Likunula 18:7 - KITABU KITAKATIFU

⁷ Ku liidzominya lyalyo, noku limenya lyalyo bugira kwilinda, mu li he ubusaliri neliverera kule ng'ana na yaga: kigira livola mu mwoyo gwalyo, Inze mmenya mu bwami, kandi si mbeye mukunzakali, kandi si nda va neliverera kali hakuzu.

Likunula 18:7 ပူးပေါင်းရင်းမြစ်များ

Esther 6:10

Kunangwa mwami ya volera Haman, Kola bwangu, u vugule tsingubo na iparasi, kuli u voye, na u kolere ndiyo Mordekai Muyuda, wikaye mu kiribwa kyomwami: na kindu kilala ki ta gehera ku gosi aga u voye.

Zaburi 10:6

A volanga mmwoyo gwigwe, Inze si nda sundwa mba; Kuduka ku makula na makula si nda kupa kivi mba.

Zaburi 45:9

Avakana va avami va veye halala na avakali vovo avidzomi nywa: Ha mukono mulungi gugwo, mwami wekikali u singiye, wiviki ithahabu ya Ofiru.

Jeremia 13:18

U volera mwami nomwami wekikali mama womwami, Mwegehidze, mwikale hasi; kigira tsigudwa tsyenyu tsi kunuki, kali itaji yobukumi bwenyu.

Lisyoma lya Jeremia 1:1

Lya duka ndi lidala kumenya lyeng'ine, lya li lizulira avandu Lya duka ndi kuva kuli mukunzakali, yili lya li linene ligali mu tsihiri Mukana womwami hagati hevivala yivyo ya duka ndi kunigwa ku lisolola

Ezekieli 23:34

U la ki nwa nokukikombiridza, na u la dakuna vijonjo vyakyo, nokunyilulula tsimbeere tsitsyo; kigira inze mmali kugavola, Mwami Nyasaye a vola.

Obadia 1:3

Luyai lwomwoyo gugwo lu ku gadi, O ive u menyanga mu tsimbangaywa tsyolwanda, wobumenyo bubwo bu veye igulu, a volanga mmwoyo gwigwe, Ni bwaha u nyala kunzikidza kuduka hasi?

Zefania 2:15

Yili ni lidala lyobusangala li menyanga bugira kuganagana, lya vola mu mwoyo gwalyo, Inze mbeye ho, si ha veye nowundi navutswa inze: ga veye ndi gwiye hatswa, kandi hetsinyama tsyombulimu tsi menya sa mulala u vita ahimbi kulyo a la kunuka nokusung'usa mukono gwigwe.

1 Timoteo 5:11

Navu tswa avakunzakali avang'erere u vambakane: kigira inyinga vebaaye ku Kristo venya va tsie ulukali;

Likunula 18:3

Kigira tsihiri tsyosi tsi gwiye kigira iwaini yobuheyi bwalyo; kandi avami velirova va heye nalyo, kandi avelirova ava kolanga likirannya va kolwa avatugi ku tsingulu tsyelivula kwiigalira lyalyo.

Likunula 18:9

Kandi avami velirova, ava heya naye nava menya naye bugira kwiigalira, va la lira nokusyoma inyinga va lola mwoki gwelisambwa lyalyo,