Likunula 18:23 - KITABU KITAKATIFU

²³ kandi ubulavu bwetaya si bu lyaaka mu ive kandi mba; nomwoyo gwosereye nogwomwiha si gu li hulirwa mu ive kandi mba; kigira ava kirannyanga mu ive va li avanene velirova; kigira tsihiri tsyosi tsya gadwa nobukumu bubwo.

Likunula 18:23 ပူးပေါင်းရင်းမြစ်များ

2 Avami 9:22

Na ga duka, lwa Joram ya lola Jehu, ya mu teva, Gyi veye mirembe, Jehu? Naye ya mu tivulira, Gyi ve ye mirembe ki, inyinga ubuheyi bwa mama wowo Jezebeli nobukumu bwibwe bu veye bunyingi ndi?

Ayubu 21:17

Ga li ndi itaya yavadamano kusiminywa hali kanyingi? Na kivi kyavo ki duka kuvo? Na Nyasaye a va gavulira ubululu mbutima bwibwe?

Tsing'ano 24:20

Kigira avadamano si va li nyola kiheri kilahi mba; Na itaya yomudamano i la siminywa.

Isaya 23:8

Ni bwaha wa saavira inkuva yiyi ku Turo, lidala lyokuvika itaji, lya vakirani valyo va veye avana vavami, na vagulannyi valyo va veye avobukumi mu lirova?

Isaya 47:9

navutswa vindu yivi vyombi vi la duka ku ive idakika indala lidiku lilala, likudzirwa lya vana, nobukunzakali: vi la duka ku ive nekigero kidukiru, kali ubukumu bubwo ni bu veye bunyingi, nobunene bwobusegetiri bubwo.

Jeremia 16:9

Kigira Yahova wa mahe, Nyasaye wa Israeli, a vola: Henza, imbiri wetsimoni tsyenyu, nomu madiku genyu, inze nda heridza hano mwoyo gwobusangali, nomwoyo gwesango, mwoyo gwa u sereye nomwoyo gwomwiha.

Jeremia 25:10

Kandi kuvita yaga, nda va nuula mwoyo gwobusangali, nomwoyo gwobuyanzi, mwoyo gwa u seriye nomwoyo gwomwiha mwoyo gwetsing'ina, nobulavu bwolumuli.

Jeremia 7:34

Inyinga yeyo nda heridza mu madala ga Yuda, nomu tsinzira tsye Yerusalemi, mwoyo gwobusangali, mwoyo gwesango, nomwoyo gwosereye, nomwoyo gwo mwiha; kigira kivala ki la va vutswa.

Nahum 3:4

kigira ubunyingi bwevindu vyamalaya vya uyu wamalaya weligondo lilahi, wekikali munene mu vindu vyobukumu, u gulidzanga avetsihiri namalaya gege, na aviko a va gulidzanga nevyobu kumu bwibwe.

Vikolwa 8:11

Kandi va mu londa, kigira ya va gennya nobusegetiri bwibwe inyinga inene.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 17:2

wavami velirova va heya naye, nava menya mu lirova va hambikidzwa newaini yobuheyi bwibwe.

Likunula 17:5

kandi mu bweni bwibwe ya li nelieta li ng'odeywi ndi, KIVl SEYWI, BABULONI MUNENE, NNYA WAVAHE YI KANDI WEVIVIHIRIRIDZI VYELIROVA.

Likunula 18:22

Kandi myoyo gya va kupanga ubukana, navi mbanga tsinyimbu, na va kupanga malere, na va kupanga kisiliva, si gyi li hulirwa mu ive kandi mba; kandi avasidza vosi, ku busidza bwosi, si va li loleka mu ive kandi mba; kandi mwoyo gwolugina si gu li hulirwa mu ive kandi mba;

Likunula 18:3

Kigira tsihiri tsyosi tsi gwiye kigira iwaini yobuheyi bwalyo; kandi avami velirova va heye nalyo, kandi avelirova ava kolanga likirannya va kolwa avatugi ku tsingulu tsyelivula kwiigalira lyalyo.

Likunula 18:9

Kandi avami velirova, ava heya naye nava menya naye bugira kwiigalira, va la lira nokusyoma inyinga va lola mwoki gwelisambwa lyalyo,

Likunula 21:8

Navutswa ava veye nobutii, nava ta suuvira, nava vihiriridzi, naviiti, navaheyi, navakumu, nava sigamira misambwa, navobubehi vosi, lisanga lyavo li la va mu inyanza i sambanga muliru nekibiridi; i veye likudza lyakaviri.

Likunula 22:15

Ikyova tsi veye ho tsimbwa, navakumu, navaheyi, naviiti, nava sigamira misambwa, na vosi ava yanzanga nokukola ububehi.

Likunula 22:5

Kandi ubudiku si bu la va ho kandi mba; kandi si va veye nelyenya ubulavu bwetaya, kinga ubulavu bweliuva; kigira Mwami Nyasaye a la va laviranga: kandi va lameha mihiga nemihiga.

Likunula 6:15

Kandi avami velirova, navanene navanyampara, navatugi, navetsi ngulu, navatugwa vosi, nava luhya vosi, vivisa mu tsimbangaywa nomu magina gevigulu;

Likunula 9:21

kandi si veganira ku ubwiiti bwavo, noku bukumu bwavo noku buheyi bwavo, noku bwivi bwavo.