Likunula 19:7 - KITABU KITAKATIFU

⁷ Ku yanze nokusangala ligali, kandi ku mu kuminye: kigira kiserero kyo Mwana Weligondi ki duki, kandi mukali wewe wetegeki.

Likunula 19:7 ပူးပေါင်းရင်းမြစ်များ

Zaburi 107:42

Avalungi va la lola, nokusangala; Na ubukyamu bwosi bu la kunika munwa gwabwo.

Zaburi 48:11

Kigulu kya Zioni ki sangale, Avakana va Yuda va sangale, Kigira likalagira lilyo.

Zaburi 9:14

Nduke kulang'aminya lidzominya lilyo lyosi. Mu viribwa vyomukana wa Zioni Nda sangala mu buhonyi bubwo.

Tsing'ano 29:2

Lwa avalungi va medeka, avandu va sangala; Navutswa lwa mundu mudamano yameha, avandu va kenya.

Lwimbu lwa Solomoni 3:11

Mu twule, Mwinye avakana va Zioni, mu lole mwami Solomoni, Wevike itaji ya mama wewe ya mu vika Ku lidiku lvelikwa lilye, Ku lidiku yilye lyobusangali bwomwoyo gwigwe.

Isaya 52:1

Vuka, vuka, wivike ubunyali bubwo, O Zioni; wivike tsingubo tsitsyo tsindahi, O Yerusalemi, lidala litakatifu: kigira kutwula inyinga ya kalunu si a lingira ku ive kandi wa vula kukevwa na u veye mudamano.

Isaya 62:5

K gira kuli musoleli a kwedzanga mukana, ni ndiyo avayai vovo va la kwa ive; na kuli woserereywi a sangaliranga umwiha, ni ndiyo Nyasaye wowo a la sangalira ive.

Isaya 66:10

Mu sangala halala na Yerusalemi, muyanzi kulyo, mwinye vosi va mu yanza: mu sangale nobuyanzi halala nalyo, mwosi ava syomanga kulyo;

Isaya 66:14

Mu la lola yaga, na mwoyo gwenyu gu la sangala, nevigumba vyenyu vi la dedema kuli bunyasi budoto: na mukono gwa Yahova gu la manyekana ku vatumekiri veve; naye a la va nobutima ku avasigu veve.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Matayo 1:20

Navutswa lwa ya ganagana vindu yivi, henza ingelosi wo Mwami ya loleka kuye mu maloto na a vola, Yosefa, mwana wa Daudi, u ta tia kuleta Maria mkali wowo: kigira kya verekwa muye ki veye kya Roho Mtakatifu.

Matayo 22:2

Ubwami bwomigulu bu fwanana nomwami mulala wa kolera mwana wewe kiserero.

Luka 12:36

kandi mwinye avene mu ve kuli avandu va linda mwami wavo, lwa a lirana kutwula mu kiserero; lwa a duka ni yigulihidza, va mwigulire nonoho.

Yohana 3:29

U veye nomukana mwiha niye woserereywi: navutswa mulina woserereywi, u singira na a hulira mwoyo gwowoserereywi, a yanza muno kigira mwoyo gwowoserereywi: kunangwa ubuyanzi yibwo bwa mbeye nabwo bu duki.

2 Vakorintho 11:2

Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo.

Vafeso 5:23

Kigira musatsa a veye mutwe gwomukali kuli Kristo a veye mutwe gwelivugana, kandi mwene a veye muhonnyi womubiri.

Vafeso 5:32

Agaviswa yaga ga veye manene: navutswa inze mbola amakuva ga Kristo nelivugana.

Kwidzulitsa 32:43

Mwinye tsihiri, mwidzominye, halala navandu veve: Kigira a la vanza kisalya kyavatumekiri veve, A la vanza kisalya ku vasigu veve, Kandi a la lomba kyokukunika ubwoni ku kivala kikye, ku avandu veve.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Likunula 11:13

Kandi mu isaa yiyo lya li ho lidegera lyelirova linene, nekidieli kilala ku likumi vyelidala kya gwa; navandu tsielfu tsitano na tsiviri viitwa mu lidegera yilyo: na vandi va tigala ubutii bwa va gumira, ni vidzominya Nyasaye womigulu.

Likunula 19:9

Kandi ya mbolera, U ng'ode, Va veye nobugasu ava langeywi va tsie mu lilia lyekiserero kyo Mwana Weligondi. Kandi ya mbolera, Yaga ga veye amakuva ageligali ga Nyasaye.

Likunula 21:2

Kandi nda lola lidala litakatifu, Yerusalemi lihya, liikanga kutwula migulu wa Nyasaye li tegekeywi kuli mwiha wesiahiye musatsa wewe.

Likunula 21:9

Yadza mulala ku tsingelosi vatano na vaviri ava li nevituva vitano na viviri, vizula maduywa gatano na gaviri gekiheri; kandi ya volerana na inze, na a vola, Hamba yino, nda ku mannya mwiha, mukali wo Mwana Weligondi.

1 Samweli 2:1

Na Hana ya saala, na a vola: Mwoyo gwange gwidzominyanga mu Yahova; Lwiga lwange lu nenehidzangwa mu Yahova Munwa gwange gu vambalalidzeywi ku vasigu vange; Kigira nsangalanga mu buhonyi bubwo.