Likunula 19:8 - KITABU KITAKATIFU

⁸ Kandi ya hebwa yivike ingubo yekatani indahi, ing'ereng'anu ne siye ku: kigira ikatani indahi i veye vikolwa vilungi vyavatakatifu.

Likunula 19:8 ပူးပေါင်းရင်းမြစ်များ

Zaburi 132:9

Avasalisi vovo vevike ubulungi; Avatakatifu vovo va kupe isango yobuyanzi.

Tsing'ano 31:22

Mwene welombeye vyokwihuma; Tsingubo tsitsye tsi veye ikatani indahi na kiforosadi.

Isaya 3:23

nevyelolero, nekatani indahi, netsigudwa, netsingubo tsinzasasu.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Ezekieli 16:10

Nda ku vika ingubo lyebung'olang'ole, na nda ku ha vilatu vyelisero lyenyama yengubo indahi, na nda ku boha ingubo yekatani inda hi mu kikenge kikyo, nokukufuma netsingubo tsinzesereru.

Ezekieli 44:17

Kandi, lwa vingira mu viribwa vyomugidzi gwomugati, va levika tsingubo tsyekatani; va vule kuva netsingubo tsyobwoya bwamagondi ku mibiri gyavo, lwa va tumika mu viribwa vyomugidzi gwomugati, nomu inyumba.

Matayo 17:2

na a girunkanywa ligo ndo imbiri wavo; mmoni mwimwe mwa ng'ereng'ana kuli liuva, netsi ngubo tsitsye tsya gwa tsindavu kuli ubulavu.

Matayo 22:12

na a mu volera, Mulina, wingira ndi hano nu u ta ve nengubo yekiserero? Naye ya kiring'ana.

Marko 9:3

tsingubo tsitsye tsya gwa tsindavu munonono, mundu welirova wokulavidza si a nyala kutsilavidza ndi.

Luka 24:4

Lwa va genya yaga, henza, avandu vaviri va singira navo, vivika tsingubo tsing'ereng'anu:

Vikolwa 1:10

Lwa vumika migulu, inyinga ya li na a tsia, henza, avandu vaviri avivika tsingubo tsindavu, va singira navo;

Varumi 13:14

Nawtswa mwevike Mwami Yesu Kristo, kandi mu ta lombera liva lyomubiri lyokudukidza likayirwa lyalyo mba.

Varumi 3:22

yibwo nobulungi bwa Nyasaye bu veye ku lisuuvira mu Yesu Kristo ku vosi ava suuviranga, kigira si ha veye nelyavukana.

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.

Likunula 15:6

kandi tsingelosi vatano na vaviri vamaduya gatano na gaviri va twula mu litempeli, ni va vikeywi ligina lilahi nelyokung'ereng'ana, kandi va li ni va boheywi tsinkova tsyethahabu mu kiritu.

Likunula 19:14

Namahe gavasi kari ga veye migulu ava nina ku tsiparasi tsindavu, nokuvikwa ingubo yekatani indahi, nendavu ni siye ku, ga mu londa.

Likunula 3:18

nku volera u gule ku inze ithahabu i siyeywi nomuliru, u duke kugwa mutugi; netsingubo tsindavu, u duke kwivika tsisoni tsyekyahonyo kyikyo tsi vule kulang'aminywa; kandi u gule ku inze, lunyasi lwokuvaka tsimoni tsitsyo, u duke kulola.