Likunula 19:12 - KITABU KITAKATIFU

¹² Kandi tsimoni tsitsye tsi veye kuli lumemo lwomuliru kandi ku mutwe gwigwe tsi veye ku tsitaji tsinyingi; kandi a veye nelieta li ng'odeywi li ta veye ho nomundu u li manya, na a ta li uyu mwene.

Likunula 19:12 ပူးပေါင်းရင်းမြစ်များ

Litanga 32:29

Yakobo ya mu teva, na a vola, U mbolere lieta lilyo, nku saala. Naye ya teva, Kigira ki u tevanga lieta lyange? Na ya mu gasidziraho.

Zaburi 8:5

Kigira u mu koli kuva mugeheru hakekeke ku tsingelosi, U mu viki itaji yobukumi na yelidzominywa.

Kutwula 23:21

U gelihe imbiri wewe, na u hulire mwoyo gwigwe; u ta mu vihiriridza; kigira si a li mu sameha mahyolo genyu: kigira Iieta lyange li veye muye.

Tsing'ano 30:4

Ibwaha wanegira migulu, nokusulunguta kandi? Ibwaha wa vungidza imbuudza mu mukono gwigwe? Ibwaha wa boha amadzi mu ingubo yeye? Ibwaha wa singeridza viheri vyosi vyelirova? Lieta lilye ni bwaha, na lieta lyomwana wewe ni bwaha, nu u va nu u manya?

Lwimbu lwa Solomoni 3:11

Mu twule, Mwinye avakana va Zioni, mu lole mwami Solomoni, Wevike itaji ya mama wewe ya mu vika Ku lidiku lvelikwa lilye, Ku lidiku yilye lyobusangali bwomwoyo gwigwe.

Isaya 62:3

Na u la va igudwa yobulahi mu mukono gwa Yahova, na itaji yo bwami mu mukono gwa Nyasaye wowo.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Danyeli 10:6

na mubiri gwi gwe gwa li kuli zumaradi, na mumoni mwimwe mwa li kuli luheni, na tsimoni tsitsye tsya li kuli tsimuli tsyaakanga, na makono na virenge vya li kuli mugasa gu siyeywi, na mwoyo gwamakuva gege gwa li kuli mwoyo gwa avandu vanyingi.

Zekaria 9:16

Na Yahova Nyasaye wavo a la va honnya mu lidiku yilyo kuli kyayo kyavandu veve; kigira va la va kuli magina getaji ga gingwa igulu ligali ku kivala kikye.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Matayo 21:5

Mu volere mkana wa Zioni, Henza, Mwami wowo yadza ku ive, Muhooma, u nini kwisukiri, Noku kimoli kyesukiri.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Luka 10:22

Dada wange ya mba vindu vyosi: kandi si ha li nomundu u manya Mwana ni bwaha, navutswa Dada; kandi Dada ni bwaha, navutswa Mwana, naye wo Mwana u yanza kumuvuulira.

Yohana 17:11

Inze si mbeye mu lirova kandi, navutswa yava va veye mu lirova, na inze ntsitsa ku ive. Dada Mutakatifu, u va linde ku lieta lilyo va wa mpa, va duke kuva kindu kilala kuli kwinye.

Yohana 17:12

Lwa nda li navo halala, nda va denda ku lieta lilyo va wa mpa: kandi nda va linda, kandi si ha veye nomulala kuvo wa gota, navutswa mwana wobudivi; amang'oda ga duke kudukidzwa.

Vafeso 1:21

igulu wobunene bwosi, neminwa, netsingulu, nelyameha, kandi wameta gosi aga talangwa, si mu li mu tsinyinga yitsi tsyeng'ine navutswa mu tsinyinga tsidzanga kandi.

Vahebraina 2:9

Navutswa ku lola Yesu, uyu w a kolwa mugeheru inyinga inkekeke ku tsingelosi, kigira ubusaliri bwelikudza, u vikeywi itaji yobukumi neyelidzominywa, ku tsimbabasi tsya Nyasaye a duke kutsatsama likudza kigira avandu vosi.

Likunula 1:14

Kandi mutwe gwigwe nelisu lilye lya li lilavu kuli pamba indavu, lilavu kuli likonza; netsimoni tsitsye tsya li kuli lumemo lwomuliru;

Likunula 12:3

Kandi kilolekidzu kindi kya loleka migulu: henza, guyoka gunene gwakanyu, gwa li nemitwe gyitano na gyiviri netsinziga likumi, kandi ku mitwe gyagwo gwa li netsisuywa tsitano na tsiviri.

Likunula 13:1

Yesu: nagwo gwa singira mu muyeke gwenyanza. Kandi nda lola inyama ya senuka kutwula mu inyanza, i veye netsinziga likumi nemitwe gyitano na gyiviri kandi ku tsinziga tsyayo ya li netsisuywa likumi, kandi ku mitwe gyayo ameta gobunyegi.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.

Likunula 3:12

Uyu u guutanga nda mu kola itiru mu litempeli lya Nyasaye wange, kandi si a la tsia kyova kandi mba: kandi nda ng'oda kuye lieta lya Nyasaye wange, nelieta lyelidala lya Nyasaye wange, Yerusalemi lihya, liikanga kutwula migulu ku Nyasaye wange, kandi nda ng'oda kuye lieta lyange, inze mwene, lihya.

Likunula 6:2

Kandi nda lola, henza, iparasi indavu, kandi uyu wikala ku ya li nobuhingu; kandi ya hebwa itaji: na a twula na a guutanga, kandi ku guuta.

Vakalagi 13:18

Ingelosi wa Yahova ya mu volera, Kigira ki untevanga lieta lyange, kali li veye lyokugenya?