Likunula 20:11 - KITABU KITAKATIFU

¹¹ Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.

Likunula 20:11 ပူးပေါင်းရင်းမြစ်များ

Litanga 18:25

Kukola kuli yaga ga ta va ku ive, kudividza avalungi halala na vadamano, kuduka avalungi va ve kuli avadamano; yago ga ta va ku ive: Mukalagi welirova lyosi si a la kola bulungi?

Ayubu 9:6

U sung'usanga lirova li twule ho bugono bwalyo, Tsitiru tsyalyo tsi degeranga

Zaburi 102:26

Yivi vyosi vi la dividzwa navutswa ive u la hindira; Yee, yivi vi la kunguha kuli ingubo; Na kuli ingubo u la vi girunkannya, navyo vi la girunkanywa:

Zaburi 47:8

Nyasaye yamehanga ku tsihiri: Nyasaye yikala ku intebe yeye yobutakatifu.

Zaburi 89:14

Ubulungi na likalaga vi veye muse vwentebe yobwami bubwo: Tsimbabasi na ageligali vimiriranga imbiri wetsimoni tsitsyo.

Zaburi 97:2

Malesi na kisundi vi mu kumbiridza: Ubulungi na likalaga vi veye muse gwentebe yeye yobwami.

Isaya 6:1

Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli.

Danyeli 2:35

Hene yaho kivya, nobudohi, nomugasa, nefetha, na ithahabu, vya donyannywa halala, nokugwa kuli mukudzi gwo uloze gwekimei; na imbuudza ya vi hila, kuduka vi ta li na hokuva: na ligina lya duya kifwananyi lya gwa kigulu kinene, nokwizula lirova lyosi.

Danyeli 7:10

Mugera gwomuliru gwa senuka nokutwula imbiri wewe: tsielfu hali tsielfu va mu tumekira, na tsielfu likumi hali tsielfu likumi va singira imbiri wewe: na likalaga lya singeridzwa, na vitabu vya kunulwa.

Matayo 11:22

Navutswa mmu volera, Bu la va bulahi ku Turo na Sidone mu lidiku lyelikalaga kuvita bwenyu.

Matayo 24:35

Ligulu nelirova li la vita, navutswa amakuva gange si ga li vita mba.

Matayo 25:31

Navutswa inyinga Mwana wa Adamu a lidza mu bukumi bwibwe, netsingelosi vosi halala naye, hene yaho a likala ku intebe yobukumi bwibwe.

Varumi 2:5

Navutswa ku budinyu bubwo nomwoyo gugwo gu ta li nelyeganira, wevikiranga akiba yobutima mu lidiku lyobutima nelyelilang'aminywa lyelikalaga lilu ngi lya Nyasaye.

2 Petro 3:7

navutswa ligulu li veye ho kalunu, nelirova, kigira likuva zana li vikeywi kuduka mu muliru, li lindangwa kuduka ku lidiku lyelikalaga nokulidividzwa lyavandu ava vula kutia Nyasaye.

Likunula 12:8

nagyo si gya guuta mba, kandi si gya nyola kandi ubugono bwagyo migulu.

Likunula 16:20

Kandi visulu vyosi viruka, nevigulu si vya loleka kandi.

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.

Likunula 20:2

Kandi ya gumira guyoka, inzoka ya kale, ogu veye Ibilisi, Setani, na a mu boha mihiga elfu,

Likunula 21:1

Kandi nda lola ligulu lihya nelirova lihya: kigira ligulu lyokutanga nelirova lyokutanga li mali kuvita; kandi inyanza si i veye ho kandi.

Likunula 21:5

Kandi uyu wikaye ku intebe ya vola, Henza, inze nkola vindu vyosi vi ve vihya. Kandi ya mbolera, Ng'oda: kigira amakuva yaga ga veye agobusuuvirifu nageligali.

Likunula 4:2

Nonoho nda li mu Roho; kandi henza, intebe ya vikwa migulu, nomulala yikala ku intebe;

Likunula 6:14

Kandi ligulu lya twulidzwa kuli lududu inyinga lu lingangwa; kandi viguh; vyosi nevisulu vyosi vya twulidzwa ha vi vedzanga.