Likunula 2:23 - KITABU KITAKATIFU

²³ Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 2:23 ပူးပေါင်းရင်းမြစ်များ

1 Kyetsinyinga 17:18

Na Daudi a nyala kuvolera ive kindu ki kandi kuvita ku makuva gelidzominywa lyomutumekiri wowo? Kigira u manya mutumekiri wowo.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

1 Kyetsinyinga 29:17

Inze manya, O Nyasaye wange, ive u geridzanag mwoyo yigwo, na u sangaliranga ubulungi. Na mze, kigira bulungi bwomwoyo gwange mali kuhaana vindu yivi vyosi nomwoyo gwobulaliri: na kalunu ndoli nobusangali avandu vovo, ava veye hano, navo va haananga ku ive nomwoyo gwobulaliri.

2 Kyetsinyinga 6:30

u hulire yaho mwigulu ha bumenyi bubwo, u samehe, nokutunga sa mulala kuli tsinzira tsitsye tsyosi, wa u manya mwoyo gwigwe (kigira u manyanga myoyo gyavandu, ive weng'ine),

Ayubu 24:23

Nyasaye a haana kuvo kuva mu mirembe na va sosanga mugyo; Netsimoni tsitsye tsi veye igulu wetsinzira tsyavo.

Zaburi 139:1

O Yahova, wideye inze, nokummanya.

Zaburi 26:2

U nzidere, O Yahova, na u ngeridze; U henzeridze mwoyo gwange na tsiganagani tsyange.

Zaburi 44:21

Nkano Nyasaye si a lidera inkuva yiyi? Kigira a manya viviswa vyomwoyo.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

Zaburi 7:9

Ubudamano bwa avadamano bu heridzwe, navutswa u dinyeridze avalungi: Kigira Nyasaye mulungi a geridza tsiganagani na myoyo.

Jeremia 11:20

Navutswa, O Yahova wa mahe, ive u kalaganga bulungi, ive u geridzanga kikenge nomwoyo, u mbe kulola kisalya kikyo kuvo: kigira nang'aminye likuva lyange ku ive.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 20:12

Navutswa, O Yahova wa mahe, u geridzanga avalungi, u lolanga kikenge nomwoyo, u mbe ndole kisalya kikyo kuvo; kigira nda vuulira ive makuva gange.

Zefania 1:11

Mu kupe tsikwili mwinye ava menyanga ha Makiteshi; kigira ava ndu vosi va Kanani va heri; vosi avemisigo gyefetha va twulidzeywi.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Luka 16:15

Naye ya va volera, Mwinye mu veye avehedza ubulungi imbiri wavandu; navutswa Nyasaye a manya myoyo gyenyu: kigira kya vandu vidzominya ki veye kidamano ligali imbiri wa Nyasaye.

Yohana 21:17

Ya mu volera hali kavaka, Simoni wa Jona, U nyanza? Petro ya verera kigira ya mu teva hali kavaka, U nyanza? Ya mu volera, Mwami, ive u manya vindu vyosi; u manya nku yanza. Yesu ya mu volera, U lagiridze amagondi gange.

Yohana 4:16

Yesu ya mu volera, Tsia, u lange musatsa wowo, kandi udze hano.

Vikolwa 1:24

Kandi va saala ni va vola, Ive, Mwami, u manya myoyo gyavandu vosi, u ku mannye wa u tovoye ku vandu vaviri yava,

Varumi 14:12

Kunangwa kwinye kwosi sa mulala alevolera amakuva gege mwene imbiri wa Nyasaye.

Varumi 8:27

Kandi uyu widera nga mu myoyo a manya tsiganagani tsya Roho, kigira a saalira vatakatifu kuli ubulaliri bwa Nyasaye.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Vagalatia 6:5

Kigira avandu vosi sa mulala a la ginga musigo mu ene.

Kwidzulitsa 13:11

Na Israeli vosi va la hulira, nokutia, va la vula kukola kandi ubudamano kuli yibu hagati hoho.

Kwidzulitsa 17:13

Navandu vosi va la hulira, nokutia, va vule kukola kandi lihindageridza.

Kwidzulitsa 19:20

Na yavo ava tigala va la hulira, na va tie, va ta kola kandi ubudamano kuli yibu hagati hoho.

Kwidzulitsa 21:21

Navasatsa vosi avelidala lilye va mu lase magina, a duke kukudza: na ndiyo u twulidze ubudamano hagati hoho; na Israeli vosi va hulire, va tie.

Vahebraina 4:13

Kandi si ha li nekilombe ki ta li habulavu imbiri wewe: navutswa vindu vyosi vi veye kyahonyo nokulang'aminywa imbiri wetsimoni tsya uyu wa ku veye ku namakuva.

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii:

Likunula 2:11

Uyu u veye nogutu, a hulire aga Raho a voleranga mavugano. Uyu u guutanga si a la nyola kivi kyelikudza lya kaviri.

Likunula 2:7

U veye nogutu, a hulire ga Roho a voleranga mavugano. Uyu u guutanga, nda mu ha a duke kulia agomusala gwelivamwoyo, gu veye mu Paradisio mwa Nyasaye.

Likunula 20:12

Kandi nda lola avakudzu, avanene navakekeke, va singiye imbiri wentebe; kandi vitabu vya kunulwa: kandi kitabu kindi kya kunulwa, ki veye kyelivamwoyo: kandi avakudzu va kalagirwa kuli vindu vya ng'odwa mu vitabu yivi, kuli miyinzi gyavo.

Likunula 20:13

Kandi inyanza ya twulidza avakudzu ava li muyo; kandi likudza na Kihadisi vya twulidza avakudzu ava li muvyo: kandi va kalagirwa sa mulala kuli miyinzi gyavo.

Likunula 22:12

Henza, nzidza bwangu; mbeye kandi namadanyi gange halala, kutunga mundu sa mulala kuli miyinzi gyigye gyi veye.

Likunula 6:8

Kandi nda lola, henza, iparasi idarinya: kandi uyu wikala kuyo, lieta lilye lya li Likudza; kandi Kihadisi kya mu londa. Kandi va hebwa tsingulu ku kidieli kilala ku vine vyelirova, viite nekivavi, nenzala, nelikudza, kandi netsinyama tsyomu mulitu tsyelirova.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.