9 Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.
Livola yili li veye lyokusuuvirwa, kandi ku vindu yivi inze nyenya ive u luvirire kuvola, kuduka yava ava suuvira Nyasaye va guluhe kumenya mu miyinzi milahi. Vindu yivi vi veye vilahi kandi avandu va nyola vyambeti kuvyo:
Likunula lya Yesu Kristo, lya Nyasaye ya mu ha, a mannye avatugwa veve, vindu vya ga dukiranga kukolwa bwangu: kandi ya tuma ingelosi a mannye Yohana mutugwa wewe;
Kandi lwetsinkupa tsitano na tsiviri tsya vola, ndenya kung'oda: na nda hulira mwoyo gwa twula migulu, ni gu vola, U vike muhuri ku makuva yaga getsinkupa tsitano na tsiviri tsi voye, u ta ga ng'oda mba.
Kandi nda hulira mwoyo gwa twula migulu, gu vola, U ng'ode, Va veye nobugasu avakudzu ava kudziranga mu Mwami kutwula kalunu: yee, Roho a volanga, va duke kusosa kutwula mu miyinzi gyavo; kigira miyinzi gyavo gyi londekana navo.
Mulala ku tsingelosi vatano na vaviri ava li nevituva vitano na viviri, yadza na a volerana na inze, na a vola, Hamba yinu, nda ku mannya likalagirwa lyowamalaya manene wikaye ku madzi manyingi;
U ng'odere ingelosi welivugana lya Efeso: Yivi nivyo vya uyu u veye netsing'ereng'ani tsitano na tsiviri mu mukono gwigwe mulungi, u gendanga hagati hevinara vyethahabu vitano na viviri vyetsitaya, a volanga:
Kandi uyu wikaye ku intebe ya vola, Henza, inze nkola vindu vyosi vi ve vihya. Kandi ya mbolera, Ng'oda: kigira amakuva yaga ga veye agobusuuvirifu nageligali.
Kandi ya mbolera, Amakuva yaga ga veye masuuvirifu nageligali: kandi Mwami, Nyasaye wemyoyo gyavaprofeti, ya tuma ingelosi wewe kumannya avatugwa veve vindu vya ga dukira kuva ho bwangu.
Kandi u ng'odere ingelosi welivugana li veye mu Saride. Yivi nivyo vya uyu u veye na Roho vatano na vaviri va Nyasaye, netsing'ereng'ani tsitano na tsiviri, a volanga: Mmanya miyinzi gyigyo, u veye nelieta lyokuva mwoyo, na ive u kudzi.
Kandi u ng'odere ingelosi welivugana li veye mu Laodikia. Yivi nivyo vya u veye Amini, mulolekidzi musuuvirifu noweligali, mutangi welilomba lya Nyasaye, a volanga
Henza, nsingiye ha kiliango nzigulihidzanga: mundu ku vosi na a va na a hulira mwoyo gwange nokunzigulira kiliango, ndingira ha a veye, kandi nda lia halala naye, naye halala na inze.
Kandi u ng'odere ingelosi welivugana li veye mu Filadelfia. Yivi nivyo vya uyu u veye mutakatifu, noweligali, kandi u veye nolufunguo lwa Daudi, nowigulanga kandi si ha veye nomuhani, no hananga kandi si ha veye nowigula, a volanga: