Likunula 18:13 - KITABU KITAKATIFU

¹³ nevyomudalasini, nevyaliki, nevyekimuli, nevyamaguta, nevya ubani, nevyaiwaini, nevyamaguta, nevyobusie bunyuki, nevyengano, nevyetsing'ombe, nevyamagondi, nevyetsiparasi, nevyamagari gobulwani, nevyavatugwa, nevyemyoyo gyavandu.

Likunula 18:13 ပူးပေါင်းရင်းမြစ်များ

1 Avami 10:10

Naye ya ha mwami tsitalenta mia namakumi gaviri tsyethahabu, neviseve vyevifunyanga mwayu vinyingi ligali na magina gobuguli budinyu: vya vula kuletwa kandi ubunyingi bwe vifunyanga mwayu ku lugano yilwo kuli ku vyo mwami wekikali wa Sheba ya ha mwami Solomoni.

1 Avami 10:15

bugira yeyo yavagulidzani va leta, na yelikiranya ya vakiranyi, ne ya avami vosi Avarabia, na avagovernor vekivala.

1 Avami 10:25

Navo va leta vihaanwa sa mulala, viju vyefetha, neviju vyethahabu, netsingubo, nevyuma vyelihe, neviseveve vyevifunyanga mwayu, netsiparasi, netsinyumbu, visolola muhiga nomu higa.

1 Kyetsinyinga 5:21

Na va vugula tsing'ombe tsyavo; ku tsing'amia tsyavo tsielfu makumi gatano, ku magondi gavo tsielfu tsimia tsiviri na makumi gatano, noku tsisukiri tsyavo tsielfu tsimia tsiviri, noku avandu tsielfu mia.

2 Kyetsinyinga 9:9

Naye ya ha mwami tsitalenta mia na makumi gaviri tsyethahabu neviseve vyevifunyanga mwayu vi nyingi ligali, na magina gobuguli budinyu: na si ha li ho nevifunyanga mwayu ku lugano lwa yivi vyomwami wekikali wa Sheba ya ha mwami Solomoni.

Nehemia 5:8

Na nda va volera, Kwinye kuli bunyali bwetu ku tungiye avamwavo vetu Vayuda, yavo ava gulidzwa ku vetsihiri; na mwinye kalunu nkano mwa gulidza avamwavo venyu, va gulidzwe na kwinye ku va gule? Hene yaho va kiring'ana, va vula kuva nekya va vola.

Kutwula 21:16

Uyu wibanga mundu, nokumu gulidza, kinga na a nyoleka mu mukono gwigwe, ligali a liitwa.

Tsing'ano 7:17

Mbiki ku bugono bwange vya funya mwayu Manemane, na undi, na mudalasini.

Lwimbu lwa Solomoni 1:3

Maguta gogo ga wevaki ga veye bulahi kuvita iwaini. Maguta gogo ga wevaki ga veye nomuhomo gu yanzidzanga; Lieta lilyo li veye kuli amaguta: malahi aga tsukwa; Kigira yaga avakana va ku yanza.

Lwimbu lwa Solomoni 3:6

Ni bwaha wanegiranga kutwula mu kyangalangwi Kuli minara gyomwoki, Wa vakwa maguta gomwayu gwa manemane nekimuli, Halala nobusie bwevifunyanga mwayu vyosi vya mugulidzi?

Lwimbu lwa Solomoni 5:5

Nda vuka nduke kwigulira mu yanze wange; Na makono gange ga tonyatonya manemane, Na videte vyange vya tonyatonya manemane yamadzi, Ku bugimiriru bwomuluguyu.

Isaya 50:1

Yahova a vola ndi, I veye haliha ibaruwa yelikungwa lya mama wowo, ya nda mu kungira? Naho mu yavo avamagovi gange nu u li ha wa nda gulidza ive? Henza, mwa gulwa kigira budamano bwenyu, kandi mama wenyu ya kungwa kigira mahyolo genyu mwinye.

Ezekieli 27:13

Javan, na Tubali, na Mesheki, yavo va li avakirannyi vovo: va gulidza mibiri gyavandu, neviju vyomugasa kuva vyokukira nnya vivyo.

Amosi 2:6

Yahova a vola ndi: Kigira mahyolo gavaka ga Israeli, yee, kigira gane, si nda girunkannyira lihebwa mageli lyalyo; kigira va gulidza avalungi kunyola ifetha, navadaka kunyola vilatu

Amosi 6:6

ava nwa iwaini mu lubagu, nobwevaka avene namaguta malahi kuvita gosi; navutswa si va verera kigira kivi kya Yosefa.

Amosi 8:6

ku duke kugula avadaka nefetha, navadambi ku va gule vilatu viviri, nokugulidza amadzengere gengano?

Kwidzulitsa 24:7

Mundu na a va na a nyolererwa ni yivanga mulala ku vamwavo veve mu avana va Israeli, kumukola kuli mutugwa, kinga kumugulidza; mwivi uyu a kudze: na ndiyo u la twulidza ubudamano hagati hoho.

Kwidzulitsa 28:68

Yahova a la ku hila kandi Egepeti namato, ku inzira ya nda ku volera, Si u la gi lola kandi kali hakuzu: na yaho mu legulidza ku avasigu venyu mu ve avatugwa vayai navatugwa vakana, na ha la vula kuva nowenya kumugula.

1 Timoteo 1:10

navaheyi, navafiraji, navivanga avarldu, navabehi, navisuhanga ububehi, kandi likuva ku gosi li ta hambana namegidzo malungi;

2 Petro 2:3

Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.

Likunula 18:14

Kandi makuyu gomwoyo gugwo gwa kayirangwa ga twuli ku ive, kandi vindu vyosi vyobunolu nevyobulahi vi divi kutwula ku ive, kandi avandu si va li vi nyola kandi mba.

Likunula 18:15

Avakirannyi vevindu yivi ava lya kola avatugi, va la singira ihale kigira ubutii bwobusaliri bwa lyo nokulira nokusyoma;