula 20:10

Kandi Ibilisi wa va gada ya tebwa mu inyanza yomuliru neyekibiridi, ha inyama nomuprofeti wobubehi va veye; navo va la saliridzwa mbasu nobudiku kuduka mihiga nemihiga.

Likunula 20:7

Kandi inyinga mihiga elfu gyi fweye, Setani a la bohololwa a twule mu buhambe bwibwe,

Likunula 9:11

Tsi veye nomwami kutsyo ingelosi wombogo: lieta lilye mu Luhebraina a langwa Abadoni, noku Lugreki Apolion.