Likunula 20:13 - KITABU KITAKATIFU

¹³ Kandi inyanza ya twulidza avakudzu ava li muyo; kandi likudza na Kihadisi vya twulidza avakudzu ava li muvyo: kandi va kalagirwa sa mulala kuli miyinzi gyavo.

Likunula 20:13 ပူးပေါင်းရင်းမြစ်များ

Isaya 26:19

Avakudzu vovo va la va mwoyo; mibiri mikudzu gyange gyi la vuka. Mu vuke, mwimbe, mwinye avamenyanga mu marova; kigira lime lilyo li veye kuli lime lyetsingutsa, na lirova li la twulidza avakudzu.

Hosea 13:14

Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.

Matayo 11:23

Nive, Kapernaume, u lidzominywa ku duka igulu? U la tsia kuduka mu Kihadisi: kigira miyinzi gyetsingulu gya kolwa mu ive, gyi va gya kolwa mu Sodoma, nkano li ve ho kuduka lero.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

1 Vakorintho 15:26

Musigu muheriridzi wokuheridzwa a veye likudza.

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 20:12

Kandi nda lola avakudzu, avanene navakekeke, va singiye imbiri wentebe; kandi vitabu vya kunulwa: kandi kitabu kindi kya kunulwa, ki veye kyelivamwoyo: kandi avakudzu va kalagirwa kuli vindu vya ng'odwa mu vitabu yivi, kuli miyinzi gyavo.

Likunula 20:14

Kandi likudza na Kihadisi vya tebwa mu inyanza yomuliru. Yili nilyo likudza lya kaviri; li Deye inyanza yomuliru.

Likunula 21:4

kandi a leya vosi sa mulala amaliga mu tsimoni tsyavo; nelikudza si li la va ho kandi; kandi lisyoma, nelilira, nobusaliri, si vi la va ho kandi: vindu vyokutanga vi mali kuvita.

Likunula 6:8

Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.