Likunula 2:9 - KITABU KITAKATIFU

⁹ Mmanya lidambidzwa lilyo, nobudaka bubwo (navutswa u veye mutugi), kandi mmanya linyega lya yavo avevolanga va veye Avayuda, navutswa si va li ndiyo, navutswa va veye avelivugana lya Setani.

Likunula 2:9 ပူးပေါင်းရင်းမြစ်များ

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Luka 12:21

A veye ndiyo wivikira vindu, navutswa ku Nyasaye si a veye nobutugi.

Luka 22:65

Kandi va vola kuye amakuva gandi manyingi gokumunyega.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Luka 6:20

Ya henza avegidzwi veve, na a vola, Mu veye nobugasu, mwinye avadaka: kigira ubwami bwa Nyasaye nu bwenyu.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vikolwa 26:11

Nda va ha amageli tsinyinga tsinyingi mu masomero gosi, ni ngeridza kuvakola va nyege; kandi ndizula ubutima ligali, nda va dambidza kali kuduka mu madala ga vandi.

Varumi 12:12

mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala;

Varumi 2:17

Navutswa, ive nu u langwa lieta lyo Muyuda, nokuyeka ku lilaga, nokwiidzominya mu Nyasaye,

Varumi 5:3

Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

Varumi 8:35

Ibwaha a la kwavukanya ku nobuyanzi bwa Kristo? Kivi, naho ubusaliri, naho lidambidzwa, naho inzala, naho chahonyo, naho ubuhimwa, naho kivavi?

Varumi 9:6

Navutswa si ga li kuli likuva lya Nyasaye lya diva. Kigira vosi avi vula ku Israeli si va li Avaisraeli vosi

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

2 Vakorintho 8:2

mu ligeridzwa linene lyobusaliri, bunyingi bwobuyanzi bwavo nobudaka bwavo bwa kira ligali, kuduka ku butugi bwobuhaani.

2 Vakorintho 8:9

Kigira mu manya tsimbabasi tsyo Mwami wetu Yesu Kristo, kali ya li mutugi ya gwa mudaka kigira mwinye mwinye mu duke kuva avatugi kigira ubudaka bwibwe.

1 Vatesalonike 3:4

Kigira ligali inyinga lwa kwa li nemwinye kwa tanga kumuvolera ku tsitsa nmu lidambidzwa; kuli lya ku gwira, mwinye mu manya.

1 Timoteo 1:13

kali ni nda li munyegi matsyambiri, nomudambidzi, nomukoli wobudamano: navutswa nda nyola tsimbabasi, kigira nda vi kola ni nta manya mu livula kusuuvira

1 Timoteo 6:18

kandi va kole bulahi, va ve avatugi ku miyinzi milahi, va ve avahaani vevindu, kandi va ve avasangi navandi mu vindu vyomwoyo;

Likunula 1:9

Inze Yohana, amwavo wenyu nomusangi halala nemwinye, mu busaliri, nomu bwami, nomu bwikudziri mu Kristo, nda li mu kisulu ki langwa Patimo kigira likuva lya Nyasaye nelilolekidza lya Yesu.

Likunula 2:13

Mmanya ha u menya, ha veye ha intebe yobwami ya Setani i veye; na ive u gumira ligali lieta lyange, nokuvula kwambakana lisuuvira lyange, kali mu madiku ga Antipa mulolekidzi wange, musuuvirifu wange, wiitirwa hagati henyu ha Setani a menya.

Likunula 2:2

Mmanya miyinzi gyigyo nelididikana lilyo, nobwikudziri bubwo, kandi mmanya si u nyala kwikudzira ku vandu vadamano, kandi wa geridza avelanganga avene avatumwa, ava ta li ndiyo, nokuvalola kuva avobubehi;

Likunula 2:24

Navutswa mbolera mwinye ava tigaye mu Tuatera, kuduka vosi ava ta veye namegidzo yaga, na va vula kumanya vindu vya Setani vyomu luliva, kuli vya va volanga; si nda vika ku mwinye musigo gundi.

Likunula 3:9

Henza, nku hedzanga avelivugana lya Setani, ava volanga va veye Avayuda, navutswa si va li ndiyo, navutswa va vehanga; henza, nda va kola vadze kukusigamira ha virenge vivyo, nokumanya inze nku yanzi.

Likunula 7:14

Na inze nda mu volera, Mwami wange, ive u manya. Naye ya mbolera, Yava nivo va twula mu kivi kinene yikyo, navo vogidzi tsingubo tsyavo mu masahi go Mwana Weligondi, nokutsikola tsi ve tsindavu.